1 Korɛnte Siè 13
13
Wanminu bòo
1Hɛ̀rí kɛ́ ń yɛ̀rɛ́ hṹn dɛ̀ ɓɛ̀ nìnbirìe níiɓɛ̀ àá ɓɛ́ mɛlɛkɛɓɛ níiɓɛ̀ ɛ́ wóò bie, kɛ́ wanminu ɛ́ mí niǹ tĩì hũn, ɛ̀ ǹ tan dɛ̃̀ kɛ̀a ie hɛ̃nlɔ́ lɛ ɛ́ ɓɛ́ ɛ́ ɓánɓɛ́, tàá kɛ̀a ie dũ̀mùhṹ lɛ ɛ́ tɛ̀ kũǹ. 2Hɛ̀rí kɛ́ ń yɛ̀rɛ́ hṹn dɛ̀ Dɔfĩn bòo ɛ́ wóò háaní ɛ̀ lɛ́ ɓɛ́ nìnbiriè ǹ, ɛ̀ ǹ dũ hɔ bòo lɛ ɛ́ tànkɔ̀niɛ míkùi, ɛ̀ ǹ lò dũ hɔ bòo míkùi, hɛ̀rí kɛ́ ń hṹn dàa hɔ ńdɛsĩ̀nlɔ́ lɛ dɛ̀ hɔ̀ ɓúkùo ɛ́ wóò bùinkɛ, kɛ́ wanminu ɛ́ mí niǹ tĩì hũn, ɛ̀ ǹ yí wiè dɔ̀ wɛ̀. 3Hɛ̀rí kɛ́ ń yɛ̀rɛ́ hṹn sankɛa niǹ yírɛ́ míkùi ɛ́ lɛ́kɛ ɓɛ nìkherà ǹ, hɛ̀rí kɛ́ ń yɛ̀rɛ́ hṹn lɛ́ niǹ tɛkɛ̀a nɛ ɓɛ cĩ̀ní, kɛ́ wanminu ɛ́ mí niǹ tĩì hũn, ɛ̀ hɔ̀pe sí tũ̀nú dɔ̀ ɛ́ mí niǹ viì wɛ̀.
4Wanminu ɛ́ dàa hũn hĩ̀nlɔ́, ɛ̀ lè tú àá bɔ̀tente wénlɔ́, ɛ̀ lè yáà dí yanlienú wɛ̀. Wanminu ɛ́ yáà ɓàaní míte ǹ, ɛ̀ lè lò yáà tí àá yèncànlè wɛ̀. 5Wanminu ɛ́ yáà wé lùwiè bòo, ɛ̀ lè yáà wé mí kùrú sãarɔ́ bòo ɛ̀ lè ɛ̀ cɛ̀, ɛ̀ lè tĩì ɛ́ yáà cĩ̀ fùa, ɛ̀ lè yáà dàá hɔ́ bɔ̀koohɔ́ lɛ ɛ́ ɓɛ́ wɔ́ àá lé mí hũn wɛ̀. 6Lè yáà wɛní míte hɔ̀ bòo lɛ yá cã̀aní bòo hũn, kɛ́ lé wóò wɛní míte hɔ̀ bɔ̀berà bòo hũn. 7Wanminu ɛ́ wóò dé sɛ́wɛ́rí ɛ̀ lɛ́ bòo míkùi ǹ, ɛ̀ lè wóò dɛsĩ̀ bòo míkùi hũn, ɛ̀ lè wóò dàá tĩì bènlén bòo míkùi hũn, ɛ̀ lè wóò hĩ̀ mí hũn bòo míkùi hũn.
8Wanminu ɛ́ yá vé yá mi wɛ̀. Dɔfĩn bòo háanírɔ́ ɲún ɛ́ ɓén ɓé, ɛ̀ hɔ̀ níi bɔ̀ɓuà bierɔ́ ɛ́ ɓén dĩ̀ń, ɛ̀ hɔ̀ bɔ̀dũmunù ɛ́ lò ɓén vĩ́ ɛ́ lé yán. 9Iè hɔ̀ lɛ ɛ́ ké bɔ̀dũmunù ɛ́ ɲunù ɛ́ yí tí, ɛ̀ hɔ̀ bòo lɛ ké wóò yí Dɔfĩn viì ɛ̀ khíi háaní lɛ́ ɓɛ́ nìnbiriè ǹ ɛ́ lò ɲunù ɛ́ yí tí wɛ̀. 10Ɛ́ hɔ́ bòo lɛ ɛ́ ɲunù tú ɛ́ ɓen ɓɛrɛ, ɛ́ hɔ́lɛ ɲunù ɛ́ yí tí ɛ́ ɲún ɓén ɓé.
11Pɛ̃̀hṹ lɛ ɛ́ ń dàa hṹn iè zĩncáahɔ́, ɛ́ ń hṹn wóò bie kɛ̀a zĩncáahɔ́, ɛ̀ ǹ vɛ̀ niǹ hũn kɛ̀a zĩncáahɔ́, ɛ̀ ǹ líi hɔ́ bòo kɛ̀a zĩncáahɔ́. Ɛ́ kɛ̀a sáalɛ ɛ́ ń wo wɔ́ nìnbí-kĩ́ihṹ, ɛ́ ń ɓɔ́ hɔ́ zĩncɛ́mu ɲún. 12Hɔ̀pe zoòni lɛ, ɛ́ ké yí loo hɔ bòo sãàniɛ wɛ̀. Ké loo hɔ kɛ̀a dùɓɛ̀lé lɛ ɛ́ yá ce hũn bòo sí, kɛ́ zɔn dɔ̀ ɛ̀ kè ɓén mi hɔ bòo míkùi híɛhɔ́ àá híɛhɔ́. Hɔ̀pe zoòni lɛ, ɛ́ hɔ iè hɔ̀ bòo sɛnù dɔ̀ mí dòonún ɛ́ ń dũ, kɛ́ zɔn dɔ̀ ɛ̀ ǹ ɓén dũń hɔ́ míkùi ɛ́ ciiní kɛ̀a bòo lɛ ɛ́ Dɔfĩn dàa dũ mi ɛ́ ciiniɛ.
13Ɛ́ kɛ̀a sáalɛ, ɛ́ bòo ɲunhɛ̃̀ tĩ ɛ́ temu wo wi yán fúu: hɔ̀ ńdɛsĩ̀nlɔ́ àá lé tĩì bènlén àá lé wanminu. Kɛ́ hɔ́lɛ ɛ́ bòo hie pɔ hɔ́pe sí tĩ́ihṹ ɛ́ iè lè wanminu.
ప్రస్తుతం ఎంపిక చేయబడింది:
1 Korɛnte Siè 13: bwj
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2023 L’Association Nationale pour la Traduction de la Bible et l’Alphabétisation