Оятҳои маъмули Инҷил аз Lucas 3

Паҳн кунед

Na osay padchay nafunyakan na achuy taku, finunyakan ako Juan à Jesus. Ad na nalluwaruwan Jesus, niwanit ad langit, ad na Ispiritun Apudyus, nan-osog lummap-oy an siya wi isù karupati. Ad iningkaw na kinga wi narpud langit, wi anana, “Sian anàu wi ay-ayatò. Maragsakanà an sia.”

Siyan anan Juan an chicha, “Awad na umali wi misukat an saon wi nangatngatu nu saon, wi kurangà à mansaniluna. Chanum yakan ifunyag-un chiayu, ngim à siya, ifunyagnan chiayun Ispiritun Apudyus ya apuy.

Masapur oyyoonyun sinuy mangipaila wi tuttuway namfafawiayu ta fasuryu. Ad achiyu namnamaoni mailisiyun kachusaanyu ta mangwanaanyuy kanà Abraham chiayu. Tan ifakà an chiayu, wi uray na anchanayay fatu, mafalini mamfalinon Apudyus chichà kanà Abraham nu piona!

Na miyalikan na manusaan Apudyus ta taku, isù pannakur wi nififiyad wi manipur ta ayu ta lamutna. Siyan losani imong wi achi pu mamkas à mamfaru, masipur ad maskob.”

Amaschin matungparan na inyug-is Isaias wi profetan Apudyus ta awi, wi anana, “Awad na osay taku ta ikaw wi maid pu ili, wi mangip-ip-aw ta taku anani, ‘Annay chumatong na Apu. Pafaruwonyun somsomòyu ya mansakanaayu, wi isun na mangikakatan ta charan nu siya chumatong na Ali. Maafab losan na challug ya matanap losan na takudtud ya filig. Malinchong na charan wi namparpalikku ya miparuum na arsa wi lasurasung, ta losan na taku ilan na mansaraknifan Apudyus!’”