Оятҳои маъмули Инҷил аз Proverbios 29

Ti nkexro chráko̱nhe̱n chojni la tsꞌitsínka sin; a̱ndá ti nkexro titekaon Itꞌéni Díos la jína tsꞌatsínka ti kjuaxikaon la tsaá.

Ti kohya ijnko nkexro tsochronka ti nkehe tꞌe̱to̱an Díos tso̱hen; la kohya kjuaxróxin ti chjasin, a̱ndá ti sin titekaon ti nkehe tꞌe̱to̱an Díos la kjuaxróxin tsꞌejó sin.

Ti chojni lo̱nti̱ la xra̱hya tónínkaon; a̱ndá ti chojni nohe la tꞌe̱tue̱hen a̱sén kixin tso̱nínkakonhña.

Ti ijnko inta vara xrenduéexin ijnko chájan la a̱ntsí tsꞌitja tsochónta kjuaxrexinkaon; a̱ndá ti chájan chóntahya kjuasàya la jehó sinchesuéhe̱ ti ìñé.

Tjéntuéhé ti xja̱an landá kjuaxróxin tsjakꞌe la ko tso̱chéhe̱ a̱sán.

Ti chojni nchehyéhyé a̱sén la tsochóntehya sin kjuasàya chrꞌéxi̱n; a̱ndá ti sin nchejiéhya a̱sén la chrꞌéxi̱n tsꞌáyéhe̱ sin kjuasàya.

Ti chojni xra̱hya tónínkaon la xra̱hya tjasin kjuanínkaon; ti chojni jie̱he la nchónhña ijie̱ tsjasin.

Tsjehé ti nkexro tjenka̱yáxinhña ti nkehe nixja. A̱ntsí jína chrónixja ijnko chojni lo̱nti̱ ke ti nkexro a.