Actes 13
13
Barenabase ne Sol berumu gu gidyanzu
1Gu dibundu di Atyose, gubange bebigitsi ne belonzi, Barenebase, Simewu yi lugu Dupindu, Lusyuse yi Sirene, Manayene, yi bungulu mbure mosi ne Erode Antipase, sige ne Sol. 2Wisi mosi, gigumbi gi belembilange Fumu ne gugwarile nzale, Dinyuni Diboti negubambile re «Nyasale Barenabase ne Sol gu gidyanzu gi nzibenengile, besisyanu bendi.» 3Vane, negu mane gwarile nzale ne gulembe, bebetsabige mekake, bebesile gwende.
Barenabase ne Sol gu Sipere
4Barenabase ne Sol, negurumu gu gidyanzu ne Dinyuni Diboti, bende gu Selesi ne bwatu gu ningi Sipere. 5Ve bavudugile gu Salemine, banze musamu Nyambi mu ndagu tsi ndembu tsi Sif. San-Marke abe nawu gu gubamuse. 6Benange ningi yotsu kwange Pafose. Vane, bebengune ne ngange yanengu re Bare-Sesu, Sif yi kwevange re mubigitsi. 7Adyanzilange ngowu yi ningi, Seregise Polus wubange mutu lubuge. Ngowu rugise Barenabase ne Sol, mbare arondange gulu musamu Nyambi. 8Ngange yi nengungu gwandi Elimas (re guvage re ngange), abusange re berugi mbare ngowu tsatse vege gitu gu Fumu. 9Vane Sol, yi nengungu gwandi re Pol, yi base ne Dinyuni Diboti, amutsoke gisisu 10amwambile re «Wubase ne dyele ne wubi, mwane Sate, wavini mambu motsu meboti! Wusa gukole geluse tondeni tsi Fumu tsi sungeme? 11Sige yulu, dikake di Fumu dike ve yulu agu wugube ne pafu wusakunde labe giyalele gi dyumbi mwe gigumbi.» Vane ne vane, Elimase abe ne pafu negukebange mutu wugu mubegise. 12Ve ngowu labile nane, abe ne gitu, mbare musamu wu yandi yulu gukyelu Fumu wubembe murime andi.
Pol ne Barenabase gu Atyose yi Pisidi
13Pol ne gilonge gi andi bekwine gu bwatu gu Pafose bende gu Peresé, gu Pafili. San-Marek pasuge nawu vane, agabuge gu Serisalem. 14Tumbe yawu bebinge nzile awu kwange gu Atyose yi Pisidi. Wisi gukole, bingene gu ndagu ndembu betsagene. 15Bisangumu bi mugage Moyise ne bebigitsi, negu manu tangunu, bivunde bi ndagu ndembu bambile Pol ne Barenebase re «Bane be tate, gere nune mwe dyambu digwambile dibundu gu gubegarmuse, nubenze gwambile.» 16Pol rambuge, anangule wogu, ne gwambile: «Bisi Iserayel ne yenu nwalembi Nyambi yi Iserayel, nyulilu anu! 17Nyambi bumongu bu Iserayel sale begulu betu. Afunise bumongu bune gu babile gu buweni, gu Esipete, sige abevuduse gu bulongu bune ne ndure andi. 18Gotsu gu megumi mane mi mipume abesindile gu ginange gyumuge. 19Sige, agudise melongu mane gumereru gu bulongu bu Kanan vane avege binange bi awu disale gu bumongu bu andi. 20Gotsu gu kameyine ne megumi meranu me mipume.
Sige vane, avege begulu betu nzonzi kwange gigumbi gi mubigitsi Samyel. 21Vane begulu betu bivule kanangu, Nyambi bevege Sayul, mwane Kise, yi gifumbe gi Besame. Sayule akoke mu megumi mane me mipume. 22Sayule neguvengigu, Nyambi betsakigile Davide. Ayambile gukyelu andi: “Nya dile Davide, mwane Sesé mutu wu nyarondi, aguvage motsu me nyarondi#13.22 Gisangumu gi nimbu (Psaume) 89.21 ne 1 Samyele 13.14 .” 23Dine dilale di Davide dibe Sesu, yi Nyambi byatse gere mwobutsi wu Iserayel nevu avangenine. 24Nesi Sesu guruge gutse pakile gidyanzu gi andi, Sambatisete ayanze musamu boti gu gunenge bumongu bu Iserayel gu gukalule monyu awu ne gubatisu. 25Ve disukisilu di gidyanzu gi Sambatisete, ayambile: “Nwapikili re ni nye? Nza Kirisete yi nwavingili. Tumbe yulu anu, agarugi ve nzime ami nzabenze nyangule mikudu mi pondu tsi andi.”
26Bane be tate, yenu melale me Aberam ne yenu nwalembi Nyambi yi Iserayel, yetu re dutindilu musamu wagwambili nevu agudwobulile. 27Bisi Serisalem ne bivunde bi awu beseyabe re Sesu re mwobutsi, negulu gwandi mambu me bebigitsi, lavane matangunu myuse myotsu mi gukole. Neguboke Sesu bevage mambu me bebigitsi bambile. 28Nesi gusabe gigume gi dyambu gi gumubokile, tumbe bivule Pilate gumubokise. 29Negu mane vage motsu merendu gukyelu andi, bemusakule mu kurusu, bemutsige. 30Tumbe Nyambi murambuse gu dufu. 31Mu mbili tsufu Sesu labene ne babe nandi bandile gu Galile kwange Serisalem sige beke mbeyi tsi andi ve wusu bumongu bu Iserayel. 32Yetu beni, dwanwanzile musamu boti wune, wu Nyambi vangenine begulu betu. 33Adivage gukyelu etu, melale mawu, negurambuse Sesu gu dufu. Nevu direndilu gu gisangumu gi nimbu girini gi mubeye:
“Ndyayu re mwane ami,
nemuni, nzikuburise#13.33 Gisangumu gi nimbu (Psaume) 2.7.”
34Nyambi yambile re agumurambuse vegari batu bafu dunyuru du andi dusakunde bole. Ayambile re
“Nigunuvege myule mi ngenze ne mi rereri
mi nivangenine Davide#13.34 Esayi 55.3.”
35Re dibandu agakundi tsigemise gu girini ginzusu:
“Wusagusile menu, mbatsi agu murime, gubole gu ngili#13.35 Gisangumu gi nimbu (Psaume) 16.10.”
36Davide, yandi, adyanze gu gigumbi gi andi gidyanzu gi Nyambi, sige ayeragene begulu bandi, dunyuru du andi dubole. 37Tumbe Sesu sebole gu ngili. Nyambi murambuse gu dufu. 38Bane be tate yabanu re mu gyesi gi Sesu nwambilu re mabi menu mabunzulu ne bitsimbu bi mugage Moyise serungule nwobule. 39Mu Sesu, mutu wotsu wune gitu gagobulilu. 40Kabe, nubandekene, mambu merende bebigitsi meyanurugile:
41“Gengilanu, yenu nune pedi,
sutwanu sige fwanganu!
Mbare nigudyanze ve nuvu monyu dyambu di nusagulu pasi re mutu tse nwambile#13.41 Mubigitsi Abakuke 1.5!”»
42Ve Pol ne Barenabase bevudugile gu ndagu ndembu, bebevage re nukukunde ruge wisi nzusu wu gukole gutsi kunde gwambile musamu eni. 43Gibengunu neguvu, mbili Sif ne batu bekaluge gu gulembe Nyambi yi Iserayel bebinge Pol ne Barenebase. Bebambile ne gubegwarise gube kundi mu gyesi gi Nyambi.
44Wisi wu gukole wuduke, gotsu bumongu bwotsu bu yadi bubengune gutsegulu musamu Fumu. 45Ve Sif belabile bumongu bune, be base ne ngusu, betumise Pol page ne gumusyenge. 46Pol ne Barenabase bebambile ne gitu re «Dibe re yenu, Sif mbere nuregile gwanzilu musamu Nyambi. Tumbe nutse mumage, gotsu nwalabi re nu sandi ne dinyange digube ne monyu peke peke! Re dibandu dugwendile gu batu be sandi Sif. 47Labe ditse dwambile Fumu:
“Nzekubyatse gere giyalele gi bumongu bu melongu,
nonge nukwende negwanze kwange gu sukile bulongu
re Nyambi gagobuli#13.47 Esayi 49.6!”»
48Ve batu be sandi Sif bulilu mambu mane, bebase ne mugangu, bedumise Nyambi gukyelu musamu andi. Botsu besalu gu monyu peke peke bevagile Sesu gitu. 49Musamu Fumu wulalegene ne bulongu bwotsu. 50Tumbe mindumbe mi Sif bekokise bidyeti bi yadi ne begetu be sandi Sif bene didume, bagitsi Nyambi Iserayel tumbe be sandi ne gitu gu Fumu Sesu. Bekwane Pol ne Barenebase bebesanze gu ginange gi awu. 51Batu babeye bekukumune metambi mawu, bende gu Ikonyume. 52Gu Atyose, bebingitsi besale bebase ne mugangu ne Dinyuni Diboti.
ప్రస్తుతం ఎంపిక చేయబడింది:
Actes 13: SWJ
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Actes 13
13
Barenabase ne Sol berumu gu gidyanzu
1Gu dibundu di Atyose, gubange bebigitsi ne belonzi, Barenebase, Simewu yi lugu Dupindu, Lusyuse yi Sirene, Manayene, yi bungulu mbure mosi ne Erode Antipase, sige ne Sol. 2Wisi mosi, gigumbi gi belembilange Fumu ne gugwarile nzale, Dinyuni Diboti negubambile re «Nyasale Barenabase ne Sol gu gidyanzu gi nzibenengile, besisyanu bendi.» 3Vane, negu mane gwarile nzale ne gulembe, bebetsabige mekake, bebesile gwende.
Barenabase ne Sol gu Sipere
4Barenabase ne Sol, negurumu gu gidyanzu ne Dinyuni Diboti, bende gu Selesi ne bwatu gu ningi Sipere. 5Ve bavudugile gu Salemine, banze musamu Nyambi mu ndagu tsi ndembu tsi Sif. San-Marke abe nawu gu gubamuse. 6Benange ningi yotsu kwange Pafose. Vane, bebengune ne ngange yanengu re Bare-Sesu, Sif yi kwevange re mubigitsi. 7Adyanzilange ngowu yi ningi, Seregise Polus wubange mutu lubuge. Ngowu rugise Barenabase ne Sol, mbare arondange gulu musamu Nyambi. 8Ngange yi nengungu gwandi Elimas (re guvage re ngange), abusange re berugi mbare ngowu tsatse vege gitu gu Fumu. 9Vane Sol, yi nengungu gwandi re Pol, yi base ne Dinyuni Diboti, amutsoke gisisu 10amwambile re «Wubase ne dyele ne wubi, mwane Sate, wavini mambu motsu meboti! Wusa gukole geluse tondeni tsi Fumu tsi sungeme? 11Sige yulu, dikake di Fumu dike ve yulu agu wugube ne pafu wusakunde labe giyalele gi dyumbi mwe gigumbi.» Vane ne vane, Elimase abe ne pafu negukebange mutu wugu mubegise. 12Ve ngowu labile nane, abe ne gitu, mbare musamu wu yandi yulu gukyelu Fumu wubembe murime andi.
Pol ne Barenabase gu Atyose yi Pisidi
13Pol ne gilonge gi andi bekwine gu bwatu gu Pafose bende gu Peresé, gu Pafili. San-Marek pasuge nawu vane, agabuge gu Serisalem. 14Tumbe yawu bebinge nzile awu kwange gu Atyose yi Pisidi. Wisi gukole, bingene gu ndagu ndembu betsagene. 15Bisangumu bi mugage Moyise ne bebigitsi, negu manu tangunu, bivunde bi ndagu ndembu bambile Pol ne Barenebase re «Bane be tate, gere nune mwe dyambu digwambile dibundu gu gubegarmuse, nubenze gwambile.» 16Pol rambuge, anangule wogu, ne gwambile: «Bisi Iserayel ne yenu nwalembi Nyambi yi Iserayel, nyulilu anu! 17Nyambi bumongu bu Iserayel sale begulu betu. Afunise bumongu bune gu babile gu buweni, gu Esipete, sige abevuduse gu bulongu bune ne ndure andi. 18Gotsu gu megumi mane mi mipume abesindile gu ginange gyumuge. 19Sige, agudise melongu mane gumereru gu bulongu bu Kanan vane avege binange bi awu disale gu bumongu bu andi. 20Gotsu gu kameyine ne megumi meranu me mipume.
Sige vane, avege begulu betu nzonzi kwange gigumbi gi mubigitsi Samyel. 21Vane begulu betu bivule kanangu, Nyambi bevege Sayul, mwane Kise, yi gifumbe gi Besame. Sayule akoke mu megumi mane me mipume. 22Sayule neguvengigu, Nyambi betsakigile Davide. Ayambile gukyelu andi: “Nya dile Davide, mwane Sesé mutu wu nyarondi, aguvage motsu me nyarondi#13.22 Gisangumu gi nimbu (Psaume) 89.21 ne 1 Samyele 13.14 .” 23Dine dilale di Davide dibe Sesu, yi Nyambi byatse gere mwobutsi wu Iserayel nevu avangenine. 24Nesi Sesu guruge gutse pakile gidyanzu gi andi, Sambatisete ayanze musamu boti gu gunenge bumongu bu Iserayel gu gukalule monyu awu ne gubatisu. 25Ve disukisilu di gidyanzu gi Sambatisete, ayambile: “Nwapikili re ni nye? Nza Kirisete yi nwavingili. Tumbe yulu anu, agarugi ve nzime ami nzabenze nyangule mikudu mi pondu tsi andi.”
26Bane be tate, yenu melale me Aberam ne yenu nwalembi Nyambi yi Iserayel, yetu re dutindilu musamu wagwambili nevu agudwobulile. 27Bisi Serisalem ne bivunde bi awu beseyabe re Sesu re mwobutsi, negulu gwandi mambu me bebigitsi, lavane matangunu myuse myotsu mi gukole. Neguboke Sesu bevage mambu me bebigitsi bambile. 28Nesi gusabe gigume gi dyambu gi gumubokile, tumbe bivule Pilate gumubokise. 29Negu mane vage motsu merendu gukyelu andi, bemusakule mu kurusu, bemutsige. 30Tumbe Nyambi murambuse gu dufu. 31Mu mbili tsufu Sesu labene ne babe nandi bandile gu Galile kwange Serisalem sige beke mbeyi tsi andi ve wusu bumongu bu Iserayel. 32Yetu beni, dwanwanzile musamu boti wune, wu Nyambi vangenine begulu betu. 33Adivage gukyelu etu, melale mawu, negurambuse Sesu gu dufu. Nevu direndilu gu gisangumu gi nimbu girini gi mubeye:
“Ndyayu re mwane ami,
nemuni, nzikuburise#13.33 Gisangumu gi nimbu (Psaume) 2.7.”
34Nyambi yambile re agumurambuse vegari batu bafu dunyuru du andi dusakunde bole. Ayambile re
“Nigunuvege myule mi ngenze ne mi rereri
mi nivangenine Davide#13.34 Esayi 55.3.”
35Re dibandu agakundi tsigemise gu girini ginzusu:
“Wusagusile menu, mbatsi agu murime, gubole gu ngili#13.35 Gisangumu gi nimbu (Psaume) 16.10.”
36Davide, yandi, adyanze gu gigumbi gi andi gidyanzu gi Nyambi, sige ayeragene begulu bandi, dunyuru du andi dubole. 37Tumbe Sesu sebole gu ngili. Nyambi murambuse gu dufu. 38Bane be tate yabanu re mu gyesi gi Sesu nwambilu re mabi menu mabunzulu ne bitsimbu bi mugage Moyise serungule nwobule. 39Mu Sesu, mutu wotsu wune gitu gagobulilu. 40Kabe, nubandekene, mambu merende bebigitsi meyanurugile:
41“Gengilanu, yenu nune pedi,
sutwanu sige fwanganu!
Mbare nigudyanze ve nuvu monyu dyambu di nusagulu pasi re mutu tse nwambile#13.41 Mubigitsi Abakuke 1.5!”»
42Ve Pol ne Barenabase bevudugile gu ndagu ndembu, bebevage re nukukunde ruge wisi nzusu wu gukole gutsi kunde gwambile musamu eni. 43Gibengunu neguvu, mbili Sif ne batu bekaluge gu gulembe Nyambi yi Iserayel bebinge Pol ne Barenebase. Bebambile ne gubegwarise gube kundi mu gyesi gi Nyambi.
44Wisi wu gukole wuduke, gotsu bumongu bwotsu bu yadi bubengune gutsegulu musamu Fumu. 45Ve Sif belabile bumongu bune, be base ne ngusu, betumise Pol page ne gumusyenge. 46Pol ne Barenabase bebambile ne gitu re «Dibe re yenu, Sif mbere nuregile gwanzilu musamu Nyambi. Tumbe nutse mumage, gotsu nwalabi re nu sandi ne dinyange digube ne monyu peke peke! Re dibandu dugwendile gu batu be sandi Sif. 47Labe ditse dwambile Fumu:
“Nzekubyatse gere giyalele gi bumongu bu melongu,
nonge nukwende negwanze kwange gu sukile bulongu
re Nyambi gagobuli#13.47 Esayi 49.6!”»
48Ve batu be sandi Sif bulilu mambu mane, bebase ne mugangu, bedumise Nyambi gukyelu musamu andi. Botsu besalu gu monyu peke peke bevagile Sesu gitu. 49Musamu Fumu wulalegene ne bulongu bwotsu. 50Tumbe mindumbe mi Sif bekokise bidyeti bi yadi ne begetu be sandi Sif bene didume, bagitsi Nyambi Iserayel tumbe be sandi ne gitu gu Fumu Sesu. Bekwane Pol ne Barenebase bebesanze gu ginange gi awu. 51Batu babeye bekukumune metambi mawu, bende gu Ikonyume. 52Gu Atyose, bebingitsi besale bebase ne mugangu ne Dinyuni Diboti.
ప్రస్తుతం ఎంపిక చేయబడింది:
:
హైలైట్
షేర్ చేయి
సరిపోల్చండి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES