Sal 128
128
SALMO 128
Yaxilal tzchaj eb' yiclum 'a Jehová
B'it yic sc'ochx eb' israel 'a Jerusalén
1Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.
2A yic 'oj 'el-loc sat tas 'awb'il yuj eb', 'oj sc'ux eb' 'a tzaljc'ojlal. Caw wach' 'oj 'ec' tiempo yuj eb'.
3A yistzil eb' winac, lajn wal eb' 'ix 'icha junc te snun uva tzsatn 'a stz'ey yatut eb'; ax yunnal eb' tzlaj 'och oyn 'a sti smexa, lajn eb' 'icha swol te olivo.
4'Ixtnta wal tzyutj Jehová ya'n syaxilal 'a yib'n̈ eb' to yiclum 'a 'a.
5A 'a lum tzaln Sión, a cab' ta tzyac' cot Jehová syaxilal 'a quib'n̈ec 'a smasnil tiempo. 'Oj quilc swach'l chi 'a Jerusalén tic.
6'Oj quilc tas 'oj 'aj 'el'ch eb' quichicnec b'aq'uin̈.
¡'Ay cab' junc'ojlal 'a quib'n̈ec an̈ israel on̈c tic!
ప్రస్తుతం ఎంపిక చేయబడింది:
Sal 128: CSS
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.