Actes 20
20
Pol kunde gabuge gu Masedwan negu Girese
1Kumvu negusuke, Pol gukige bebingitsi abegaremuse, sige abelagile, ayende gu Masedwan. 2Alabuge ginange gine negwende ne garemusange bane be Nyambi. Sige ayende gu Girese gwanengu gwandi re Akayi, 3gu abile migweli mireru. Mbere abonge bwatu gu gwende gu Siri, tumbe nevu ayulu re Sif batunge dugwegu gukyelu andi. Vane abonge dibagi digu gabugile gu Masedwan. 4Sopateros, mwane Pirus, mwisi yadi yi Bere, asobe gilonge ne Risetareke ne Sekundus yi Tesalonik, Gayus yi Derebe, Timote, sige Tisik ne Torefim, yi musyengi Asi. 5Bane bende wusu, beduvingile gu Torwas. 6Sige yetu, dukwine gu bwatu ve Filip, mumengu mebenzi ne guvu, mu tsufu yiranu duberagene gu Torwas ve dwavyosile tsonu.
Tugu musukisilu yi Pol gu Torwas
7Wisi tsonu, dube mbure mosi gu gugabene mebenzi, vane Pol kwambile ne dibundu kwange gari gari, mbare apasugange nawu mbongwali. 8Gube mbili lambi gu girini gi ndagu yi dugukemine gu ndiki. 9Mufudu wanengu re Etise abe metsagene ve mbeke pengule. Negwende gwelu ve Pol yambililange, asakumuge gu ndiki mureru. Bemunangule, tumbe mbere amafu. 10Pol sunde, mbangu ve yandi, abandeme amunagule mu mekake mandi, yandi re «Nuyadume, ayi monyu!» 11Sige apande, agabe mebenzi baye. Negukunde gwambile kwange wisi gutsamuge, ayende. 12Bebege mufudu monyu gumbu gi andi dibe mugangu neni gu batu botsu.
Muvevilu Torwas kwange Mile
13Pol ronde re yetu dubongi bwatu gu guregile gu Asos, yandi aduragene ne byeru. 14Ve aduragenine gu Asos, dumubonge mu bwatu gu gwende gu Mitilen. 15Vane, dwende duvuduge mbogwali gu time ningi yi Kyo. Wisi wu duke, duvuduge gu ningi yi Samos, sige wune mosi gu gisyeni gi yadi Mile. 16Pol, vane, abonge dibagi di guvyogile gu time Efese asesikeme, mbare gutsyemune gigumbi gu musyengi Asi. Alenzange mwendu gu guvuduge gu Serisalem, wisi Pantekote.
Pol gagwambili ne bivunde bi Efese
17Pol rume gilumbi ve Mile gu Efese gu gurugise bivunde bi dibundu. 18Ve bevudugile ve yandi, abambile re «Nwayabi mutsageninu ami nenu, bandile wisi rege wunirugile gu musyengi Asi. 19Nzidyanzile Fumu ne ndembu, mu metsange ne meguge me nzelabe gukyelu megwegu me Sif. 20Nwayabi re nzaswege motsu me nenu ne keri, nzenwanzile ne gunenze motsu, ve piti ne mu mendagu menu. 21Nzenenge Sif ne be sandi Sif gu gugeluge gu Nyambi ne guvagile Fumu Sesu gitu. 22Sige vave, nikagwendi gu Serisalem, nevu Dinyuni Diboti garondi, nzayabi digutugile. 23Nyayabi re, Dinyuni Diboti dyambigisi mu yadi tsyotsu re nzugu ne meguge mapingili. 24Tumbe monyu ami wusa nemusumbu ve misu mami, adinami ne keri, gusukise mwendu ne gumane gidyanzu gi Fumu Sesu tsepege, gwanze musamu boti wu gyesi gi Nyambi.
25Nzevyose vegari enu negwanze bulongu bu Nyambi, vave nyayabi re gu sandi kunde gube mutu wugukunde nyene. 26Re dibandu, nemuni nyanubongili gere mbeyi, pasi re wumosi ve yenu setsyemuge, disakengili. 27Mbare nzenwanzile motsu me Nyambi vange, nzanuswege nesi dimosi. 28Kwebandekenyanu sige raranu gigondu gi tsenuvege Dinyuni Diboti ne muraritsi tabe. Banganu beraritsi be boti gukyelu dibundu di Nyambi denge mu dufu du mwane andi. 29Nyayabi re pasi nyagwende batu be gere mekoyu begwingene vegari enu gu gupanze dibundu. 30Nesi vegari enu, batu begufure mambu gu gudute bebingitsi gu nzime awu. 31Kabe tsibulanu misu, rangeminanu re, mu mipume mireru, ne nyangu ne dibeti, nzakole nubigise ne metsange.
32Sige vave, nyanusambuli Nyambi mu gyesi gi musamu andi. Wune dinyange digu nugwarise mu gitu neguvege disale di aswegile botsu bamuvagili gitu. 33Nzabe ne keri ne doli ne menive ne bidwaru bi pagere mutu. 34Nwayabi yenu beni re nzedyanze ne mekake mami gu gudenge byotsu bibe netu ne keri gu batu begilonge gi ami ne menu beni. 35Nzenurigitse neve negudyanzilange nonge nukwamusange bigayi ne mebebeli negu rangemine dyambile Fumu Sesu re “Gu mbili meboti pasi re wavegi vyagunu ne guvegu!”»
36Vane negumane gwambile, Pol kuteme nawu alembe. 37Botsu belile, bemusambegene. 38Babe ne busane mbare Pol bambile re besa kunde mwene. Vane bemuvegitse kwange gu watange.
ప్రస్తుతం ఎంపిక చేయబడింది:
Actes 20: SWJ
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 20
20
Pol kunde gabuge gu Masedwan negu Girese
1Kumvu negusuke, Pol gukige bebingitsi abegaremuse, sige abelagile, ayende gu Masedwan. 2Alabuge ginange gine negwende ne garemusange bane be Nyambi. Sige ayende gu Girese gwanengu gwandi re Akayi, 3gu abile migweli mireru. Mbere abonge bwatu gu gwende gu Siri, tumbe nevu ayulu re Sif batunge dugwegu gukyelu andi. Vane abonge dibagi digu gabugile gu Masedwan. 4Sopateros, mwane Pirus, mwisi yadi yi Bere, asobe gilonge ne Risetareke ne Sekundus yi Tesalonik, Gayus yi Derebe, Timote, sige Tisik ne Torefim, yi musyengi Asi. 5Bane bende wusu, beduvingile gu Torwas. 6Sige yetu, dukwine gu bwatu ve Filip, mumengu mebenzi ne guvu, mu tsufu yiranu duberagene gu Torwas ve dwavyosile tsonu.
Tugu musukisilu yi Pol gu Torwas
7Wisi tsonu, dube mbure mosi gu gugabene mebenzi, vane Pol kwambile ne dibundu kwange gari gari, mbare apasugange nawu mbongwali. 8Gube mbili lambi gu girini gi ndagu yi dugukemine gu ndiki. 9Mufudu wanengu re Etise abe metsagene ve mbeke pengule. Negwende gwelu ve Pol yambililange, asakumuge gu ndiki mureru. Bemunangule, tumbe mbere amafu. 10Pol sunde, mbangu ve yandi, abandeme amunagule mu mekake mandi, yandi re «Nuyadume, ayi monyu!» 11Sige apande, agabe mebenzi baye. Negukunde gwambile kwange wisi gutsamuge, ayende. 12Bebege mufudu monyu gumbu gi andi dibe mugangu neni gu batu botsu.
Muvevilu Torwas kwange Mile
13Pol ronde re yetu dubongi bwatu gu guregile gu Asos, yandi aduragene ne byeru. 14Ve aduragenine gu Asos, dumubonge mu bwatu gu gwende gu Mitilen. 15Vane, dwende duvuduge mbogwali gu time ningi yi Kyo. Wisi wu duke, duvuduge gu ningi yi Samos, sige wune mosi gu gisyeni gi yadi Mile. 16Pol, vane, abonge dibagi di guvyogile gu time Efese asesikeme, mbare gutsyemune gigumbi gu musyengi Asi. Alenzange mwendu gu guvuduge gu Serisalem, wisi Pantekote.
Pol gagwambili ne bivunde bi Efese
17Pol rume gilumbi ve Mile gu Efese gu gurugise bivunde bi dibundu. 18Ve bevudugile ve yandi, abambile re «Nwayabi mutsageninu ami nenu, bandile wisi rege wunirugile gu musyengi Asi. 19Nzidyanzile Fumu ne ndembu, mu metsange ne meguge me nzelabe gukyelu megwegu me Sif. 20Nwayabi re nzaswege motsu me nenu ne keri, nzenwanzile ne gunenze motsu, ve piti ne mu mendagu menu. 21Nzenenge Sif ne be sandi Sif gu gugeluge gu Nyambi ne guvagile Fumu Sesu gitu. 22Sige vave, nikagwendi gu Serisalem, nevu Dinyuni Diboti garondi, nzayabi digutugile. 23Nyayabi re, Dinyuni Diboti dyambigisi mu yadi tsyotsu re nzugu ne meguge mapingili. 24Tumbe monyu ami wusa nemusumbu ve misu mami, adinami ne keri, gusukise mwendu ne gumane gidyanzu gi Fumu Sesu tsepege, gwanze musamu boti wu gyesi gi Nyambi.
25Nzevyose vegari enu negwanze bulongu bu Nyambi, vave nyayabi re gu sandi kunde gube mutu wugukunde nyene. 26Re dibandu, nemuni nyanubongili gere mbeyi, pasi re wumosi ve yenu setsyemuge, disakengili. 27Mbare nzenwanzile motsu me Nyambi vange, nzanuswege nesi dimosi. 28Kwebandekenyanu sige raranu gigondu gi tsenuvege Dinyuni Diboti ne muraritsi tabe. Banganu beraritsi be boti gukyelu dibundu di Nyambi denge mu dufu du mwane andi. 29Nyayabi re pasi nyagwende batu be gere mekoyu begwingene vegari enu gu gupanze dibundu. 30Nesi vegari enu, batu begufure mambu gu gudute bebingitsi gu nzime awu. 31Kabe tsibulanu misu, rangeminanu re, mu mipume mireru, ne nyangu ne dibeti, nzakole nubigise ne metsange.
32Sige vave, nyanusambuli Nyambi mu gyesi gi musamu andi. Wune dinyange digu nugwarise mu gitu neguvege disale di aswegile botsu bamuvagili gitu. 33Nzabe ne keri ne doli ne menive ne bidwaru bi pagere mutu. 34Nwayabi yenu beni re nzedyanze ne mekake mami gu gudenge byotsu bibe netu ne keri gu batu begilonge gi ami ne menu beni. 35Nzenurigitse neve negudyanzilange nonge nukwamusange bigayi ne mebebeli negu rangemine dyambile Fumu Sesu re “Gu mbili meboti pasi re wavegi vyagunu ne guvegu!”»
36Vane negumane gwambile, Pol kuteme nawu alembe. 37Botsu belile, bemusambegene. 38Babe ne busane mbare Pol bambile re besa kunde mwene. Vane bemuvegitse kwange gu watange.
ప్రస్తుతం ఎంపిక చేయబడింది:
:
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES