Popular Bible Verses from Y-Luk 3

Паҳн кунед

Tơdah leh jih jang mnuih tŭ klei ƀaptem, wăt Yêsu mơh tŭ klei ƀaptem. Êjai Yêsu wah lač, adiê pŏk mdah leh anăn Yang Mngăt Jăk trŭn ti dlông Ñu msĕ si asei mlei sa drei mgăm, leh anăn mâo asăp blŭ mơ̆ng adiê lač, “Ih jing Anak Kâo khăp êdimi; hlăm Ih kâo mâo klei mơak snăk.”

Y-Yôhan lŏ wĭt lač kơ jih jang diñu, “Kâo ngă ƀaptem kơ diih hŏng êa, ƀiădah Pô myang hĭn kơ kâo srăng hriê, leh anăn kâo amâo năng ôh kleh klei klĭt juă Ñu. Ñu srăng ngă ƀaptem kơ diih hŏng Yang Mngăt Jăk leh anăn hŏng pui.

Brei diih mboh năng hŏng klei diih kmhal kơ klei soh, leh anăn đăm dơ̆ng lač ôh kơ diih pô, ‘Hmei mâo Y-Abraham jing aê hmei,’ kyuadah kâo hưn kơ diih, Aê Diê dưi bi kbiă phung anak čô kơ Y-Abraham mơ̆ng phung boh tâo anei.

Ară anei jông Aê Diê dưm leh ti agha kyâo; jih jang kyâo amâo mâo boh jăk ôh Aê Diê srăng druôm hĕ leh anăn hwiê hlăm pui.”

Tui si klei čih leh hlăm hdruôm hră khua pô hưn êlâo Y-Êsai, “Mâo asăp mnuih hưn kraih hlăm kdrăn tač, Mkra bĕ êlan Khua Yang, ngă bĕ bi kpă êlan Ñu. Jih jang tlung srăng bi bŏ, jih jang čư̆ leh anăn kbuôn srăng bi dap, êlan wê srăng bi kpă, êlan ƀlŭng hŭt srăng bi mtăp mđơr; leh anăn jih jang găp djuê mnuih srăng ƀuh klei Aê Diê bi mtlaih.”