Popular Bible Verses from 2. Mosi 20

Паҳн кунед

“Ich binn da HAH dei Gott es dich aus em land Egypta gebrocht hott, aus em gnechta deensht-haus. Du solsht kenn anri gettah nayvich miah havva.

Du solsht diah kenn abgott macha, adda ennichi gleichnis es gukt vi ebbes im himmel, adda uf di eaht unna droh, adda im vassah unnich di eaht. Du solsht dich nett nunnah bikka zu eena adda si deena, fa ich, da HAH dei Gott, binn en Gott es jealous is, un ich shtrohf di kinnah fa di sinda funn iahra feddah biss di dritt adda fiaht sett nohch-kummashaft funn selli es mich hassa.

Du solsht dei faddah un dei muddah eahra so es du lang laybsht im land es da HAH dei Gott diah gebt.

Fagess nett da Sabbat-Dawk, un hald'n heilich.

Du solsht da nohma fumm HAH dei Gott nett letz yoosa, fa da HAH lost sellah es sei nohma letz yoost nett unkshtrohft gay.

Sex dawk solsht du shaffa un awl dei eahvet du, avvah da sivvet dawk is en Sabbat zumm HAH dei Gott. In sellah dawk solsht du kenn eahvet du—nett du, adda dei sohn un dochtah, adda dei gnecht un mawt, adda dei fee, adda dei psuch es bei diah bleibt.

Du solsht nett lushta fa dei nochbah sei haus. Du solsht nett lushta fa dei nochbah sei fraw, adda gnecht, adda mawt, adda ox, adda aysel adda ennich ebbes es zu deim nochbah heaht.”

Du solsht kenn falshi zeiknis gevva veyyich dei nochbah.

Du solsht di ay nett brecha.

Du solsht nimmand doht macha.

Du solsht nett shtayla.