30 రోజుల్లో కీర్తన గ్రంధంనమూనా

నిత్య ఆనందానికి ఒక మార్గం

"దుష్టుల ఆలోచన చొప్పున నడువక పాపుల మార్గమున నిలువక అపహాసకులు కూర్చుండు చోట కూర్చుండక
యెహోవా ధర్మశాస్త్రమందు ఆనందించుచు దివారాత్రము దానిని ధ్యానించు వాడూ ధన్యుడు." (కీర్తన 1:1-2 )

కీర్తనల గ్రంధం పాత నిబంధనలోని కీర్తనలు మరియు పద్యాల సంకలనం. అవి విశ్వాసుల జీవిత అనుభవాలను, ముఖ్యంగా దేవునితో వారికున్న సంబంధాన్ని గురించి మనకు ఒక తెలియచేస్తాయి. ఈ పాఠాలు వేల సంవత్సరాల తర్వాత కూడా విలువైనవి.

మొదటి కీర్తన, ఈ కీర్తన మనకు గ్రంధాన్ని పరిచయం చేస్తుంది . ఇది మనకు శాశ్వత ఆనందానికి మార్గాన్ని చూపిస్తుంది : మీరు జీవితంలో ఎలాంటి అనుభవాలను కలిగి ఉన్నా, మీ పరిస్థితి ఏదైనా, మీరు దేవునితో సన్నిహితంగా జీవిస్తూ ఆయన వాక్యంలో ఆనందిస్తే, మీరు ఆశీర్వదించబడతారు . నీటి కాలువల యోరను నాటబడినదై ఆకు వాడక తన కాలమందు ఫలమిచ్చు చెట్టువలెనుండును అతడు చేయునదంతయు సఫలమగును అని కీర్తన చెబుతుంది. దేవుని వాక్యం, ఆయన “ధర్మశాస్త్రం” అయన బోధన, మనల్ని పోషించి, ఫలించేలా చేస్తుంది.

దేవుడు లేకుండా జీవించే వారితో ఆయన వాక్యాన్ని తృణీకరించే దుష్టులతో ఈ జీవన విధానం విభేదిస్తుంది. వారు అస్సలు వర్ధిల్లరు. వారి జీవన విధానం వారిని చెడు మార్గంలోకి నాశనమునకు నడిపిస్తుంది .

ఫలవంతమైన మరియు సంతృప్తికరమైన జీవితానికి “రాత్రింబగళ్లు” దేవుని వాక్యాన్ని ధ్యానించడం చాలా ముఖ్యం. మీరు ప్రభువైన దేవుని బోధనలను నేర్చుకొని అయన ఆశీర్వాదాన్ని పొందుకున్నారా