Popular Bible Verses from Sailm Dhaibhidh 146

Паҳн кунед

'S beannaicht' an duine sin ga bheil Dia Iàcoib mar a neart; Ga bheil a dhòchas ann a Dhia, Iehòbhah Triath nam feart.

Na earbaibh is na dèanaibh bun à prionnsan làidir treun'; No fòs à mac aon duin' a th'ann, 's gun fhurtachd ann ri feum.

Ri daoine tha fo fhòirneart mòr, cumaidh e còir gu caoin; Bheir biadh don acrach; cuiridh Dia na prìosanaich fo sgaoil. 'S e Dia tha fosgladh sùil nan dall; togaidh Iehòbhah mòr An dream a tha air cromadh sìos: is caomh leis daoine còir.

'S e chruthaich nèamh, is muir, is tìr, 's gach aon nì annta tha; 'S e choimhdeas fìrinn mar an ceudn' gu sìorraidh is gu bràth.

Dia seasaidh bantrach 's dìlleachdan, 's e 's dìon don choigreach ann: Ach slighe fhiar nan daoine daoi tilgidh e bun-os‑cionn.