Is 56
56
A mach tzyiclni strato Dios
1'Ix yaln Jehová 'ixtic: B'eylb'ejc tas tojol, a cab' tas wach' tze b'o'o, yujto jab'xoj wal 'oj ex wa'l 'a libre; 'oj in ch'ox in poder ex in coln 'eli.
2Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.
3Toto 'ay junc chuc chon̈b'al tznib'j tzya'ch sb'a 'a yol sc'ab' Jehová, comnoc matz yal 'ixtic: An tic, matz in schaj 'och Jehová 'a scal eb' schon̈ab', man̈ cab' xchioc. An̈jtona junc mach 'ic'b'il 'el yitb'eym swincal yuj eb' yit 'anma'il, comnoc matz yal 'ixtic: An tic, man̈x 'a wopiso, lajn in xoj 'icha junc te te tacn̈ xo, man̈ schioc.
4Yujto a Jehová a tzaln 'ixtic: A eb' man̈ tz'acnoc sniwnal cha, toto tzyiclj eb' sc'ul 'iljelal, tzyiclni eb' tas tzin nib'ej, tzchan eb' yab' tas tzyal in trato,
5toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.
6Ax pax yuj eb' chuc chon̈b'al tzya'ch sb'a wico'oc, yic tzin ya'n servil eb', mto tzin schamc'ojlej eb', sec tz'och eb' in checb'oc, toto tzyiclj eb' sc'ul 'iljelal, matz 'ec' eb' 'a yib'an̈, te'n tzyutj sb'a eb' 'a in trato,
7toto 'ixta', 'oj wi' cot eb' 'a jun tzaln to wicn̈ej yaji, ax wa'n stzaljc'ojlal eb' 'a yol watut 'aj tz'och lesl 'ayin. 'Oj in cha sn̈us eb' xajmb'al yet' yofrenda 'a yib'n̈ yet'l xajmb'al to wic yaji, yujto 'oj alxoc yuj watut, to yatutal lesl yaj yuj smasnil chon̈ab'.
8An Jehová in, an tzwala to 'oj in molb'tzoc paxt eb' israel 'aycn 'at 'icha presoal 'a jun tzo'n̈ chuc chon̈b'al. 'Oj wi' cot pax jun tzo'n̈ xo 'anma yet' eb' yic junxn̈ej tz'ajcn eb' yet' eb' in chon̈b' 'oj in molb'tzoc cha, xchi Dios.
A stu nab'enal eb' syajlil chon̈ab'
9Tzyaln Dios 'ixtic: E masnil ex chuc chon̈b'al, cotn̈ec milwjoc, wul satc 'el eb' in chon̈b' tic 'icha tzyac' no chiwjum noc', mto no calte'al noc' yet' no calnelu,
10yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.
11A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.
12Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.
ప్రస్తుతం ఎంపిక చేయబడింది:
Is 56: CSS
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.
