Popular Bible Verses from Matioo̱ 15

Паҳн кунед

Ta̱nga ni xi fotjonii̱ ndso̱ꞌbá, ini̱ma̱ná ndibánií, kó kuí nii̱ xi tsꞌéndándí ngo xota̱ ngindyi̱ko̱n Néná. Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Jmí tsi kui ni xi ꞌbosꞌien tsꞌoa xotaa̱ xi tsꞌéndándí ngindyi̱ko̱n Néná, kuí ni xi fotjoo̱ tsꞌoa xi tsꞌéndándí.

Kui xota̱ na̱xi̱ńdaá ta̱ tsꞌoa tsí nga bendikónna, ta̱nga ini̱ma̱a̱ achichí kjin tikónnii̱ an. Ta̱kjo̱a̱ndaní nga ndyi̱tsꞌéndíkónna, ngatꞌa̱ ni xi ndyi̱bokoyá kjo̱a̱botíxomaa̱ xotaa̱ boá.

Kósꞌe̱ Kjisoo̱, bi̱ katsó: ¡Xota̱chjo̱on, ta̱nisién ꞌniú sꞌijii̱n Néná, ngatama ni xi mejeén! Kó ti̱ kui chi̱bo̱a̱ kamándaya tsa̱kji̱ín.

Ta̱nga kui xota̱chjo̱on kijíkóntiñaa̱ Kjisoo̱, sꞌe̱ asiéntikoó xtji̱e̱e̱n kje̱n Kjisoo̱, kó bi̱ katsoó: ¡Ndi̱a̱, tasíke̱jení! Ta̱nga Kjisoo̱, bi̱ katsó: –Ndajínkjiꞌi nga chje̱ꞌéxiín paa̱n ndíjnú, sꞌe̱ ńñaá ko̱e̱ꞌéjnúu̱. Ta̱nga bi̱ katsó kui xota̱chjo̱on: –Kjénní Ndi̱a̱, ta̱nga ti̱ kuí xi kjinie ńñaá xi̱i̱ pan xi bixóngí ngindie yámíxa̱a̱ ndi̱a̱a̱.