Popular Bible Verses from Yokaana 19

Паҳн кунед

Awo Yesu bwe yamala okuweebwa omwenge, n'agamba nti, “Kiwedde,” n'akutamya omutwe gwe, n'awaayo omwoyo gwe.

Oluvannyuma lw'ebyo, Yesu bwe yamanya nti kaakano ebigambo byonna bimaze okutuukirira, olw'okwagala okutuukiriza ebyawandiikibwa, n'agamba nti, “Nnina ennyonta.”

Awo Yesu bwe yalaba nnyina, n'omuyigirizwa gwe yali ayagala ng'ayimiridde kumpi, n'agamba nnyina nti, “Omukyala, laba, omwana wo!” Oluvannyuma n'agamba omuyigirizwa nti, “Laba nnyoko.”Awo okuva mu ssaawa eyo omuyigirizwa oyo n'atwala nnyina eka ewuwe.

naye bwe bajja eri Yesu, ne balaba ng'amaze okufa, ne batamumenya magulu: naye sserikale omu n'amufumita mu mbiriizi ze n'effumu, amangu ago ne muvaamu omusaayi n'amazzi.

Kubanga ebyo byabaawo, ekyawandiikibwa kituukirire nti, “Talimenyebwa ggumba.” Era nate ekyawandiikibwa ekirala kigamba nti, “Balimulaba gwe baafumita.”

n'afuluma, nga yeetisse yekka omusaalaba gwe, n'atuuka mu kifo ekiyitibwa Ekyekiwanga, ekiyitibwa mu Lwebbulaniya Gologoosa.

Basserikale ne baluka engule y'amaggwa, ne bagimutikkira ku mutwe, ne bamwambaza olugoye olw'effulungu