Popular Bible Verses from Mātaio 28

Паҳн кунед

Nō reira, e 'aere kōtou e 'akariro i te au 'iti tangata rava rāi 'ei au pipi nāku i te bāpetīto'anga i a rātou i te ingoa o te Metua, ē nō te Tamaiti, ē nō te Vaerua Tapu; ē i te 'āpi'i'anga atu i a rātou kia 'ākono rātou i te au mea kātoatoa tāku i 'akaue atu ki a kōtou. Ē inā, 'ei vaitata 'ua au i a kōtou i te au rā katoa, e tae 'ua atu ki te 'openga o tēianei ao.”

Ē kua 'akavaitata maira a Iēsū, tuatua maira ki a rātou, nā kō maira, “Kua tuku'ia mai ki āku te mana katoa o tō te rangi ē tō te 'enua nei.

Kua tuatua maira te 'āngela ki ngā va'ine ra, nā kō maira, “Auraka kōrua e mataku. Kua kite 'oki au ē, tē kimi nei kōrua i a Iēsū tei 'akasātauro'ia ra. Kāre aia i konei, nō te mea, kua 'akatū'ia ake nei aia mei tāna i 'akakite ra. E 'aere mai, e 'ākara i te ngā'i i vao'o'ia ai aia.

I reira, kua karanga maira a Iēsū ki a rāua, “Auraka e mataku! E 'aere e 'akakite ki taku au taeake kia 'aere rātou ki Galilea, 'ei reira rātou e kite mai ei i āku.”

Ē i te putuputu'anga rātou ma te aronga pakari, kua kotikoti kupenga i'ora rātou ē, e 'ō ake i tēta'i moni ma'ata ki te au va'e'au, nā kō atura, “E karanga atu kōtou ē, ‘Nā tāna au pipi i 'aere mai i te pō e keiā i aia, i a mātou e moe ra.’ Ē, mē rongo'ia te reira e te tūtara, nā mātou e 'akamarū i aia, ē e 'akapāpū kia ora kōtou.” Kua rave rātou i te moni ē kua pērā rātou mei tei 'akaue'ia maira. Ē tē toto'a nei taua tuatua i rotopū i te au Ngāti Iūda ē tēia noa ai.