Abd 1
1
'Emnc chon̈b' Edom
1An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom:
'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi.
Yuj cha, tzyaln Jehová 'ixtc 'a Edom:
2Caw man̈x 'a yel'ch 'oj ex wutc can 'a scal jun tzo'n̈ xo nacion̈, 'oj e patquilx can 'eli.
3A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.
4An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.
5Toto 'ac'wl tzjaw eb' 'elc'um, matz yij eb' smasnil tas. Toto tz'ec' eb' ch'inm sat 'awb'ente', 'ayt 'aj tzcan junjn xo yuj eb'. A eb' 'ajc'ojl yajch 'ayex, man̈x 'a junc ex 'oj e can yuj eb'.
6'Oltac wal 'oj eyajcn ex yin̈tl Esaú. Smasnil e ricoal molb'il eyu'uj, c'uxn 'oj 'el'xoc 'ati.
7Smasnil eb' 'aych eyet'oc, 'oj ex yixtc eb', 'oj ex spechl eb' 'a sat e lu'um. A wal eb' e wach'c'ojol, caw 'oj meltzjoc 'och eb' 'ajc'ojlal 'ayex, 'oj yac' 'ejm eb' ch'an̈ yal 'a yol e b'e, palta ma'oj eyil cot e b'a.
8An Jehová in, an tzwala: A wal yic oj wa'nc 'och yailal 'a eyib'n̈ ex 'aj Edom, atn ex yin̈tl can Esaú, ex to cajn ex 'a lum jolm witz cha, c'uxn 'oj in satl eb' jelan yet' eb' 'ay snab'en 'a e cal.
9A wal eb' jeln ya'n owl 'a e cal ex 'aj Temán, caw 'oj 'ib'xoc eb' yuj xiwlal. Man̈x 'a junc eb' cajn 'a lum jolm witz chi 'a yol yic Esaú 'oj can 'a spitznal.
A smaysch'olnilal eb' 'aj Edom
10Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.
11A yic xma'x poj spuertail chon̈b' Jerusalén yuj eb' soldado chuc chon̈b'al, yic yijx 'elt smasnil sricoal jun chon̈b' chi yuj eb' 'ajc'ojl cha, ax xo tic, ton̈j ex 'och q'uelan. A yic xya'n 'och eb' 'ajc'ojl chi suerte 'a yib'n̈ smasnil tastc 'ay 'a jun chon̈b' cha, 'ix yi'n 'at eb' smasnil, ax tic, caw lajn xeyutj e b'a yet' eb' 'ajc'ojl cha.
12Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.
13Comnoc ma'ex 'och 'a yol schon̈b' eb' cha, yic xe tzetzn eb' yuj syailal, oc xo jun, ex 'ochi, xeyelc'n 'at pax tas 'ay 'a eb'.
14Comnoc ma'ix e mac sb'e eb' xlaj 'at 'eloc, oc xo jun ex laj c'och 'a 'aj schaj sb'a b'e, xlaj e miln cham eb' xlaj 'at 'elc cha. Xeya'n pax 'och eb' 'a yol sc'ab' eb' 'ajc'ojol, yic 'aych yailal 'a yib'n̈ eb' 'a jun tiempoal cha.
15'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani.
Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.
16'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.
'Oj 'ijxoc chan̈ eb' israel jun 'ejm xo
17Palta a pax lum tzaln Sión, caw wic 'oj 'ajcn lu'um. Ata 'oj 'aj cajn eb' yin̈tl Jacob, atn eb' 'oj colchjoc to cani. 'Oj yi'x eb' slum jun 'ejm xo.
18A eb' yin̈tl Jacob, yet' eb' yic José, a eb' cha, lajn 'oj 'aj eb' 'icha te snich c'ac'. Ax eb' yin̈tl Esaú, lajn 'oj 'aj eb' 'icha te jach'b'en tzlajw stz'a 'ejm yuj te c'ac' cha. An Jehová in, an tzwala, to man̈x 'a junc eb' yin̈tl Esaú 'oj colchjoc can 'eli, xchi Dios.
19A eb' israel cajn 'a lum Neguev, 'oj yic' eb' slum 'a lum jolm witz 'ay 'a yol yic Esaú. An̈jtona pax eb' cajn 'a lum niwn pan̈an, 'oj yic' pax eb' slum 'a lum slum eb' filisteo. Ax yi'n pax eb' slum 'a lum yic Efraín, yet' pax 'a lum 'ay 'a yol yic Samaria. Ax eb' israel yin̈tl Benjamín, a eb' 'oj 'i'nc can lum yic Galaad. 20Ax pax nan̈l xo eb' israel, atn eb' 'ijxnac 'at 'icha presoal, ata 'oj scha eb' smacl lum 'a lum slum eb' 'aj Canaán, masnto 'a chon̈b' Sarepta. A eb' 'aj Jerusalén 'aych mosoal, atn eb' cajn 'ec' 'a Sefarad, ata 'oj cancn cajn eb' 'a jun tzo'n̈ chon̈b' 'ay 'a lum Neguev. 21'Oj q'ue'choc eb' colwjum 'a lum tzaln Sión, 'oj yac' eb' yajlil 'a yib'n̈ lum slum Esaú. A yic cha, cojxn̈ej Jehová 'oj 'a'nc yajlil ta'.
ప్రస్తుతం ఎంపిక చేయబడింది:
Abd 1: CSS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.
Abd 1
1
'Emnc chon̈b' Edom
1An Abdías in tic, 'icha waychil, 'ixta xyutj Jehová ya'n wal-l jun tzo'n̈ tic 'ixtc 'a eb' 'aj Edom:
'Ix wab' yaln Jehová to xya't junc schecb' 'a eb' nacion̈, xyaln 'ixtic: 'A'c lista e b'a, coyc ca'c owl 'a Edom, xchi.
Yuj cha, tzyaln Jehová 'ixtc 'a Edom:
2Caw man̈x 'a yel'ch 'oj ex wutc can 'a scal jun tzo'n̈ xo nacion̈, 'oj e patquilx can 'eli.
3A e b'an̈quintaquil a tzex 'ixtni, yujto axn̈ej 'a yoltc sjatlil eb' q'uen niwc tenam, ata 'ay eyet'ul, yet' pax 'a eb' lum jolmctac witz, yuj cha, xe nani to may junc mach tztac' ex ya'n lajwoc.
4An Jehová in, an tzwala: Wach'xam tzex 'at jen̈noc 'a chan̈ 'icha no salt'iw tzb'o so 'a caw cha'an̈, mto at 'a scal jun tzo'n̈ c'anal tz'at e b'o eyet'ul, palta 'oj ex wic' 'emt ta'.
5Toto 'ac'wl tzjaw eb' 'elc'um, matz yij eb' smasnil tas. Toto tz'ec' eb' ch'inm sat 'awb'ente', 'ayt 'aj tzcan junjn xo yuj eb'. A eb' 'ajc'ojl yajch 'ayex, man̈x 'a junc ex 'oj e can yuj eb'.
6'Oltac wal 'oj eyajcn ex yin̈tl Esaú. Smasnil e ricoal molb'il eyu'uj, c'uxn 'oj 'el'xoc 'ati.
7Smasnil eb' 'aych eyet'oc, 'oj ex yixtc eb', 'oj ex spechl eb' 'a sat e lu'um. A wal eb' e wach'c'ojol, caw 'oj meltzjoc 'och eb' 'ajc'ojlal 'ayex, 'oj yac' 'ejm eb' ch'an̈ yal 'a yol e b'e, palta ma'oj eyil cot e b'a.
8An Jehová in, an tzwala: A wal yic oj wa'nc 'och yailal 'a eyib'n̈ ex 'aj Edom, atn ex yin̈tl can Esaú, ex to cajn ex 'a lum jolm witz cha, c'uxn 'oj in satl eb' jelan yet' eb' 'ay snab'en 'a e cal.
9A wal eb' jeln ya'n owl 'a e cal ex 'aj Temán, caw 'oj 'ib'xoc eb' yuj xiwlal. Man̈x 'a junc eb' cajn 'a lum jolm witz chi 'a yol yic Esaú 'oj can 'a spitznal.
A smaysch'olnilal eb' 'aj Edom
10Caw q'uixwc'ojlal 'oj eyajcni. 'Oj e lajw can 'el 'a jun 'ejmn̈ej, yujto xeyixtj eb' yin̈tl Jacob, atn yu'tac e mam 'ichm Esaú.
11A yic xma'x poj spuertail chon̈b' Jerusalén yuj eb' soldado chuc chon̈b'al, yic yijx 'elt smasnil sricoal jun chon̈b' chi yuj eb' 'ajc'ojl cha, ax xo tic, ton̈j ex 'och q'uelan. A yic xya'n 'och eb' 'ajc'ojl chi suerte 'a yib'n̈ smasnil tastc 'ay 'a jun chon̈b' cha, 'ix yi'n 'at eb' smasnil, ax tic, caw lajn xeyutj e b'a yet' eb' 'ajc'ojl cha.
12Caw man̈ smojc ex tzewji yic xeyiln tas x'aj eb' eyit chon̈b' cha, atn 'a yic jun c'ual 'ix jaw yailal 'a yib'n̈ eb' 'aj Judá. Caw man̈ smojc ex tzalji a yic xlajw 'el eb' 'a jun c'ul cha. Man̈ smojc ex b'uchwj 'a eb', yic 'aych eb' 'a syailal cha.
13Comnoc ma'ex 'och 'a yol schon̈b' eb' cha, yic xe tzetzn eb' yuj syailal, oc xo jun, ex 'ochi, xeyelc'n 'at pax tas 'ay 'a eb'.
14Comnoc ma'ix e mac sb'e eb' xlaj 'at 'eloc, oc xo jun ex laj c'och 'a 'aj schaj sb'a b'e, xlaj e miln cham eb' xlaj 'at 'elc cha. Xeya'n pax 'och eb' 'a yol sc'ab' eb' 'ajc'ojol, yic 'aych yailal 'a yib'n̈ eb' 'a jun tiempoal cha.
15'Icha wal tas x'el e b'oni, 'ixta 'oj ex yutc eb' 'anma', 'oj e cha wal spac 'a 'icha wal smoj e chani.
Jab'xoj sjaw jun c'u yic 'oj in ch'oxnc yowl in c'ojl an Jehová in tic 'a yib'n̈ smasnil nacion̈.
16'Icha wal ex 'aj eyu'w 'an̈ 'a lum tzaln 'aj tz'och 'emmquilal 'ayin, 'ixta wal 'oj wutc wa'n eyuc' yowl in c'ojl yet' jun tzo'n̈ xo nacion̈. 'Oj eyuc' masnto 'oj e satl 'a jun 'ejmn̈ej.
'Oj 'ijxoc chan̈ eb' israel jun 'ejm xo
17Palta a pax lum tzaln Sión, caw wic 'oj 'ajcn lu'um. Ata 'oj 'aj cajn eb' yin̈tl Jacob, atn eb' 'oj colchjoc to cani. 'Oj yi'x eb' slum jun 'ejm xo.
18A eb' yin̈tl Jacob, yet' eb' yic José, a eb' cha, lajn 'oj 'aj eb' 'icha te snich c'ac'. Ax eb' yin̈tl Esaú, lajn 'oj 'aj eb' 'icha te jach'b'en tzlajw stz'a 'ejm yuj te c'ac' cha. An Jehová in, an tzwala, to man̈x 'a junc eb' yin̈tl Esaú 'oj colchjoc can 'eli, xchi Dios.
19A eb' israel cajn 'a lum Neguev, 'oj yic' eb' slum 'a lum jolm witz 'ay 'a yol yic Esaú. An̈jtona pax eb' cajn 'a lum niwn pan̈an, 'oj yic' pax eb' slum 'a lum slum eb' filisteo. Ax yi'n pax eb' slum 'a lum yic Efraín, yet' pax 'a lum 'ay 'a yol yic Samaria. Ax eb' israel yin̈tl Benjamín, a eb' 'oj 'i'nc can lum yic Galaad. 20Ax pax nan̈l xo eb' israel, atn eb' 'ijxnac 'at 'icha presoal, ata 'oj scha eb' smacl lum 'a lum slum eb' 'aj Canaán, masnto 'a chon̈b' Sarepta. A eb' 'aj Jerusalén 'aych mosoal, atn eb' cajn 'ec' 'a Sefarad, ata 'oj cancn cajn eb' 'a jun tzo'n̈ chon̈b' 'ay 'a lum Neguev. 21'Oj q'ue'choc eb' colwjum 'a lum tzaln Sión, 'oj yac' eb' yajlil 'a yib'n̈ lum slum Esaú. A yic cha, cojxn̈ej Jehová 'oj 'a'nc yajlil ta'.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.