Is 48
48
Tzyal Jehová yuj tas tot 'oj ujoc
1A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.
2Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.
3'A yictax pecti', waln can 'ayx yuj tas wan yuj tic; an xwac' eyojcoc 'eli. Wal 'a yajn̈ej xwa'n 'el'choc, tas waljnac cha.
4Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.
5'Aycto waln can eyab' jun tic, yic mantzac uji waln can 'ayex. Yuj cha, ma'oj stac' eyaln 'ixtc yuj jun tzo'n̈ yechl e comn diosal to te', mto q'ue'en: A qui diosal a 'ix nan chan̈ jun tic, a 'ix b'oni, man̈ xe chioc.
6Ax tic, eyab'jnac smasnil tas waljnac cha, tzcham wal e nan yu'uj. Yowlal 'oj e cha eyab'i', chajtlto caw yel. Ax ticnec, 'oj wac' eyojcoc jun tzo'n̈ tas mant 'a 'aj tzalx eyab'i, jun tzo'n̈ tas c'ultac to yaji.
7Atn jun tzo'n̈ tas tzat in chaj 'el yich waln tic, man̈ alb'ilc eb' 'ayx 'a pecti', jun tzo'n̈ tas to mant 'a 'aj tzeyab' xon yalxi masnto ticnec. Sec ma'oj stac' eyaln 'ixtic: Cojc xo jun tic, man̈ xe chioc.
8Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.
9Palta 'ay in niwnc'ojlal 'ayex, yuj cha 'ix wi'n 'och wan yowl in c'ojl 'a eyib'an̈, sec wach' man̈ tuc in b'inaxi. Yuj cha, ma'ex in satli.
10An ex in sacb'tzej, palta man̈ 'ichaoc tz'aj sacb'tzax q'uen plata 'a scal c'ac', ton̈j ex wac' prowal yet' yailal.
11Yuj in b'inaxi, yuj cha, 'ixta ex wutej, yic wach' matz in alx tu'al. A wach' paxti smoj tzalx 'ayin, matz in chaj alxoc 'a junc comn dios, xchi Dios.
A Jehová 'oj colnc 'el schon̈ab'
12A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.
13An in b'ojnac sb'achnub'al yich lum lum tic yet' in poder, an in jen̈jnac 'at pax satcha'an̈. Ton̈j xwal sb'i jun tzo'n̈ tic, 'ix pitzw chan̈ eb'.
14Molb'tzejc e b'a e masnil, tze maclni eyab' tas 'oj wala': ¿Mach wal junc 'ayx ax tic tztac' yalni tas jab'xoj 'oj ujoc? A jun mach sic'b'il 'el wu'uj, a 'oj b'onc smasnil tas xin nalb'ej in b'on an Jehová in 'a yib'n̈ Babilonia, ax yip jun cha, a 'oj 'a'nc 'ejmc eb' caldeo cha.
15An 'ix wala xcot jun cha, yuj cha 'ix jawi. Ax smasnil 'aj 'oj 'ec'oc, 'oj ya'n̈j ganar.
16Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios.
A ticnec jun, checb'il in cot yuj Jehová Dios yic tzwaln jun tic yuj spoder Yespíritu.
17A Jehová qui Diosal an̈ israel on̈ tic, jun Dios To Cojxni, a tzaln 'ixtic:
An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.
18Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.
19Man̈x yalnb'ilc am sb'isl eb' eyin̈til, lajn am eb' 'icha yarenail sti a mar, toto 'ixta', ma'ex in satli, ma'ex wij pax 'el 'a wojltac, xchi Dios.
20A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.
21Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.
22Ax eb' maysch'olnil tas tzb'o'o, may jac wach'l 'oj yil eb', xchi Dios.
ప్రస్తుతం ఎంపిక చేయబడింది:
Is 48: CSS
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.
Is 48
48
Tzyal Jehová yuj tas tot 'oj ujoc
1A Dios a tzaln 'ixtic: 'Ab'c wal jun tic ex yin̈tl Jacob, ex tze cuch israel, yin̈tl ex pax can Judá. Tze loc in b'i an Jehová in tic, tzeyalni to tzex 'och 'emmquilal 'ayin. Ex israel, e Diosal in eyalni, palta man̈ yelc tzeyala, tzex paxtin 'a chab'satil.
2Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.
3'A yictax pecti', waln can 'ayx yuj tas wan yuj tic; an xwac' eyojcoc 'eli. Wal 'a yajn̈ej xwa'n 'el'choc, tas waljnac cha.
4Yujto wojtac to caw wal pit ex, matz eyij 'ejm e b'a, matz ex q'uixw pax jab'oc.
5'Aycto waln can eyab' jun tic, yic mantzac uji waln can 'ayex. Yuj cha, ma'oj stac' eyaln 'ixtc yuj jun tzo'n̈ yechl e comn diosal to te', mto q'ue'en: A qui diosal a 'ix nan chan̈ jun tic, a 'ix b'oni, man̈ xe chioc.
6Ax tic, eyab'jnac smasnil tas waljnac cha, tzcham wal e nan yu'uj. Yowlal 'oj e cha eyab'i', chajtlto caw yel. Ax ticnec, 'oj wac' eyojcoc jun tzo'n̈ tas mant 'a 'aj tzalx eyab'i, jun tzo'n̈ tas c'ultac to yaji.
7Atn jun tzo'n̈ tas tzat in chaj 'el yich waln tic, man̈ alb'ilc eb' 'ayx 'a pecti', jun tzo'n̈ tas to mant 'a 'aj tzeyab' xon yalxi masnto ticnec. Sec ma'oj stac' eyaln 'ixtic: Cojc xo jun tic, man̈ xe chioc.
8Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.
9Palta 'ay in niwnc'ojlal 'ayex, yuj cha 'ix wi'n 'och wan yowl in c'ojl 'a eyib'an̈, sec wach' man̈ tuc in b'inaxi. Yuj cha, ma'ex in satli.
10An ex in sacb'tzej, palta man̈ 'ichaoc tz'aj sacb'tzax q'uen plata 'a scal c'ac', ton̈j ex wac' prowal yet' yailal.
11Yuj in b'inaxi, yuj cha, 'ixta ex wutej, yic wach' matz in alx tu'al. A wach' paxti smoj tzalx 'ayin, matz in chaj alxoc 'a junc comn dios, xchi Dios.
A Jehová 'oj colnc 'el schon̈ab'
12A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.
13An in b'ojnac sb'achnub'al yich lum lum tic yet' in poder, an in jen̈jnac 'at pax satcha'an̈. Ton̈j xwal sb'i jun tzo'n̈ tic, 'ix pitzw chan̈ eb'.
14Molb'tzejc e b'a e masnil, tze maclni eyab' tas 'oj wala': ¿Mach wal junc 'ayx ax tic tztac' yalni tas jab'xoj 'oj ujoc? A jun mach sic'b'il 'el wu'uj, a 'oj b'onc smasnil tas xin nalb'ej in b'on an Jehová in 'a yib'n̈ Babilonia, ax yip jun cha, a 'oj 'a'nc 'ejmc eb' caldeo cha.
15An 'ix wala xcot jun cha, yuj cha 'ix jawi. Ax smasnil 'aj 'oj 'ec'oc, 'oj ya'n̈j ganar.
16Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios.
A ticnec jun, checb'il in cot yuj Jehová Dios yic tzwaln jun tic yuj spoder Yespíritu.
17A Jehová qui Diosal an̈ israel on̈ tic, jun Dios To Cojxni, a tzaln 'ixtic:
An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.
18Comnoc wal 'ix eyiclj in checnb'il, toto 'ixta', a e junc'ojlal, caw lajn am tz'aj sq'uib' 'icha a niwc a', ax e tojlal, lajn am 'icha scot b'alb'noc yib'n̈ a mar.
19Man̈x yalnb'ilc am sb'isl eb' eyin̈til, lajn am eb' 'icha yarenail sti a mar, toto 'ixta', ma'ex in satli, ma'ex wij pax 'el 'a wojltac, xchi Dios.
20A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.
21Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.
22Ax eb' maysch'olnil tas tzb'o'o, may jac wach'l 'oj yil eb', xchi Dios.
ప్రస్తుతం ఎంపిక చేయబడింది:
:
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.