Popular Bible Verses from Markoo̱ 11

Паҳн кунед

Kuíni nga bo̱a̱ xiánjnúꞌun nga ngayeje ni xi chji̱a̱ꞌajnú nga ko̱ndókjo̱a̱jnúu̱ Néná, sꞌijin ngatamajnú nga sa̱kójnú, kó sa̱kójnú kui nii̱.

Ngatꞌa̱ ja̱koxi̱ ni xi xiánjnúꞌun nga ta̱ꞌya xota̱ní, xi bi̱ ka̱tso̱o̱ kui tji̱ngi̱i̱: “Ti̱xín ji kꞌi̱e̱e̱, kó tjajmijin ji yojòo̱ ngi̱jin ndáchíkoón”, ka̱ma ni xi ku̱i̱ꞌa, tsi kui xotaa̱ nga jó nga jánjín ku̱i̱ꞌíjñaá ini̱ma̱a̱, nga ta̱sá sꞌijii̱n nga ka̱ma ni xi katsó.

Kó kjiꞌanga ndyi̱ndokjo̱a̱jnúu̱ Néná, ti̱ꞌanjetakónjnú tsi tjín káꞌá xota̱ xi ngo ni xi ndajínkjiꞌi katsꞌénjo̱jnú, tsi̱ꞌe̱ nga kui Na̱ꞌmijnú xi tikón ndiꞌakꞌajmi jàn sa̱ꞌínjetakónjnú ni chꞌokjiꞌi xi kiꞌmíjnú jún.

Sꞌe̱ Kjisoo̱, bi̱ katsoó: –Ti̱ꞌansꞌijinjnú Néná.

Kó bi̱ katsó nga akóyá: –A kjitꞌajín xo̱jo̱n eén Néná nínga bi̱ tsoó: “Ndiꞌana, ndiꞌa nínga ku̱i̱chji̱a̱a̱ Néná ngayeje xota̱ na̱xi̱ńdá xí tjín nga̱sondiee̱ kꞌuiín”. Ta̱nga jún ndo̱bo̱a̱a̱ chejé jè kiniꞌánjnú.

Kó xota̱ xi tjimátjoón ko̱jo xi yajátji̱ngii̱ askjandáyà má, nga bi̱ katsó: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná!

¡Ngatamachikonñé ngi̱ndie nínga botíxoma xi sꞌe̱ ndibaá, nínga tsꞌénbotixómá xota̱ xi xcháná Ndabii̱! ¡Néná ngatꞌaxiéꞌáná ndiꞌakꞌajmi jàn!