Оятҳои маъмули Инҷил аз Mateo 14

Ndá xrína̱hña kónohe chꞌan kixin imá chjéhe xri̱nto̱ la síchriká ti ìnta̱, ndá imá chrákon chꞌan la kjuankíxin kꞌuaniánkí chꞌan ìnta̱, la kꞌóyako chꞌan, kꞌuéya chꞌan, ndáchro chꞌan: ―¡Ìnchéni, nchekaáni! ―ichro chꞌan. Ndá tuénxín itsé chꞌin Jesús itja ti chꞌin Pedro la ndáchro chꞌan: ―¿Nkekuènté chaxínhña titekaoan? ¿Nkekuènté nkoko̱ahya kjuénka̱yáxian?

Ndá xrína̱hña kónohe chꞌan kixin imá chjéhe xri̱nto̱ la síchriká ti ìnta̱, ndá imá chrákon chꞌan la kjuankíxin kꞌuaniánkí chꞌan ìnta̱, la kꞌóyako chꞌan, kꞌuéya chꞌan, ndáchro chꞌan: ―¡Ìnchéni, nchekaáni! ―ichro chꞌan.

La chꞌin Jesús tuénxín nixje̱he̱ chꞌan sin, ndáchro chꞌan: ―Tóxakuanhñara. Janhan kjuihá, chrakonhñara ―ichro chꞌan.

Ndá chꞌin Pedro ndáchro: ―Ìnchéni, ti chaxín jaha la této̱an kixin tsjixíni to̱téni chritaón ìnta̱ hasta ti itjen jaha ―ichro chꞌan. Ndá chꞌin Jesús ndáchro: ―Xrákia. Ndá chꞌin Pedro tuénxín kꞌuínkaji̱nxi̱n chꞌan ti ntabarco, la kjuankíxin ikjuí chꞌan chritaón ti nda̱ñao, sákjuí chꞌan ti itjen chꞌin Jesús

La kaín ti sin tjejóyá ti ntabarco la kꞌuejóxin sin tochꞌin sin nkayakon chꞌin Jesús la ndáchro sin: ―Chaxín jaha ti Xje̱en Díos ―ichro sin.

Ndá kjuáte̱he chꞌin Jesús, ndáchro: ―Náhí. Ticháxi̱nhña sátsji sin. Jahara chje̱héra sin nkehe sinie sin ―ichro chꞌan. A̱ndá jehe sin kjuáte̱he sin, ndáchro sin: ―Ntihi la jehó chóntani inꞌó nio̱tja̱ la ko yaá koche ó ―ichro sin.

Ndá chꞌin Jesús ndáchro: ―Xrákoara ntihi ti nkehe. Ndá kꞌue̱to̱an chꞌan kixin kaín sin tsꞌejótja̱xi̱n sin ti siín kaxi. Ndá kuákja chꞌan ti nio̱tja̱ la ko ti koche la tsjehe chꞌan nka̱jní la chjéhe chꞌan Díos kjuasáya. Ndá kóchrítꞌo̱ chꞌan ti nio̱tja̱, la chjéhe chꞌan ti sin kꞌuájiko chꞌan, ndá jehe sin kꞌóxika̱ye̱he sin nkojnko ti chojni siín ntiha.

La kaín sin kjónie sin jína la kókje̱he sin, la ti ó kjuixin kjónie sin, ndá ti sin kꞌuájiko chꞌin Jesús la kjuenájín sin kaín ti to̱tꞌo̱ nio̱tja̱ tsíxehe̱ la kaón teyó ntaxra.