Sal 113
113
SALMO 113
A Dios tzcolwj 'a eb' meb'a'
1¡Alx wach' paxti 'a Jehová!
An̈ schecb' on̈c Cajlil, calc wach' paxti 'a 'a.
2Calc wach' paxti 'a Jehová, ticnec yet' 'a smasnil tiempo.
3B'itnax cab' 'a stojlal 'aj tzq'uel c'u masnto 'a stojlal 'aj tz'em c'u.
4A yajl yaj 'a yib'n̈ smasnil nacion̈; ax stzictznial 'ec'b'al 'a satcha'an̈.
5Toc 'ay junc mach lajn yet' Jehová qui Diosalec, yujto wocn 'ejm yac' yajlil 'a satchan̈ cha.
6Tz'emt q'ueln 'a satcha'an̈ yic tzyiln 'emt lum lum tic.
7A tz'i'n chan̈ eb' meb'a 'a sat lu'um, ax eb' caw may jac tas 'ay 'a 'a, a tzcoln 'el eb' 'a yaln̈ meb'a'il,
8sec jun tz'aj 'ejm wocn eb' yet' eb' niwc winac, atn eb' niwc winc 'a scal yit chon̈ab'.
9Ax eb' 'ix 'ix may xon yune', 'oj tzaljoc eb' 'ix yic 'oj 'och eb' 'ix nunb'ilal.
¡Alx cab' wach' paxti 'a Jehová!
ప్రస్తుతం ఎంపిక చేయబడింది:
Sal 113: CSS
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.