Popular Bible Verses from Rōmano 4

Паҳн кунед

I haka noho i oho nō i te manaꞌu ꞌi ruŋa i te hōrea o te ꞌAtua. I ꞌata haka pūai nō i te haka moe iŋa i te manaꞌu ꞌi ruŋa i te ꞌAtua ꞌe he haꞌahana-hana, ꞌo te ꞌite riva-riva pē nei ē: i te ꞌAtua te pūai mo haka tano i tāꞌana meꞌe hōrea.

Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.

vaꞌai era ki te mate mo te tātou hara, ꞌe haka ora haka ꞌou era mai te mate mo riro o tātou he taŋata tano ki te mata o te ꞌAtua.

ꞌI te hora e tuꞌu rō ꞌā pa he meꞌe ena ē: ꞌina he rāveꞌa toe mo topa o tū meꞌe kī era e te ꞌAtua, i ꞌata haka hio-hio i oho nō a ꞌAparahama i tōꞌona manaꞌu ꞌi ruŋa i te ꞌAtua, ꞌe i ꞌata tiaki nō ki te mahana mo haka tano e te ꞌAtua i rā meꞌe hōrea era ki a ia. Pē ira i ai ai «he tupuna o te meꞌe rahi nō atu hau o te ao», pa he meꞌe kī e te ꞌAtua: «Pa he rahi ena ꞌā o te hetuꞌu o te raŋi te rahi o tuꞌu hakaara ka ai ena».

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Pē nei a Tāvita i kī ai: «¡Ko te koa i te nuꞌu haka rehu e te ꞌAtua i te rāua hara ꞌe haka kore i te rāua meꞌe taꞌe tano aŋa! ¡Ko te koa i te kope taꞌe tapa haka ꞌou e te ꞌAtua i tōꞌona hara!».

ꞌE taꞌe, paꞌi, pē ira. E hāꞌaki ena ꞌi ruŋa i te ⌊Pāpaꞌi Moꞌa⌋: «ꞌI te haka moe o ꞌAparahama i te manaꞌu ꞌi ruŋa i te meꞌe kī e te ꞌAtua, i kī ai e te ꞌAtua: a ꞌAparahama he taŋata tano ꞌi muꞌa i a ia».