Popular Bible Verses from MARKUS 12

Паҳн кунед

Jesusnam yaskerqan: —Keymi punta kaq: Wiyey, Israyel: Señor, Dyosnintsikqa, Señorqa juklleyllam. Dyosnikita kuyanki llapan shonqiykiwan, llapan almeykiwan, llapan yarpeynikiwan i llapan kallpeykiwan. Ishkey kaq keymi: Kuyanki nuna mayikita kikikitanow. Manam kantsu juk kamatsikiy mas jatun key ishkampita.

Peymi disípulunkunata qayarir nerqan: —Tseqeypam niyaq key waktsa biwdam winashqa mas atskata arkaman llapan winaqkunapita. Llapanmi winayashqa kapoqninkunapita katunkunallata, peru keyqa, waktsakeyninpita winashqa llapan kapoqninta, mikunanpaq kaqta.

Ofrenda eyllukuna arka frentinchow Jesús teykar, rikárqan imanow nunakuna ofrenda qelley winayanqanta. Atska kapoqyoqkuna winayaq atskapa, i juk waktsa biwda shamurnin winarqan ishkey luyaq qelleyninta, keymi bálin juk kwadranti.

I llapan shonquwan kuyarnin, llapan kayikíwan, i llapan kallpawan, i nuna mayita kuyar kikintsiktanow; keykunam bálin mas olokawustupeq i sakrifisyukunapita.

Tseynam Jesús nerqan: —Sésarta qoyey Sésarpa kaqta, i Dyosta, Dyospa kaqta. Almirakuyarqan peypita.