Popular Bible Verses from 2 کٛرِنْتُعٜنْ 1

Паҳн кунед

مَنغْتٛورٜ لَاتَنٛ اَللَّه، بَابِرَاوٛ جَوْمِرَاوٛ مٜىٰطٜنْ عِيسَى اَلْمَسِيحُ، بَابِرَاوٛ کٜىٰوْطٛ عٜنْطَمْ، عٛ اَللَّه مٛ طٛنْ دٜعِّتِنَ يِمْࢡٜ ڢٛرٛيْ؞ عٛطٛنْ دٜعِّتِنَ مِنْ ندٜرْ ࢡِلَّاجٜ عَمِنْ ڢُو، نغَمْ حَا مِنِنْ بٛو مِنْ مبَاوَ دٜعِّتِنغٛ يَرَنْࢡٜ بٛنٜىٰجِ ڢٜىٰرٜ ڢٜىٰرٜىٰجِ بٜى دٜعِّتِنْکِ کِ مِنْ کٜࢡِ حَا مَاکٛ؞

بَنَ نٛ بٛنٜىٰجِ طِ مِنْ نجَرِ دَلِيلَ اَلْمَسِيحُ طٛنْ طُوطَنِ مِنْ، بَنَ نٛنْ دٜعِّتِنْکِ عِوْکِ حَا اَلْمَسِيحُ بٛو طٛنْ طُوطَنِ مِنْ؞

مِنْ مَاتِ ندٜرْ ࢡٜرْطٜ عَمِنْ بَنَ مِنْ ندٛعَّاࢡٜ کِيتَ مبَرٜىٰغٛ؞ نٛنْ طُمْ لَاتٛرِ نغَمْ تَا مِنْ کٛولٛ کٛعٜ عَمِنْ، عَمَّا مِنْ کٛولٛ اَللَّه، عُمِّتِنٛووٛ مَايْࢡٜ؞

اَللَّه بٜى حٛورٜ مُمْ تَبِتِنْتَ عٜنْ ندٜرْ کَوْتَلْ بٜى عِيسَى اَلْمَسِيحُ؞ کَنغْکٛ سُࢡِ عٜنْ، عٛوَطَنِ عٜنْ لَمْبَ مَاکٛ، عٛحٛکِّ عٜنْ رُوحُ مَاکٛ ندٜرْ ࢡٜرْطٜ مٜىٰطٜنْ بَنَ جٜنغِنَ حَيْرُوجِ طِ عٛرٜسَنِ عٜنْ؞

تٛ مِنْ طٛنْ نجَرَ بٛنٜ، طُمْ لَاتٛتٛ نغَمْ حَا عٛنْ ندٜعِّتَ، عٛنْ کِسَ؞ تٛ اَللَّه دٜعِّتِنِ مِنْ بٛو، طُمْ لَاتٛتٛ نغَمْ عٛنْ شٜمْبِطَ، عٛنْ مُࢩَنَ عِرِنْ بٛنٜىٰجِ طِ مِنْ نجَرَتَ؞