Popular Bible Verses from Marko 7

Паҳн кунед

Mai roto, paꞌi, e eꞌa ena te ŋā meꞌe nei: he manaꞌu rake-rake, he piri tane taꞌatoꞌa taꞌe haꞌatiꞌa e te ꞌAtua, he toke, he tiŋaꞌi he haka mate i te taŋata, he taiꞌata, he nou-nou, he aŋa i te meꞌe taꞌe tano, he reo-reo, he pohe ki te viꞌe ki te tane taꞌe ꞌāꞌana, he mākota i te meꞌe o te rua, he haꞌaꞌino, he haka paka i a ia ꞌe he aŋa i te meꞌe maꞌa-maꞌa. Te meꞌe taꞌe tano taꞌatoꞌa nei mai roto i te taŋata e eꞌa ena ꞌe e haka taꞌe tano ena i te māhatu ki te mata o te ꞌAtua».

ꞌIna e tahi meꞌe mo kai e te taŋata mo haka taꞌe tano i a ia ki te mata o te ꞌAtua. Te meꞌe mo haka taꞌe tano i a ia he meꞌe rake-rake eꞌa mai roto i te māhatu. [

He pāhono e Ietū: —He aŋi ꞌana ꞌō tū meꞌe kī era e te ꞌAtua o ruŋa i te nuꞌu riva a te haho ꞌā, pē kōrua, ꞌi te hora haka pāpaꞌi ki te perofeta era ko ꞌItaia pē nei ē: “Te nuꞌu nei hai ŋutu mau nō e haꞌamuri mai nei, ꞌe te rāua māhatu ꞌi te kona kē nō atu.

ꞌE te rāua haꞌamuri iŋa mai ꞌina e tahi hauhaꞌa; e hāpī rō ꞌana, paꞌi, i te meꞌe taŋata pa he roŋo ꞌāꞌaku”.

»A kōrua he haka rehu nō te aŋa i te haka tere iŋa o te ꞌAtua mo haka tere hai meꞌe taŋata.