He māuru-uru a au ki te ꞌAtua. ꞌĀꞌana, paꞌi, te vaꞌai mai i te pūai mo rē ki te meꞌe taꞌatoꞌa ꞌo te ai o mātou o te Kiritō. ꞌE ꞌāꞌana takoꞌa te hāꞌūꞌū mai mo haka ꞌite i te ⌊roŋo riva-riva o ruŋa i a Ietū⌋, roŋo pa he manoꞌi ꞌeo tuꞌu ki te kona taꞌatoꞌa. Hora ena o mātou e haka ꞌite e oho ena i te roŋo riva-riva o ruŋa i a Ietū a mātou pa he ꞌeo incienso tūtia e te Kiritō haka koa i te ꞌAtua, ꞌe tuꞌu ki te nuꞌu eꞌa mai roto i te ūtuꞌa o te hara, ꞌe ki te nuꞌu taꞌe eꞌa.