Melayu Maluku Utara

<div class="version vid2975 iso6393max" data-vid="2975" data-iso6393="max">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Banya orang yang Tuhan pangge jadi Dia pe umat, tapi cuma sadiki yang tapili</div><div class="r">(Luk. 14:15-24)</div><div class="p"> 1Kong Yesus bicara lagi pa dorang pake umpama. Dia bilang, 2&#8220;Tuhan Allah Berkuasa sebagai Raja pa Dia pe umat, sama deng umpama ini: ada raja satu yang biking dia pe ana pe pesta kawing. 3Bagitu samua so siap, dia suru dia pe orang-orang karja pigi pangge pa orang-orang yang dia so undang la datang suda di pesta kawing itu, tapi orang-orang itu tara mau datang. 4Karna itu, raja suru dia pe orang-orang karja yang laeng lagi kong bilang, &#8216;Ngoni pigi suda kong bilang pa orang-orang yang kita so undang itu, kita so potong sapi laki-laki deng sapi muda yang baisi kong so momasa. Samua so tasadia, jadi datang suda di pesta kawing ini.&#8217; 5Tapi orang-orang yang dapa undang itu tara peduli deng undangan itu. Ada yang pigi pa dong pe kobong, ada yang pigi urus dong pe usaha. 6Mala yang laeng tangka pa orang-orang karja itu kong siksa, turus bunu pa dorang.</div><div class="p"> 7Pe dengar bagitu, raja nae dara. Turus, dia suru dia pe tentara-tentara ka sana la bunu pa orang-orang yang so bunu dia pe orang-orang karja itu, deng dia suru lagi bakar orang-orang itu pe kota.</div><div class="p"> 8Abis itu, raja bilang pa orang-orang karja laeng bagini, &#8216;Pesta kawing so siap, tapi orang-orang yang kita undang itu tara pantas maso di kita pe pesta. 9Jadi skarang, ngoni pigi di jalang-jalang, kong ngoni undang sapa saja yang ngoni baku dapa di sana, la dong kamari maso di pesta kawing ini.&#8217; 10Pe dengar itu, orang-orang karja itu pigi. Sapa saja yang dorang baku dapa di jalang-jalang dong undang, biar dia itu orang yang bae atau orang yang jahat, dorang undang sampe tampa pesta itu ponong deng tamu-tamu.</div><div class="p"> 11Tapi waktu raja maso di tampa pesta la baku dapa deng tamu-tamu yang datang, dia lia ada satu orang yang tara pake baju pesta. 12Kong raja tanya pa tamu itu, &#8216;Ee, tamang, bagimana kong ngana kamari di sini tara pake baju pesta?&#8217; Tapi orang itu cuma badiam saja. 13#Mat. 8:12, 25:30; Luk. 13:28 Turus, raja itu bilang pa dia pe orang-orang karja bagini, &#8216;Ngoni ika orang itu pe kaki deng tangan kong buang pa dia kaluar di tampa yang paling galap. Di tampa itu, orang-orang mo manangis sampe dong pe gigi mo babunyi karna sengsara.&#8217; &#8221;</div><div class="p"> 14Kong Yesus kase selesai Dia pe carita deng bilang bagini, &#8220;Banya orang yang Tuhan Allah pangge untuk jadi Dia pe umat, tapi cuma sadiki yang dapa pili.&#8221;</div><div class="s">Pemimpin-pemimpin agama Yahudi tanya tentang bayar pajak la mo cari Yesus pe sala</div><div class="r">(Mrk. 12:13-17; Luk. 20:20-26)</div><div class="p"> 15Abis itu, orang-orang Yahudi dari aliran Farisi baku ator supaya pigi tanya-tanya pa Yesus untuk cari-cari Dia pe sala. 16Jadi dorang suru pa dong pe murit-murit deng babarapa orang yang jaga iko pa raja Herodes pigi ka sana supaya bilang bagini, &#8220;Guru, torang tau, Guru ini jujur. Guru jaga kase ajar pa orang-orang yang butul tentang bagimana hidup iko Tuhan Allah pe mau. Kong Guru tara tako pa sapa-sapa, karna Guru tara cari muka. 17Jadi skarang torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?&#8221;#22:17: Waktu jaman Perjanjian Baru itu, pemerinta Roma jaja pa bangsa Yahudi, jadi orang Yahudi harus bayar pajak pa raja basar Roma. Orang agama Yahudi yang dari aliran Farisi, dorang tara suka bayar pajak itu, dorang cuma mau bayar pajak di Ruma Ibada Pusat saja. Tapi orang-orang Yahudi yang jaga iko pa raja Herodes, dorang rasa tara apa-apa kalu bayar pajak pa raja basar Roma. Jadi, orang Farisi tanya tentang pajak pa Yesus ini, karna dorang mo cari Yesus pe sala. Barang, dorang tau, dorang deng orang yang jaga iko pa raja Herodes itu baku beda pendapat, jadi kalu Yesus jawab &#8216;iyo&#8217; ka &#8216;tarada&#8217;, mau tara mau, Dia akan biking kelompok yang satu mara.</div><div class="p"> 18Tapi Yesus tau dorang pe rencana jahat itu. Jadi Dia bilang pa dorang bagini, &#8220;Woe orang-orang munafik, bikiapa kong ngoni mo cari-cari Kita pe sala? 19Coba ngoni kase tunju pa Kita doi yang ngoni jaga pake babayar pajak!&#8221;#22:19: Doi ini doi Roma yang pe nama dinar. Kong dorang bawa pa Dia doi perak satu.</div><div class="p"> 20Turus Yesus tanya pa dorang bagini, &#8220;Sapa pe gambar deng sapa pe nama ini?&#8221;</div><div class="p"> 21Dorang jawab, &#8220;Raja basar Roma pe gambar deng pe nama.&#8221;</div><div class="p">Kong Yesus bilang pa dorang, &#8220;Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!&#8221;</div><div class="p"> 22Pe dengar itu, dorang herang deng so tara dapa akal lagi mo cari Yesus pe sala, jadi dong pigi kase tinggal pa Dia.</div><div class="s">Yesus kase ajar tentang orang mati akan hidup ulang</div><div class="r">(Mrk. 12:18-27; Luk. 20:27-40)</div><div class="p"> 23 # 
 Kis. 23:8
 Hari itu suda, ada babarapa orang agama Yahudi dari aliran Saduki#22:23: Orang dari aliran Saduki itu amper sama deng orang dari aliran Farisi. Aliran Saduki itu lebe kacil dari aliran Farisi. Dorang itu tara percaya, orang mati akan hidup ulang. Dorang me tara percaya Tuhan Allah pe Roh, deng dorang tara tarima, kalu abis mati orang mo dapa hukuman atau dapa upah. datang pa Yesus. Aliran ini pe ajaran, orang yang so mati tara akan hidup ulang. Jadi dorang tanya pa Yesus bagini, 24#Ul. 25:5 &#8220;Guru, dulu nabi Musa kase tau, laki-laki sapa saja yang so kawing kong mati tarada ana, dia pe sudara laki-laki musti kawing deng dia pe janda itu supaya sudara yang mati itu ada turunan. 25Tapi perna jadi di antara torang bagini: ada tuju orang laki-laki basudara. Yang tua kawing kong mati, tapi tarada ana. Jadi dia pe ade yang kedua kawing deng dia pe kaka pe janda. 26Tapi yang kedua itu lagi mati tarada ana. Bagitu me deng yang ketiga sampe yang ketuju, dorang me mati tarada ana. 27Dia pe ahir kabawa, parampuang itu me mati.</div><div class="p"> 28Jadi, skarang torang mo tanya, nanti di hari kiamat waktu Tuhan kase hidup ulang pa samua orang, yang mana sebenarnya dari dorang tuju itu yang jadi parampuang itu pe laki? Barang, ade kaka tuju orang itu samua so kawing deng dia!&#8221;</div><div class="p"> 29Kong Yesus bilang pa dorang bagini, &#8220;Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa. 30Karna nanti waktu Tuhan Allah kase hidup ulang orang yang so mati, dorang so tara kawing lagi, tapi dorang so hidup sama deng malaekat di sorga. 31Jadi tentang orang mati yang akan hidup ulang, pasti ngoni so baca di Kitab Suci, yang Tuhan Allah bilang bagini, 32#Kel. 3:6 &#8216;Kita ini suda Tuhan Allah yang Abraham, Ishak deng Yakub jaga semba.&#8217;</div><div class="p">Waktu Tuhan Allah bilang itu, Abraham, Ishak deng Yakub so mati tapi dorang so hidup ulang deng Tuhan Allah. Jadi Tuhan Allah itu bukang orang mati pe Tuhan, tapi orang hidup pe Tuhan.&#8221;</div><div class="p"> 33Waktu orang banya yang ada di situ dengar apa yang Yesus bilang, dorang herang, barang dorang suka skali deng Dia pe ajaran itu.</div><div class="s">Parenta yang paling penting</div><div class="r">(Mrk. 12:28-34; Luk. 10:25-28)</div><div class="p"> 34Waktu itu, orang-orang Yahudi dari aliran Farisi dengar Yesus pe jawaban yang biking sampe orang-orang Yahudi dari aliran Saduki tara bisa bilang apa-apa lagi. Jadi waktu itu suda, dorang bakumpul, 35kong dong pe guru agama satu yang ahli lima kitab Musa tanya pa Yesus la mo cari-cari Dia pe sala lagi bagini, 36&#8220;Guru, dari samua yang ada di lima kitab Musa itu, parenta mana yang paling penting?&#8221;</div><div class="p"> 37 # 
 Ul. 6:5
 Yesus bilang pa dia, &#8220;Parenta yang paling penting itu bagini, &#8216;Ngoni musti butul-butul sayang pa Tuhan Allah, ngoni pe Tuhan. Ngoni musti sayang pa Dia lebe dari samua yang ngoni sayang, deng ngoni lagi musti sayang pa Dia deng cara salalu inga pa Dia.&#8217; 38Itu suda parenta yang paling penting, deng yang pertama. 39#Im. 19:18 Kong parenta yang kedua yang sama deng itu bagini, &#8216;Ngoni musti sayang pa orang laeng sama deng ngoni sayang ngoni pe diri sandiri.&#8217;</div><div class="p"> 40Dua parenta ini suda yang jadi dasar dari samua aturan di lima kitab Musa deng di nabi-nabi laeng pe kitab.&#8221;</div><div class="s">Mesias itu raja Daud pe turunan deng Dia lagi raja Daud pe Tuhan</div><div class="r">(Mrk. 12:35-37; Luk. 20:41-44)</div><div class="p"> 41Waktu orang-orang Yahudi dari aliran Farisi masi bakumpul di situ, Yesus batanya pa dorang, 42&#8220;Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?&#8221;</div><div class="p">Kong dorang jawab pa Yesus, &#8220;Dia itu raja Daud pe turunan.&#8221;</div><div class="p"> 43Kong Yesus bilang pa dorang, &#8220;Kalu bagitu, bikiapa kong dulu waktu Roh Kudus kuasai pa raja Daud, raja Daud pangge pa Mesias itu Tuhan? Waktu itu, raja Daud bilang bagini,</div><div class="q1"> 44 # 
 Mzm. 110:1
 &#8216;Tuhan Allah bilang pa kita pe Tuhan:</div><div class="q2">dudu suda di tampa yang terhormat, pa Kita pe sabla kanan,</div><div class="q2">sampe Kita kase kala Ngana pe musu-musu samua.&#8217;</div><div class="p"> 45Jadi, kalu raja Daud sandiri saja bilang Mesias itu dia pe Tuhan, bagimana lagi torang mo bilang Mesias itu cuma raja Daud pe turunan?&#8221;#22:45: Deng bilang bagitu, Yesus pe maksut, Mesias itu raja Daud pe turunan, deng Mesias itu lagi raja Daud pe Tuhan.</div><div class="p"> 46Dari samua orang itu, tara ada satu orang lagi yang bisa jawab apa-apa pa Yesus. Kong mulai dari waktu itu, tarada satu orang lagi yang barani batanya pa Yesus.</div>
 </div>
 </div>
</div>

Perjanjian Baru Bahasa Melayu Maluku Utara @ Lembaga Alkitab Indonesia 2020

Kong Yesus bicara lagi pa dorang pake umpama. Dia bilang, “Tuhan Allah Berkuasa sebagai Raja pa Dia pe umat, sama deng umpama ini: ada raja satu yang biking dia pe ana pe pesta kawing. Bagitu samua so siap, dia suru dia pe orang-orang karja pigi pangge pa orang-orang yang dia so undang la datang suda di pesta kawing itu, tapi orang-orang itu tara mau datang. Karna itu, raja suru dia pe orang-orang karja yang laeng lagi kong bilang, ‘Ngoni pigi suda kong bilang pa orang-orang yang kita so undang itu, kita so potong sapi laki-laki deng sapi muda yang baisi kong so momasa. Samua so tasadia, jadi datang suda di pesta kawing ini.’ Tapi orang-orang yang dapa undang itu tara peduli deng undangan itu. Ada yang pigi pa dong pe kobong, ada yang pigi urus dong pe usaha. Mala yang laeng tangka pa orang-orang karja itu kong siksa, turus bunu pa dorang.
Pe dengar bagitu, raja nae dara. Turus, dia suru dia pe tentara-tentara ka sana la bunu pa orang-orang yang so bunu dia pe orang-orang karja itu, deng dia suru lagi bakar orang-orang itu pe kota.
Abis itu, raja bilang pa orang-orang karja laeng bagini, ‘Pesta kawing so siap, tapi orang-orang yang kita undang itu tara pantas maso di kita pe pesta. Jadi skarang, ngoni pigi di jalang-jalang, kong ngoni undang sapa saja yang ngoni baku dapa di sana, la dong kamari maso di pesta kawing ini.’ Pe dengar itu, orang-orang karja itu pigi. Sapa saja yang dorang baku dapa di jalang-jalang dong undang, biar dia itu orang yang bae atau orang yang jahat, dorang undang sampe tampa pesta itu ponong deng tamu-tamu.
Tapi waktu raja maso di tampa pesta la baku dapa deng tamu-tamu yang datang, dia lia ada satu orang yang tara pake baju pesta. Kong raja tanya pa tamu itu, ‘Ee, tamang, bagimana kong ngana kamari di sini tara pake baju pesta?’ Tapi orang itu cuma badiam saja. Turus, raja itu bilang pa dia pe orang-orang karja bagini, ‘Ngoni ika orang itu pe kaki deng tangan kong buang pa dia kaluar di tampa yang paling galap. Di tampa itu, orang-orang mo manangis sampe dong pe gigi mo babunyi karna sengsara.’ ”
Kong Yesus kase selesai Dia pe carita deng bilang bagini, “Banya orang yang Tuhan Allah pangge untuk jadi Dia pe umat, tapi cuma sadiki yang dapa pili.”


Abis itu, orang-orang Yahudi dari aliran Farisi baku ator supaya pigi tanya-tanya pa Yesus untuk cari-cari Dia pe sala. Jadi dorang suru pa dong pe murit-murit deng babarapa orang yang jaga iko pa raja Herodes pigi ka sana supaya bilang bagini, “Guru, torang tau, Guru ini jujur. Guru jaga kase ajar pa orang-orang yang butul tentang bagimana hidup iko Tuhan Allah pe mau. Kong Guru tara tako pa sapa-sapa, karna Guru tara cari muka. Jadi skarang torang mo tanya pa Guru, kalu iko torang pe aturan agama, bole ka tarada torang bayar pajak pa raja basar Roma?”
Tapi Yesus tau dorang pe rencana jahat itu. Jadi Dia bilang pa dorang bagini, “Woe orang-orang munafik, bikiapa kong ngoni mo cari-cari Kita pe sala? Coba ngoni kase tunju pa Kita doi yang ngoni jaga pake babayar pajak!” Kong dorang bawa pa Dia doi perak satu.
Turus Yesus tanya pa dorang bagini, “Sapa pe gambar deng sapa pe nama ini?”
Dorang jawab, “Raja basar Roma pe gambar deng pe nama.”
Kong Yesus bilang pa dorang, “Kalu bagitu, kase suda pa raja apa yang ngoni musti kase pa dia, deng kase suda pa Tuhan Allah apa yang ngoni musti kase pa Tuhan Allah!”
Pe dengar itu, dorang herang deng so tara dapa akal lagi mo cari Yesus pe sala, jadi dong pigi kase tinggal pa Dia.


Hari itu suda, ada babarapa orang agama Yahudi dari aliran Saduki datang pa Yesus. Aliran ini pe ajaran, orang yang so mati tara akan hidup ulang. Jadi dorang tanya pa Yesus bagini, “Guru, dulu nabi Musa kase tau, laki-laki sapa saja yang so kawing kong mati tarada ana, dia pe sudara laki-laki musti kawing deng dia pe janda itu supaya sudara yang mati itu ada turunan. Tapi perna jadi di antara torang bagini: ada tuju orang laki-laki basudara. Yang tua kawing kong mati, tapi tarada ana. Jadi dia pe ade yang kedua kawing deng dia pe kaka pe janda. Tapi yang kedua itu lagi mati tarada ana. Bagitu me deng yang ketiga sampe yang ketuju, dorang me mati tarada ana. Dia pe ahir kabawa, parampuang itu me mati.
Jadi, skarang torang mo tanya, nanti di hari kiamat waktu Tuhan kase hidup ulang pa samua orang, yang mana sebenarnya dari dorang tuju itu yang jadi parampuang itu pe laki? Barang, ade kaka tuju orang itu samua so kawing deng dia!”
Kong Yesus bilang pa dorang bagini, “Ngoni so sala skali, karna ngoni tara mangarti Kitab Suci, deng ngoni tara tau Tuhan Allah pe kuasa. Karna nanti waktu Tuhan Allah kase hidup ulang orang yang so mati, dorang so tara kawing lagi, tapi dorang so hidup sama deng malaekat di sorga. Jadi tentang orang mati yang akan hidup ulang, pasti ngoni so baca di Kitab Suci, yang Tuhan Allah bilang bagini, ‘Kita ini suda Tuhan Allah yang Abraham, Ishak deng Yakub jaga semba.’
Waktu Tuhan Allah bilang itu, Abraham, Ishak deng Yakub so mati tapi dorang so hidup ulang deng Tuhan Allah. Jadi Tuhan Allah itu bukang orang mati pe Tuhan, tapi orang hidup pe Tuhan.”
Waktu orang banya yang ada di situ dengar apa yang Yesus bilang, dorang herang, barang dorang suka skali deng Dia pe ajaran itu.


Waktu itu, orang-orang Yahudi dari aliran Farisi dengar Yesus pe jawaban yang biking sampe orang-orang Yahudi dari aliran Saduki tara bisa bilang apa-apa lagi. Jadi waktu itu suda, dorang bakumpul, kong dong pe guru agama satu yang ahli lima kitab Musa tanya pa Yesus la mo cari-cari Dia pe sala lagi bagini, “Guru, dari samua yang ada di lima kitab Musa itu, parenta mana yang paling penting?”
Yesus bilang pa dia, “Parenta yang paling penting itu bagini, ‘Ngoni musti butul-butul sayang pa Tuhan Allah, ngoni pe Tuhan. Ngoni musti sayang pa Dia lebe dari samua yang ngoni sayang, deng ngoni lagi musti sayang pa Dia deng cara salalu inga pa Dia.’ Itu suda parenta yang paling penting, deng yang pertama. Kong parenta yang kedua yang sama deng itu bagini, ‘Ngoni musti sayang pa orang laeng sama deng ngoni sayang ngoni pe diri sandiri.’
Dua parenta ini suda yang jadi dasar dari samua aturan di lima kitab Musa deng di nabi-nabi laeng pe kitab.”


Waktu orang-orang Yahudi dari aliran Farisi masi bakumpul di situ, Yesus batanya pa dorang, “Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?”
Kong dorang jawab pa Yesus, “Dia itu raja Daud pe turunan.”
Kong Yesus bilang pa dorang, “Kalu bagitu, bikiapa kong dulu waktu Roh Kudus kuasai pa raja Daud, raja Daud pangge pa Mesias itu Tuhan? Waktu itu, raja Daud bilang bagini,
‘Tuhan Allah bilang pa kita pe Tuhan:
dudu suda di tampa yang terhormat, pa Kita pe sabla kanan,
sampe Kita kase kala Ngana pe musu-musu samua.’
Jadi, kalu raja Daud sandiri saja bilang Mesias itu dia pe Tuhan, bagimana lagi torang mo bilang Mesias itu cuma raja Daud pe turunan?”
Dari samua orang itu, tara ada satu orang lagi yang bisa jawab apa-apa pa Yesus. Kong mulai dari waktu itu, tarada satu orang lagi yang barani batanya pa Yesus.

Гӯш кардан ба Matius 22