Dn 6
6
Julb'il 'ejm Daniel 'a scal no león
1'Ix ya'n 'och win rey Darío 120 eb' gobernador, sec a eb' tz'iln junjn chon̈b' 'ay 'a yol smacb'en win 'aj tzyac' yajlil. 2Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel. 3Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈. 4Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'. 5Xlajw cha, 'ix yaln eb' 'ixtic: May junc tas tz'ilchj cujec 'a winac, yic tzca'nec 'och 'a yib'n̈ yuj scuynb'il yet' sDiosal, xchi eb'.
6Xlajw cha, 'ix smol aln jun tzo'n̈ eb' gobernador cha, to tz'at eb' paxtinc yet' win rey Darío. A yic xc'och eb' 'a yojltac winac, 'ix yaln eb' 'a win 'ixtic:
—¡Mamin rey Darío, 'ayc'n̈ej cab' opiso tic 'a smasnil tiempo! 7Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león. 8A ticnec jun mamin rey, 'ac' a firma 'a jun ley tic, sec wach' may junc mach tztac' sjelni, a tzyal yaln qui leyl an̈ 'aj Media yet' an̈ 'aj Persia on̈ tic, to man̈xtzac 'ec' jun ley cha, xchi eb'.
9Yuj cha, xya'n win rey Darío sfirma 'a jun ley cha. 10A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén. 11Ax jun tzo'n̈ winc cha, syamn sb'a eb' 'a yatut Daniel, ax xyiln eb' wan sleslwi winac, wan stew 'a Dios. 12Wal 'a yajn̈ej x'at eb' 'a win rey, xyaln eb' yuj jun ley alb'ilx 'el cha, xyaln eb' 'a win 'ixtic:
—Mamin rey, totn 'ix ac' alxoc 'el jun ley, chajtlto tzann̈j mach tzyal sb'a 'a sdiosal, mto 'a junc xo comn 'anma 'a jun 'ujl tic, toto man̈oc 'aych tzyal sb'a, tojln̈ej sjulx 'ejm 'a yol yet'l e no león 'aj 'ayq'ui, xchi eb'.
'Ix ta'w win rey chi 'ixtic: A jun ley cha, 'ixtnta ton yaji, yowlal tzyiclxi, a tzyal yaln qui leyl an̈ Media yet' an̈ Persia on̈ tic, caw man̈xtzac 'ec' jun ley cha, xchi winac.
13Xlajw cha, syamn 'och eb' yaln 'ixtc 'a win rey cha:
—A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.
14A yic xyab'n win rey jun cha, caw wal x'och pitz'n cusc'ojlal 'a winac, til to wal x'ec' win rey chi snani tas tzyutj scoln 'el Daniel cha, masnto x'em c'u. 15A yic wan xo yem c'u, 'ix c'ochx oyn̈joc eb' winc chi 'a yojltac win rey, xyaln pax eb' 'a win 'ixtic:
—Ojc wal si'mb'il mamin rey, to a qui leyl an̈ 'aj Media yet' an̈ 'aj Persia on̈ tic, chajtlto a junc ley mto junc paxti tox 'ix yac' win rey sfirma 'a 'a, caw man̈xtzac stac' yeq'ui, xchi ewinac.
16Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic:
—A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.
17A yic tox xjulx can 'ejm Daniel 'a scal e no león cha, 'ix yi'n cot eb' jun q'uen q'ue'en, xya'n can q'ue eb' smacloc sti jun xab' cha. Xlajw cha, xya'n can 'och win rey chi seyoal q'uen yet' seyo win yic yopiso, yet' pax eb' niwc yajl 'aych yet' winac. C'uxn xya'cn 'och eb' seyo chi 'a q'ue'en, sec wach' a jun ley 'ix alx 'a yib'n̈ Daniel, matz tac' sma'x 'eq'ui. 18Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha. 19Ax 'a yic sacb'eli, caw seb' q'ue wan win rey cha, carela x'at win 'a 'aj 'ay yet'l e no león cha. 20A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic:
—¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.
21Xlajw cha, xta'w Daniel 'ixtc 'a winac.
—¡Mamin rey, 'ayc'n̈ej cab' opiso 'a jun 'ejmn̈ej! 22A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.
23Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol. 24Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.
25Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal. 26Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat.
Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.
27A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.
28Ax Daniel cha, caw xwach' q'ue'ch 'a yopiso 'a yic 'aych win Darío reyal, yet' pax 'a yic 'aych win Ciro reyal, win 'aj Persia.
ప్రస్తుతం ఎంపిక చేయబడింది:
Dn 6: CSS
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.
Dn 6
6
Julb'il 'ejm Daniel 'a scal no león
1'Ix ya'n 'och win rey Darío 120 eb' gobernador, sec a eb' tz'iln junjn chon̈b' 'ay 'a yol smacb'en win 'aj tzyac' yajlil. 2Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel. 3Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈. 4Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'. 5Xlajw cha, 'ix yaln eb' 'ixtic: May junc tas tz'ilchj cujec 'a winac, yic tzca'nec 'och 'a yib'n̈ yuj scuynb'il yet' sDiosal, xchi eb'.
6Xlajw cha, 'ix smol aln jun tzo'n̈ eb' gobernador cha, to tz'at eb' paxtinc yet' win rey Darío. A yic xc'och eb' 'a yojltac winac, 'ix yaln eb' 'a win 'ixtic:
—¡Mamin rey Darío, 'ayc'n̈ej cab' opiso tic 'a smasnil tiempo! 7Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león. 8A ticnec jun mamin rey, 'ac' a firma 'a jun ley tic, sec wach' may junc mach tztac' sjelni, a tzyal yaln qui leyl an̈ 'aj Media yet' an̈ 'aj Persia on̈ tic, to man̈xtzac 'ec' jun ley cha, xchi eb'.
9Yuj cha, xya'n win rey Darío sfirma 'a jun ley cha. 10A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén. 11Ax jun tzo'n̈ winc cha, syamn sb'a eb' 'a yatut Daniel, ax xyiln eb' wan sleslwi winac, wan stew 'a Dios. 12Wal 'a yajn̈ej x'at eb' 'a win rey, xyaln eb' yuj jun ley alb'ilx 'el cha, xyaln eb' 'a win 'ixtic:
—Mamin rey, totn 'ix ac' alxoc 'el jun ley, chajtlto tzann̈j mach tzyal sb'a 'a sdiosal, mto 'a junc xo comn 'anma 'a jun 'ujl tic, toto man̈oc 'aych tzyal sb'a, tojln̈ej sjulx 'ejm 'a yol yet'l e no león 'aj 'ayq'ui, xchi eb'.
'Ix ta'w win rey chi 'ixtic: A jun ley cha, 'ixtnta ton yaji, yowlal tzyiclxi, a tzyal yaln qui leyl an̈ Media yet' an̈ Persia on̈ tic, caw man̈xtzac 'ec' jun ley cha, xchi winac.
13Xlajw cha, syamn 'och eb' yaln 'ixtc 'a win rey cha:
—A win Daniel, win yamchjnac can cot 'a Judá, caw matz yiclj win tas tzal mamin rey. May yel'ch jun ley tic 'a sat. 'Ix quila 'ox 'ejm tzleslwi win 'a junjn c'u, xchi eb'.
14A yic xyab'n win rey jun cha, caw wal x'och pitz'n cusc'ojlal 'a winac, til to wal x'ec' win rey chi snani tas tzyutj scoln 'el Daniel cha, masnto x'em c'u. 15A yic wan xo yem c'u, 'ix c'ochx oyn̈joc eb' winc chi 'a yojltac win rey, xyaln pax eb' 'a win 'ixtic:
—Ojc wal si'mb'il mamin rey, to a qui leyl an̈ 'aj Media yet' an̈ 'aj Persia on̈ tic, chajtlto a junc ley mto junc paxti tox 'ix yac' win rey sfirma 'a 'a, caw man̈xtzac stac' yeq'ui, xchi ewinac.
16Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic:
—A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.
17A yic tox xjulx can 'ejm Daniel 'a scal e no león cha, 'ix yi'n cot eb' jun q'uen q'ue'en, xya'n can q'ue eb' smacloc sti jun xab' cha. Xlajw cha, xya'n can 'och win rey chi seyoal q'uen yet' seyo win yic yopiso, yet' pax eb' niwc yajl 'aych yet' winac. C'uxn xya'cn 'och eb' seyo chi 'a q'ue'en, sec wach' a jun ley 'ix alx 'a yib'n̈ Daniel, matz tac' sma'x 'eq'ui. 18Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha. 19Ax 'a yic sacb'eli, caw seb' q'ue wan win rey cha, carela x'at win 'a 'aj 'ay yet'l e no león cha. 20A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic:
—¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.
21Xlajw cha, xta'w Daniel 'ixtc 'a winac.
—¡Mamin rey, 'ayc'n̈ej cab' opiso 'a jun 'ejmn̈ej! 22A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.
23Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol. 24Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.
25Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal. 26Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat.
Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.
27A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.
28Ax Daniel cha, caw xwach' q'ue'ch 'a yopiso 'a yic 'aych win Darío reyal, yet' pax 'a yic 'aych win Ciro reyal, win 'aj Persia.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Biblia Chuj San Sebastian © Sociedades Bíblicas Unidas, 1999.