Jon 2
2
A slesl Jonás
1A yic 'ayc' Jonás 'a yol sc'ojl no chay cha, 'ix leslwi 'a Jehová sDiosal. 2'Ix yaln 'ixtic:
A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.
3Wal 'a xab'l yich a mar in a julcn 'ati, smasnil a a tzb'eyi, 'ix yoych sb'a eb' a 'ayin. A eb' a niwc a', xmayy 'ec' a 'a wib'an̈.
4A 'ix wutj walni, tox in a julcn 'el 'a ojltac 'a jun 'ejmn̈ej, a xin na'a, to man̈x 'oj wil atut to ec yaji.
5In 'em'ch 'a snajtil yich a mar, 'ijn in ji'wi. 'Ix 'och b'a'n jun tzo'n̈ c'ultc 'ay 'a yojl a 'a in jolom.
6In 'em'ch can 'a yich eb' lum witz 'a yojl a a cha. A walni to jun 'ejmn̈ej in macx can 'ejmi, palta ach tic Jehová, in Diosal ach, xin a colcn 'el 'a yol sc'ab' chamel.
7A wal yic wan slajw in q'uinl xwab'i, ach in nan cot Mamin Jehová. 'Ix c'och in lesl 'aych 'a atut to ec yaji.
8A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.
9Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.
10Xlajw cha, xya'n Jehová xejc q'uet no chay win Jonás chi 'a sti a mar.
ప్రస్తుతం ఎంపిక చేయబడింది:
Jon 2: CSS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.