Popular Bible Verses from Māreko 2

Паҳн кунед

E 'akarongo akera a Iēsū, kua karanga atura aia ki a rātou, “Kāre ē nō te aronga e meitaki te ora'anga te ta'unga, nō te aronga maki rā. Kāre au i 'aere mai e kāpiki i te aronga tuatua tika, i te aronga 'ara rā kia tatarā'ara.”

E kite atura a Iēsū i tō rātou 'irinaki'anga, kua nā kō atura ki taua 'akangoru ra, “E tama, kua 'akakore'ia tā'au 'ara.”

Kua nā kō atura 'oki aia ki a rātou, “I 'ākono'ia te Sābati nō te tangata, kāre te tangata nō te Sābati.

Kāre ake rā rātou i ō mai nō te ra'i o te tangata, kua 'uaki akera i te tāpoki 'are i te ngā'i tei reira a Iēsū ra, e tuku maira i te 'akangoru ma te ro'i katoa ki raro, nā roto i te ngā'i i 'uaki'ia ra.

Ka 'akapāpū rā au ki a kōtou ē, 'e mana tō te Tamaiti a te Tangata i te ao nei kia 'akakore i te 'ara.” Kua nā kō atura aia ki taua tangata 'akangoru ra, “Tē karanga atu nei au ki a koe, ‘Ka tū, ka rave i tō ro'i, ka 'aere ki tō'ou ngutu'are!’ ”

Ko tē'ea te mea rave ngō'ie atu, ko te tuatua āinei ki te 'akangoru nei ē, ‘Kua matara tā'au 'ara,’ mē kāre ra, ko te tuatua ē, ‘Ka tū ki runga, ka rave i tō ro'i, ka 'aere’?

Tū akera aia ki runga i reira rāi, kua rave i'ora i tōna ro'i, 'aere atura ki mua i a rātou rava rāi. Ūmere anake i'ora rātou ma te 'akakakā i te Atua, nā kō akera, “I tēia 'ua nei rāi i kitea ai e tātou tēianei rāvenga.”