Popular Bible Verses from มาระโก 6

Паҳн кунед

“หมู่​เฮา​ไป​หา​ตี้​เงียบๆ ย้าง​กั๋น​สัก​กำ​เต๊อะ” ย้อน​ว่า​มี​คน​นัก​ขนาด​มา​หา​พระองค์​อยู่​สะลวด จ๋น​บ่มี​เวลา​แม้​แต่​จะ​กิ๋น​ข้าว

พระเยซู​ก็​เลย​อู้​กับ​หมู่​เขา​ว่า “ผู้​เป๋น​ปาก​เป๋น​เสียง​แตน​พระเจ้า​นั้น​จะ​ได้ฮับ​เกียรติ​ใน​กู้ๆ ตี้ ยกเว้น​ใน​บ้าน​เมือง​ตึง​ครอบครัว​ญาติ​ปี้น้อง​ของ​ตั๋ว”

เมื่อ​พระเยซู​ขึ้น​จาก​เฮือ ก็​หัน​คน​เป๋น​จ๋ำนวน​นัก พระองค์​ก็​ฮู้สึก​อินดู​หมู่​เขา ย้อน​ว่า​หมู่​เขา​เผียบ​เหมือน​ฝูง​แกะ​ตี้​บ่มี​คน​เลี้ยง พระองค์​จึง​สั่ง​สอน​หมู่​เขา​หลาย​เรื่อง

ต๋อน​ตี้​อยู่​ตี้​หั้น พระเยซู​ก็​บ่สามารถ​เยียะ​ก๋าน​อัศจ๋รรย์​ได้ นอกจาก​วาง​มือ​ฮักษา​คน​ป่วย​หื้อ​หาย​บ่กี่​คน​เต้าอั้น พระองค์​งืด​ตี้​หมู่​เขา​บ่มี​ความ​เจื้อ​ใน​พระองค์ พระองค์​ก็​เลย​ไป​สอน​ต๋าม​หมู่​บ้าน​อื่น​ต๋าม​ใก้​ต๋าม​ฮิม​เหีย

แล้ว​พระองค์​ก็​ฮับ​เข้าหนมปัง​ห้า​ก้อน​กับ​ป๋า​สอง​ตั๋ว​นั้น​มา แล้ว​แหงน​หน้า​ขึ้น​ไป​ผ่อ​ฟ้า​สวรรค์​ขอบ​พระคุณ​พระเจ้า แล้ว​ก็​หัก​เข้าหนมปัง​ส่ง​หื้อ​หมู่​สาวก​เอา​ไป​แจก​คน​ตังหลาย แล้ว​พระองค์​แบ่ง​ป๋า​สอง​ตั๋ว​แจก​หื้อ​หมู่​เขา​ตวย คน​ตึง​หมด​ได้​กิ๋น​อิ่ม​กู้​คน แล้ว​หมู่​สาวก​เก็บ​เข้าหนมปัง​ตึง​ป๋า​ตี้​เหลือ​ได้​สิบ​สอง​ซ้า​เต๋มๆ