Popular Bible Verses from Башталыш 27

Паҳн кунед

Кудай сага көктүн шүүдүрүмүн, жердин соорусун берсин. Эгиниң менен жүзүмүңдүн ширесин мол кылсын. Түркүн эл сага кызмат кылып, уруулар сенин алдыңда тизе бүксүн. Боордошторуңа бийлик жүргүз, бир туугандарың сага таазим кылышсын. Сага каргыш айткандар өздөрү каргышка калсын да, батасын бергендер батага маарышсын.

Эсап: – Аты бекеринен Жакып эмес да! Ал мени эки жолу алдады. Менин тунгучтук укугумду алды, эми батамды да алып кетти. Чындап эле мага бере турган батаңыз калган жокпу? – деди.

Ошондо атасы Ыскак ага мындай деди: – Мекениң көк шүүдүрүмүнөн алыс болот, жердин семизинен оолак болот. Кылычың менен күн көрөсүң, иниңе кызмат кыласың. Убакыт келип, ага каршы чыгасың да, анын моюнтуругунан бошоносуң.

Эсап атасына: – Ата, сиздин бир эле батаңыз бар беле? Мага да батаңызды бериңиз, ата! – деп бакырып, ыйлап кирди.