Popular Bible Verses from Marko 13

Паҳн кунед

Te taŋata o te henua taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au. ꞌE te kope haka moe oho nō i tōꞌona manaꞌu ꞌātā ki te hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

»ꞌO ira, e veveri e ꞌara te mata; ꞌina, paꞌi, kōrua kai ꞌite a hē te meꞌe nei ka topa.

»Hora era ko vaꞌai ꞌā i a kōrua ki te rima o te nuꞌu ra-rahi, ꞌina ko manaꞌu he aha te meꞌe mo kī. Ka kī nō kōrua i te vānaŋa ka haka ꞌite atu ena e te ꞌAtua ꞌi rā hora; taꞌe ko kōrua, paꞌi, te meꞌe ka vānaŋa era, he ⌊Vārua Maitai⌋.

E ŋaro rō te raŋi ꞌe te henua. ꞌE, tāꞌaku vānaŋa nei e ko ŋaro; e tano tahi rō.

»Te mahana ꞌe te hora o tōꞌona hoki iŋa mai ꞌina e tahi taŋata i ꞌite, kai ꞌite e te merahi o te raŋi, ꞌe pē ira takoꞌa ꞌā te Poki; he Matuꞌa mau nō te meꞌe i ꞌite.

»Ka ŋaroꞌa ena e kōrua i te parau ꞌāpī ko tamaꞌi ꞌā a nei ꞌe a rā, ꞌina kōrua ko riꞌa-riꞌa. He topa mau ꞌā te meꞌe ena. ꞌE, ka ai atu pē ira, kai hāhine ꞌā te hopeꞌa o te ao nei.

»Pē ira takoꞌa ꞌā a kōrua, e uꞌi ꞌo hāꞌuru rō; ꞌina, paꞌi, kōrua kai ꞌite a hē ka tuꞌu mai tū kope era ōꞌona te hare, te auraꞌa, te Poki o te taŋata. E tano nō ꞌi te ahi-ahi pō, ꞌi te ꞌahuru mā piti o te pō, ꞌi te hora ꞌoꞌoa o te moa ꞌo ꞌi te pōꞌā. E uꞌi ꞌo tuꞌu rō atu he maꞌurima i a kōrua e hāꞌuru ꞌā. Te meꞌe nei e au e kī atu ena ki a kōrua, ki te taꞌatoꞌa takoꞌa a au e kī nei: ¡E veveri e ꞌara te mata!».

Te nuꞌu o te henua e tahi e moto rō ki te nuꞌu o te rua henua, ꞌe he tamaꞌi te ꞌariki o te kona e tahi ki te ꞌariki o te rua kona. ꞌE meꞌe rahi nō atu kona ka mākenu-kenu ena te henua, ꞌe he ai te maruaki. He haꞌamata iŋa iho rā o te ꞌati mo topa mai.

Te ⌊roŋo riva-riva o te ꞌAtua⌋, paꞌi, e haka ꞌite e oho rō ki te taŋata o te henua taꞌatoꞌa ꞌi raꞌe ki te tuꞌu iŋa mai o te hopeꞌa o te ao.

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”. E rahi rō te nuꞌu ka haka maꞌa-maꞌa ena.

»E hāpaꞌo kōrua i a kōrua ꞌā. Nā e vaꞌai rō i a kōrua ki te rima o te nuꞌu ra-rahi o tātou o te ⌊hūrio⌋ ꞌe e tōtōā rō i a kōrua ꞌi roto i te hare pure. E maꞌu rō mo ture e te suerekao ꞌe e te ꞌariki ꞌo te ai o kōrua he nuꞌu hāpī ꞌāꞌaku. ꞌI rā hora ka haka ꞌite ena kōrua ki a rāua o ruŋa i a au.

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

»Ki oti te mahana o rā ŋā ꞌati, he pōhāhā te raꞌā ꞌe e ko māꞌeha haka ꞌou te māhina; he vī-viri te hetuꞌu ꞌe he rurū tahi te meꞌe o te raŋi.