Popular Bible Verses from Čơdơ̆ng Phŭn 17

Паҳн кунед

Tơdang Abram hmâo dua rơpăn pluh dua rơpăn thŭn, Yêhôwa pơrơđah rai kơ ñu laih anŭn laĭ: “Kâo jing Ơi Adai Dưi Kơtang; rơbat nao bĕ ƀơi anăp Kâo laih anŭn hơdip hiam klă hlom ƀom.

Arăng ƀu či iâu ih jing Abram dơ̆ng tah, samơ̆ anăn ih či jing Abraham yua kơ Kâo pơjing ih jing ama kơ lu kơnŭng djuai.

Kâo či pơjing kơnol pơgop hăng ih laih anŭn hăng kơnŭng djuai ih mơ̆ng rơnŭk anai truh pơ rơnŭk pơkŏn; yua kơ anai jing kơnol pơgop hlŏng lar kiăng kơ Kâo jing Ơi Adai ih laih anŭn kơ kơnŭng djuai ih.

“Gah kơ Kâo, anai jing kơnol pơgop Kâo pơjing hăng ih: Ih či jing ơi adon kơ lu kơnŭng djuai.

Ơi Adai laĭ: “Ƀu djơ̆ tui anŭn ôh, HʼSara, bơnai ih či tơkeng brơi kơ ih sa čô ană đah rơkơi, laih anŭn ih či pơanăn ñu jing Isak. Kâo či pơjing tơlơi kơnol pơgop hăng ñu, jing tơlơi kơnol pơgop hlŏng lar brơi kơ kơnŭng djuai ñu.

Kâo či brơi kơ ih hăng kơnŭng djuai ih lŏn ƀing gih hlăk dŏ ră anai, jing abih čar Kanaan, jing dram gơnam kơ ih hlŏng lar. Kâo či jing Ơi Adai gơñu.”

Abraham tŏ tơŭt bon kŭp akŏ ƀơi lŏn, klao laih anŭn pơmĭn amăng pran jua: “Sa čô mơnuih hmâo sa rơtuh thŭn laih ăt dưi hmâo ană dơ̆ng mơ̆n hă? HʼSara hmâo dua rơpăn pluh thŭn laih ăt dưi tơkeng ană dơ̆ng mơ̆n hă?”

Ơi Adai laĭ kơ Abraham: “Bơ kơ HʼSarai, bơnai ih, anăm ih iâu ñu HʼSarai dơ̆ng tah yua kơ anăn ñu jing HʼSara.

Brơi ƀing gih khăt hĭ klĭ gom ƀơi akŏ dŏ añă đah rơkơi, anŭn či jing gru kơnăl kơ kơnol pơgop tơ̆ng krah Kâo hăng ƀing gih.

Samơ̆ Kâo či pơjing tơlơi kơnol pơgop hăng Isak, pô HʼSara či tơkeng brơi kơ ih ƀơi bơyan anai amăng thŭn pơ anăp.”

Găn kơ lu rơnŭk mơnuih, abih bang ƀing đah rơkơi amăng ƀing gih, wơ̆t dah tơkeng rai amăng sang ƀôdah hmâo blơi mă hăng prăk mơ̆ng ƀing tuai, ƀu djơ̆ mơ̆ng kơnŭng djuai ih pô, tơdơi kơ hrơi tơkeng sapăn hrơi leng kơ khŏm tŭ tơlơi khăt klĭ. Mơnuih hmâo tơkeng rai amăng sang wơ̆t hăng mơnuih arăng hmâo blơi mă hăng prăk leng kơ khŏm tŭ tơlơi khăt klĭ. Tui anŭn, tơlơi kơnol pơgop Kâo ƀơi drơi jan ƀing gih či jing kơnol pơgop hlŏng lar.