Popular Bible Verses from Māteo 24

Паҳн кунед

ꞌI rā ŋā mahana, ꞌi te rahi o te meꞌe taꞌe tano aŋa, he kore te haŋa mo te rua o te rahi raꞌa mau o te taŋata. ꞌE te kope haka moe oho nō i tōꞌona manaꞌu ꞌātā ki te hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Te roŋo riva-riva o te ⌊haka tere iŋa ꞌāpī o te ꞌAtua⌋ e haka ꞌite rō ꞌi te kona taꞌatoꞌa mo ꞌite tahi o te taŋata o te ao; ki oti ka tuꞌu iho mai ena te hopeꞌa o te ao.

»E ŋaroꞌa rō e kōrua i te parau ꞌāpī o te tamaꞌi o henua nei o henua era; ꞌe, ꞌina ko riꞌa-riꞌa. He topa mau ꞌā te meꞌe era, ꞌe, ka ai atu pē ira, kai hāhine ꞌā te hopeꞌa o te ao nei.

Te nuꞌu o te henua e tahi e moto rō ki te nuꞌu o te rua henua, ꞌe he tamaꞌi te ꞌariki o te kona e tahi ki te ꞌariki o te rua kona. ꞌE meꞌe rahi kona he maruaki ꞌe he mākenu-kenu te henua. He haꞌamata iŋa iho rā o te ꞌati mo topa mai.

E ŋaro rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: “He Kiritō au”, ꞌe nuꞌu rahi te nuꞌu ka haka maꞌa-maꞌa ena.

»E vaꞌai rō i a kōrua ki te nuꞌu mo tōtōā; e tiŋaꞌi e haka mate rō, ꞌe e maꞌu rō te riri mo kōrua e te taŋata o te hau taꞌatoꞌa, he haka moe o kōrua i te manaꞌu ꞌi ruŋa i a au. ꞌI rā ŋā mahana meꞌe rahi nuꞌu ka taꞌe haka moe haka ꞌou ena i te manaꞌu ꞌi ruŋa i te ꞌAtua; te taŋata e maꞌu rō i te riri mo te rua ꞌe e vaꞌai rō e te kope e tahi i te rua ki te rima o te taŋata taꞌe haŋa ki rā rua kope era. He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

He pāhono e Ietū: —E uꞌi kōrua ꞌo haka maꞌa-maꞌa rō atu.

ꞌO ira, e haka rito kōrua; te Poki o te taŋata e ko aŋi-aŋi hia e kōrua ka tuꞌu rō atu ena.

»ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

»Te mahana ꞌe te hora o tōꞌona hoki iŋa mai ꞌina e tahi taŋata i ꞌite. Kai ꞌite e te merahi o te raŋi, ꞌe pē ira takoꞌa ꞌā e te Poki; he Matuꞌa mau nō te meꞌe i ꞌite.

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

»Te noho iŋa o te taŋata ꞌi te ŋā mahana era ko hāhine ꞌā mo hoki mai o te Poki o te taŋata pa he noho iŋa ꞌā o te nuꞌu ꞌi te hora o Nōē. ꞌI te ŋā mahana era kai topa ꞌā te ꞌati o te ꞌua ꞌātā ki te mahana eke o Nōē ki ruŋa i te pahī, te taŋata e kai nō ꞌana, e unu nō ꞌā ꞌe e ⌊hāipo-ipo⌋ nō ꞌā. ꞌE ꞌina kai manaꞌu hia i topa rō ai te ꞌati o te ꞌua ꞌe he mā-mate tahi rō ꞌai. Pē ira takoꞌa ꞌā ka topa ena ꞌi te hora o te hoki iŋa haka ꞌou mai o te Poki o te taŋata.