Оятҳои маъмули Инҷил аз Aroma 8

Паҳн кунед

Tutangite panga mumakowe goti Nnu'ngu' apanga kasi li'nga kwapeya manogau balu' babampenda. Aba nga bandu baakemite Nnu'ngu' bu'kana na mabinio gake.

Kwa mwanjaa kakape nitangite panga ntu'pu' kili'be sosoti sakiwesa kutulekangania na upendo wake, wala kiwo, wala ukoti, wala malaika au makakala gi'ngi' ga kunani, wala gagapitya nambi'yambi', wala gagaalu'a pitya nnu'ngi', wala utawala, ntu'pu' sakibile kunani yitu wala pai' yitu, wala kyumbe si'ngi' sosoti kiwesali kutulekangania na upendo wa Nnu'ngu' waulayite kwitu kwa ndi'la ya Kilisitu Yesu Bwana witu.

Pamope na ago, Loo Mpeleteu ngaywatuyangatia muukigopi witu, kwa mwanjaa tumanyilili lu'ba mwaipalikwa. Lakini Loo Mpeleteu mwene atulu'bya kwa Nnu'ngu' kwa lwu'ngu' no bu'bu'la kwangaliyaulika.

Bai, tubaye buli bu'kana na makowe ga? Manaitei Nnu'ngu' abile lwingo lwitu nyai ywakombwa taukana na twenga?

Bai, nambi'yambi' ntu'pu' ukumu ya kiwo kwa mundu ywoywoti ywa Kilisitu Yesu.

Manaitei maganio ginu kagalongoyelwa kiyi'ga galeta kiwo, ila mana maganio ginu kagalongoyelwa na Loo Mpeleteu galeta ukoto na amani.

Lakini muago goti tupata usindi ntimya pi'tya Nnu'ngu' ywaatulayite upendo wake.

Nenga nibona panga ngu'su'mbu' yitu ya nsimu wu'no kili'beli landanisa na utukupu wu'lu' wawaalu'a umukulilwa kwitu.

Nyai ywakombwa kutulekangania na upendo wa Kilisitu? Buli, tabu, au siki, au ngu'su'mbu', au njala, au buula, au maule, au kiwo? Lili, mwomwoti mwatubile, Kilisitu ayendelya kutupenda.

Naywembe Nnu'ngu' ywaipekeseni myoyo, agatangite mabinio ga Loo, kwa mwanjaa Loo aalu'bya apeleteu bu'kana na mwapendi Nnu'ngu'.

Boti babayi'ki'tya longoyelwa na Loo wa Nnu'ngu', nga bana ba Nnu'ngu'.

Mwanjaa balu' babatama kwa kwikoleya yi'ga, batawalilwa na maminyikio ga kiyi'ga. Lakini balu' babatama kwa kunkoleya Loo Mpeleteu batawalilwa na maminyikio ga Loo.

Nnu'ngu' aannei Mwana wake mwene, na kumpiya awee kwa kitumbu situ twaboti. Kwa nyo, manaitei aampiyite Mwana wake kwa kitumbu situ, bai aakosali ata kutupeya twenga balaka yoti, pamope na Mwana wake.

Aywo Loo mwene akong'ondelya mumyoyo yitu panga twenga twabana ba Nnu'ngu'. Bai, kwa mwanjaa twenga twabana ba Nnu'ngu' twaalu'a pokya ulisi wake no baa pamope na Kilisitu muulisi wo. Manaitei twaaba pamope mungu'su'mbu' yake Kilisitu, na twaaba pamope kai' muutukupu wake wawaisa.

Kwa mwanjaa maganio gagalongoyelwa na ukigopi wa kiyi'ga, nga nndumu wa Nnu'ngu', kwa kitumbu gaiyu'wali salya ya Nnu'ngu' na wala gakombwali kwiyu'wa.

Kwa mwanjaa yumbe yoti ili'nda kwa kilu'lu' muno, nsimu Nnu'ngu' paalu'a kwaumukulya bana bake.

Mwanjaa tutangite panga, ata nambi'yambi' yumbe yoti yendabu'bu'la kwa lwu'ngu' kati nnwawa mwene lwu'ngu' lwo papa.