Ez 35
35
A tas tzalx 'a yib'n̈ Seir
1'Ix yaln pax Jehová 'ayn 'ixtic: 2Ach 'anma', 'ixc q'ueln 'a yib'n̈ chon̈b' Seir, tzaln can 'at jun tzo'n̈ paxti tic 'a yib'an̈.
3An Jehová in, an tzwal 'ixtic: Ach chon̈b' Seir, an tzin 'och 'ajc'ojlal 'ayach. 'Oj wa'ch yailal 'a eb'an̈, 'oj a lajw can 'ejmi, ax a can 'a sictaquil.
4'Oj in satl smasnil eb' lum chon̈b' macb'il o'oj, ax a can 'a sictaquil. 'Ixta to b'i'an, ax ojcan 'eli, to an 'ixta tzach wutej.
5Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul. 6Yuj cha, an Jehová in, an tzwa'cn in ti', to 'oj ach wa'ch 'a yol sc'ab' chamel, ax chaml chi 'oj 'a pechn b'eyc'oc, yujto 'ayx 'och chaml chi 'a eb'an̈. 7Ach chon̈b' Seir, 'oj ach wa'cn 'och 'a cusltac lumal, ax a lajw can 'ejmi, man̈x 'a mach 'oj in cha c'och ta'. 8A eb' lum jolmctac witz, eb' lum tzalctac, eb' lum pan̈ctac, yet' eb' lum ch'olctac 'aj tzb'ey eb' a a', 'oj b'ut'joc eb' lum yuj sniwnal eb' 'anma 'oj cham yuj owal. 9'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.
10'In xcob' al 'ixtic: A chab' nacion̈al lum slum eb' israel tic, wach'xam ata 'ayc' Jehová 'a lu'um, palta 'oj wico'oc, xcob' a chioc. 11Yuj cha, an Jehová in, an tzwal 'ixtic: 'Icha wal yowl a c'ojol, a chichnc'ojlal, yet' pax ajc'ojlal 'a chon̈b' Israel, 'ixta 'oj ach wutc ach in b'eyc'ojlani. 'Ixta to b'i'an, ax in yojcan 'el eb' 'anma', to an 'ixta tzach wutej. 12An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi. 13Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.
14Yuj cha, an Jehová in, an tzwal 'ixtic: Smasnil 'anma 'ay 'a yolyib'n̈q'uinl tic, 'oj tzaljoc eb' yic 'oj ach in satnc 'eli. 15Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.
ప్రస్తుతం ఎంపిక చేయబడింది:
Ez 35: CSS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.
Ez 35
35
A tas tzalx 'a yib'n̈ Seir
1'Ix yaln pax Jehová 'ayn 'ixtic: 2Ach 'anma', 'ixc q'ueln 'a yib'n̈ chon̈b' Seir, tzaln can 'at jun tzo'n̈ paxti tic 'a yib'an̈.
3An Jehová in, an tzwal 'ixtic: Ach chon̈b' Seir, an tzin 'och 'ajc'ojlal 'ayach. 'Oj wa'ch yailal 'a eb'an̈, 'oj a lajw can 'ejmi, ax a can 'a sictaquil.
4'Oj in satl smasnil eb' lum chon̈b' macb'il o'oj, ax a can 'a sictaquil. 'Ixta to b'i'an, ax ojcan 'eli, to an 'ixta tzach wutej.
5Yujto ach tic toxn to 'ajc'ojl xon ajch 'a eb' israel, a lajjnac 'el eb' yet' owal yic 'aych eb' 'a syailal yuj smul. 6Yuj cha, an Jehová in, an tzwa'cn in ti', to 'oj ach wa'ch 'a yol sc'ab' chamel, ax chaml chi 'oj 'a pechn b'eyc'oc, yujto 'ayx 'och chaml chi 'a eb'an̈. 7Ach chon̈b' Seir, 'oj ach wa'cn 'och 'a cusltac lumal, ax a lajw can 'ejmi, man̈x 'a mach 'oj in cha c'och ta'. 8A eb' lum jolmctac witz, eb' lum tzalctac, eb' lum pan̈ctac, yet' eb' lum ch'olctac 'aj tzb'ey eb' a a', 'oj b'ut'joc eb' lum yuj sniwnal eb' 'anma 'oj cham yuj owal. 9'Oj can a lum chi sictacl 'a jun 'ejmn̈ej, man̈x 'a mach 'oj cajnc eb' lum chon̈b' macb'il o'oj. 'Ixta to b'i'an, ax ojcan 'eli, to an 'ixta tzach wutej.
10'In xcob' al 'ixtic: A chab' nacion̈al lum slum eb' israel tic, wach'xam ata 'ayc' Jehová 'a lu'um, palta 'oj wico'oc, xcob' a chioc. 11Yuj cha, an Jehová in, an tzwal 'ixtic: 'Icha wal yowl a c'ojol, a chichnc'ojlal, yet' pax ajc'ojlal 'a chon̈b' Israel, 'ixta 'oj ach wutc ach in b'eyc'ojlani. 'Ixta to b'i'an, ax in yojcan 'el eb' 'anma', to an 'ixta tzach wutej. 12An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi. 13Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.
14Yuj cha, an Jehová in, an tzwal 'ixtic: Smasnil 'anma 'ay 'a yolyib'n̈q'uinl tic, 'oj tzaljoc eb' yic 'oj ach in satnc 'eli. 15Yujto a yic slajw 'el chon̈b' Israel wu'uj, caw wal tzaljnac ach, yuj cha, 'icha wal 'ajnc cha, 'ixta 'oj ach wutc ach in satn 'eli. 'Oj can eb' lum switzl Seir 'a cusltaquil, atn lum slum can Edom, 'ixta to b'i'an, ax in ojcan 'eli to an Jehová in, to cojn in ton Dios in, xchi Dios, xa chi.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.