Popular Bible Verses from Māteo 15

Паҳн кунед

Te meꞌe haka taꞌe tano i te taŋata ki te mata o te ꞌAtua he meꞌe kī eꞌa mai te haha, he meꞌe mai roto i te taŋata e eꞌa ena. Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

“Te nuꞌu nei hai ŋutu mau nō e haꞌamuri mai nei, ꞌe te rāua māhatu ꞌi te kona kē nō atu. ꞌE te rāua haꞌamuri iŋa mai ꞌina e tahi hauhaꞌa; e hāpī rō ꞌana, paꞌi, i te meꞌe taŋata pa he roŋo ꞌāꞌaku”.

He kī ia e Ietū: —¡Ko te pūai i tuꞌu haka moe iŋa i te manaꞌu ꞌi ruŋa i a au! Ka ai pa he meꞌe haŋa ena e koe. ꞌE ꞌi rā hora mau ꞌā he ora tū poki era.

Ka ai atu pē ira, i oho nō rā viꞌe he tū-turi ꞌi muꞌa i a Ietū ꞌe he kī: —¡Ka hāꞌūꞌū mai koe! He pāhono e Ietū: —Meꞌe taꞌe tano mo hiko i te haraoa mai te ŋā poki mo vaꞌai ki te paiheŋa. He kī e tū viꞌe era