Popular Bible Verses from Rkaa̱ 12

Паҳн кунед

Ja̱ kuíni nga jún, chjiéngá ku̱i̱ndyiondajnú, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Ta̱nga ta̱sá ti̱ndyi̱séjnú kjo̱a̱botíxomaa̱ Néná, kó ngayeje kui nii̱ ta̱ sꞌi̱sónrií nga sa̱kójnú.

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

Ngatꞌa̱ nínga tikón kjo̱a̱cho̱njnú, ti̱ ki̱a̱ kꞌuijñá ini̱ma̱jnú nga.

ꞌYání jún xi ka̱maa̱ nga masien metro̱ sa̱ꞌín nkꞌa ngase yojoo̱ ta̱ngatꞌanii̱ nga ꞌniú nda̱ ka̱maa̱.

Sꞌe̱ jaskan Kjisoo̱, bi̱ katsoó xota̱ tsi̱ꞌe̱: –Kuíni nga bi̱ xiánjnúꞌun: Ngata̱ nda̱jín májnú kjo̱a̱a̱ kjo̱a̱mindyionjnú, kjo̱a̱a̱ mí ni xi xi̱ni̱e̱jnú, ko̱jo kjo̱a̱a̱ yojojnú ko̱jo kjo̱a̱a̱ ńjño xi xcha̱jàjnú.

Ngatꞌa̱ ngaskande nga ngo nga ngo tsja̱ xi tjiín tokó xí tjixki̱. Ja̱ kuíni ngata̱ ndakonjínmájnú, ngatꞌa̱ chjí ngasenii̱ jún ta̱bo̱a̱jiín kjín ni̱sie.

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Tsitsíjen chi̱bo̱a̱yajnúu̱ ni̱siee̱ nga jmí ni ꞌbítji̱e̱jín, ko̱jo jmí ni maxchájiín, ti̱nde jmíjiín nínga foaꞌátjó ni xi kjinie, kó Néná tsjaá ni xi kjinie. Kó, a chjíjín ngasenii̱ jún ta̱bo̱a̱jiín ni̱siee̱.

Kó kuíni nga ngata̱ ndasénjín mindyiónjnú nga ku̱i̱ndyi̱séjnú mí ni xi xi̱ni̱e̱jnú, ko̱jo mí ni xi sꞌi̱o̱jnú.

Kó tsi kui kꞌijñá xí ngotꞌe̱ tikón ngi̱jin kꞌijñaá, kó ndyiojón ngo ngi̱yaa̱ ngo orjno̱ je kití, bo̱a̱ tsꞌén tsꞌénkajá ńjño Néná, ja̱ kókjiꞌi ngase ni xi sa̱ꞌín Néná kjo̱a̱a̱ jún. ¡Ánní nga tá chiboa sꞌijinjnú!

Ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.