Popular Bible Verses from Marko 16

Паҳн кунед

I oho era he kī: «E oho kōrua e haka ꞌite i te ⌊roŋo riva-riva o te ꞌAtua⌋ a te henua taꞌatoꞌa.

Te nuꞌu haka moe i te manaꞌu ꞌi ruŋa i a au e aŋa rō i te meꞌe ka takeꞌa era e te taŋata he aŋi-aŋi: i rā nuꞌu te mana o te ꞌAtua. Te nuꞌu nei e haka eꞌa rō i te tātane mai roto i te taŋata hai ꞌīŋoa ōꞌoku, ꞌe e vānaŋa rō i te ꞌarero kē taꞌe i hāpī e rāua. Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

He kī e rā taŋata: «ꞌIna ko riꞌa-riꞌa. A kōrua e kimi ꞌana i a Ietū era o Nātāreta, kope veo era ꞌi ruŋa i te tātaurō. A ia ko ora haka ꞌou ꞌā; ꞌina o nei. Ka uꞌi nō a te kona haka rē era i a ia».

Rā māꞌea, paꞌi, māꞌea nui-nui paŋahaꞌa. I tuꞌu era te ŋā viꞌe nei ki ira, he takeꞌa ko haka tapa era ꞌā. I uru era ki roto i tū kona haka rē pāpaku era, he takeꞌa e noho rō ꞌā ꞌi te pāꞌiŋa mataꞌu e tahi taŋata ꞌāpī e uru rō ꞌā i te kahu tea-tea. He riꞌa-riꞌa rō atu ꞌai rā ŋā viꞌe.