ಅಪೊ.ಕ್ರಿ 4
4
ಹಿರಿಸಭೆತ ಎದುರು ಪೇತ್ರೆಲಾ ಯೋಹಾನೆಲಾ
1ಅಪೊಸ್ತಲೆರ್ ಜನೊಕುಲೆ ಒಟ್ಟುಗು ಪಾತೆರೊಂದುಪ್ಪುನಗ ಯಾಜಕೆರ್‌ಲಾ ಸದ್ದುಕಾಯೆರ್‌ಲಾ ದೇವಾಲಯ ಕಾಪುನ ಸಿಪಾಯಿಲೆನ ಮುಖ್ಯಸ್ಥೆಲಾ ಅವುಲು ಬತ್ತೆರ್. 2ಸೈತಿನಾಕುಲು ಜೀವೊಡು ಲಕ್ಕುವೆರ್ ಇನ್ಪಿನೆನ್ ಯೇಸುನ ದೃಷ್ಟಾಂತೊಡ್ದು ಇರ್ವೆರ್ ಅಪೊಸ್ತಲೆರ್ ಜನೊಕುಲೆ ನಡುಟು ಸಾರಿಯೊಂದುಪ್ಪುನೆನ್ ತೂದು ಅಕ್ಲೆಗ್ ಗರ್ವ ಬತ್ತ್ಂಡ್. 3ಅಪಗ ಬೈಯ ಆದುಪ್ಪುನೆಡ್ದಾವರ ಅಕುಲು ಅಕ್ಲೆನ್ ಪತ್ತ್‌ದ್ ಮನದಾನಿ ಮುಟ್ಟ ಪಾರೊಡು ದೀಯೆರ್. 4ಆಂಡ ಪೇತ್ರೆ ಬೊಕ್ಕ ಯೋಹಾನನ ಬೋಧನೆನ್ ಕೇಂಡ್ದ್ ಮಸ್ತ್ ಜನ ನಂಬಿಯೆರ್. ಅಂಜೊವುಲೆ ಸುಮಾರ್ ಐನ್ ಸಾರ ಮುಟ್ಟ ಇತ್ತೆರ್.
5ಮನದಾನಿ ಯೆಹೂದ್ಯೆರೆನ ಅಧಿಕಾರಿಲು, ಹಿರಿಯೆರ್‌ಲು, ಶಾಸ್ತ್ರಿಲು ಯೆರೂಸಲೇಮುಡು ಸೇರ್ದ್ ಬತ್ತೆರ್. 6ಅಕ್ಲೆ ಒಟ್ಟುಗು ಪ್ರಧಾನಯಾಜಕೆ ಆಯಿ ಅನ್ನ, ಕಾಯಫೆ, ಯೋಹಾನೆ, ಅಲೆಕ್ಸಾಂದ್ರೆ, ಪ್ರಧಾನಯಾಜಕ ಸಂತಾನದಾಕುಲು ಮಾತೆರ್ಲಾ ಇತ್ತೆರ್. 7ಅಕುಲು ಪೇತ್ರೆ ಬೊಕ್ಕ ಯೋಹಾನನ್ ನಡುಟು ಉಂತಾದ್, “ನಿಕುಲು ಆ ಕುಂಟನ್ ವಾ ಬಲೊಟು ಇಜ್ಜಾಂಡ ವಾ ಪುದರ್‌ಡ್ ಉಂದೆನ್ ಮಲ್ತರ್,” ಅಂದ್‌ದ್ ಕೇಂಡೆರ್.
8ಅಪಗ ಪೇತ್ರೆ ಪರಿಶುದ್ಧಾತ್ಮೊಡ್ದು ದಿಂಜಿದ್ ಅಕ್ಲೆಗ್, “ಜನೊಕುಲೆ ಅಧಿಕಾರಿಲೇ, ಹಿರಿಯಾಕುಲೇ, 9ಒರಿ ಕುಂಟಗ್ ಆಯಿ ಉಪಕಾರೊಗಾದ್ ಆಯಗ್ ಒಯಿಡ್ದ್ ಗುಣ ಆಂಡ್ ಅಂದ್‌ದ್ ನಿಕುಲು ಎಂಕ್ಲೆಡ ಇನಿ ಕೇನುನಾಂಡ, 10ನಿಕ್ಲೆಗ್ ಮಾತೆರೆಗ್ಲಾ ಇಸ್ರಾಯೇಲ್ ಜನೊಕುಲೆಗ್ಲಾ ತೆರಿಯೊಡು ಅಂದ್‌ದ್ ಎನ ಆಸೆ. ನಿಕುಲು ಕ್ರುಸ್ಸುಗ್ ಪತ್ತಾಯಿ ಬೊಕ್ಕ ದೇವೆರ್ ಸೈತಿನಾಕುಲೆಡ್ದ್ ಲಕ್ಕಾಯಿನ ನಜರೇತ್‌ದ ಯೇಸು ಕ್ರಿಸ್ತ ಪುದರ್‌ಡೇ ಈ ನರಮಾನಿ ಗುಣ ಆದ್ ನಿಕ್ಲೆ ಎದುರುಡು ಉಂತುದೆ. 11‘ಇಲ್ಲ್ ಕಟ್ಟ್‌ನಾಕುಲಾದುಪ್ಪು ನಿಕುಲು ಬೊಡ್ಚಿಂದ್‌ದ್ ಬುಡ್ತಿನ ಕಲ್ಲ್ ಆಯೆನೇ, ಆಯೆನೇ ಮೂಲೆದ ತರೆಕಲ್ಲಾಯೆ.’ 12ಬರೊಡಾಯಿ ರಕ್ಷಣೆ ಏರೆಡ್ದ್‌ಲಾ ತಿಕ್ಕುಜಿ; ಆ ಪುದರ್‌ಡೇ ಅತ್ತಂದೆ ಬಾನದ ತಿರ್ತ್ ಕೊರ್ತಿನ ಬೇತೆ ವಾ ಪುದರ್‌ಡ್ಲಾ ನಂಕ್ ರಕ್ಷಣೆ ಆಪುಜಿ ಅಂದ್‌ದ್ ಪಂಡೆ.”
13ಪೇತ್ರೆ ಬೊಕ್ಕ ಯೋಹಾನೆ ಧೈರ್ಯೊಡು ಪಾತೆರುನೆನ್ ತೂದು ಅಕುಲು ವಿದ್ಯೆ ಇಜ್ಜಂದಿನ ಸದಾರಣದಾಕುಲು ಅಂದ್‌ದ್ ತೆರಿದ್ ಅಚ್ಚಿರ ಆಯೆರ್. ಮೊಕುಲು ಯೇಸುನ ಒಟ್ಟುಗು ಇತ್ತಿನಾಕುಲು ಅಂದ್‌ದ್ ಗುರ್ತ ಪತ್ತಿಯೆರ್. 14ಬೊಕ್ಕ ಗುಣ ಆತಿನಾಯೆ ಅಕ್ಲೆ ಒಟ್ಟುಗು ಉಂತುದುಪ್ಪುನೆನ್ ತೂದು ಎದುರು ಪಾತೆರಂದೆ ಇತ್ತೆರ್. 15ಐಡ್ದ್ ಬೊಕ್ಕ ಸಭೆಡ್ದ್ ಒಂತೆ ಪಿದಯಿ ಪೋಲೆ ಅಂದ್‌ದ್ ಅಕ್ಲೆಗ್ ಅಪ್ಪಣೆ ಕೊರ್ದು, 16“ಮೊಕ್ಲೆನ್ ನಮ ದಾನೆ ಮಲ್ಪುಗ? ಮೊಕುಲು ಈತ್ ಮಲ್ಲ ಕಾರ್ನಿಕೊನು ಮಲ್ತಿನೆಡ್ದ್ ಯೆರೂಸಲೇಮುಡು ಮಾತೆರೆಗ್ಲಾ ಗೊತ್ತಾತ್ತ್ಂಡ್, ಅವು ಆತಿಜಿ ಅಂದ್‌ದ್ ಪನಿಯೆರೆ ಆಪುಜಿ. 17ಆಂಡ ಈ ಪುದರ್ ಜನೊಕುಲೆ ಉಲಯಿ ನನಲಾ ಪರಡಂದಿಲೆಕ್ಕ ದುಂಬಗ್ ಆ ಯೇಸುನ ಪುದರ್‌ನ್ ದೆರ್ತ್ತ್‌ದ್ ನನ ಮಿತ್ತ್ ಏರೆ ಒಟ್ಟುಗುಲಾ ಪಾತೆರಿಯೆರೆ ಬಲ್ಲಿ ಅಂದ್‌ದ್ ಅಕ್ಲೆನ್ ಪೋಡಿಯಾಗ,” ಪಂಡ್ದ್ ಪಂಡೆರ್.
18ಅಕ್ಲೆನ್ ಕುಡ ಉಲಯಿ ಲೆತ್ತ್‌ದ್, ಯೇಸುನ ಪುದರ್‌ಡ್ ದಾಲಾ ಪನಿಯೆರೆ ಬಲ್ಲಿ, ಬೋಧನೆಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ಅಪ್ಪಣೆ ಕೊರಿಯೆರ್. 19ಐಕ್ ಪೇತ್ರೆ ಬೊಕ್ಕ ಯೋಹಾನೆ ಅಕ್ಲೆಗ್, “ಎಂಕುಲು ನಿಕ್ಲೆನ ಪಾತೆರೊನು ಕೇನೊಡಾ ಇಜ್ಜಿಂಡ ದೇವೆರೆ ಪಾತೆರೊನು ಕೇನೊಡಾ? ನೆಟ್ಟ್ ಒವು ದೇವೆರೆಗ್ ಸರಿ ಆದುಂಡು ಅಂದ್‌ದ್ ನಿಕುಲೇ ತೀರ್ಪು ಮಲ್ತೊನ್ಲೆ. 20ಎಂಕುಲು ಎಂಚಲಾ ಮನಿಪಂದೆ ಕುಲ್ಲಯ. ಎಂಕುಲು ತೂಯಿನ ಬೊಕ್ಕ ಕೇಂಡಿನ ಸಂಗತಿಲೆನ್ ಪನೊಡೇ ಆಪುಂಡು,” ಅಂದ್‌ದ್ ಉತ್ತರ ಕೊರಿಯೆರ್. 21ನಡತಿನ ಕಾರ್ಯೊಗಾದ್ ಜನೊಕುಲು ದೇವೆರೆನ್ ಪುಗರೊಂದು ಇತ್ತಿನೆಡ್ದ್ ಅಪೊಸ್ತಲೆರೆಗ್ ನಿಂದನೆ ಮಲ್ಪೆರೆ ಆವಂದೆ ಅಕ್ಲೆನ್ ಪೋಡಿಗಟ್ಟಾದ್ ಬುಡ್ದು ಬುಡಿಯೆರ್. 22ಈ ಮಲ್ಲ ಕಾರ್ನಿಕೊಡ್ದು ಗುಣ ಆಯಿನ ನರಮಾನಿಗ್ ನಲ್ಪ ವರ್ಸೊಡ್ದು ಹೆಚ್ಚ್ ಪ್ರಾಯ ಆದಿತ್ತ್ಂಡ್.
23ಅಕ್ಲೆನ್ ಬುಡಿ ಬೊಕ್ಕ ಅಕುಲು ತನ್ಕುಲೆ ಜನೊಕುಲೆ ಕೈತಲ್‌ಗ್ ಬತ್ತ್‌ದ್ ಪ್ರಧಾನಯಾಜಕೆರ್‌ಲಾ ಹಿರಿಯೆರ್‌ಲಾ ಪನ್ತಿನ ಪ್ರತಿ ಒಂಜಿ ಪಾತೆರೊಲೆನ್ ತೆರಿಪಾಯೆರ್. 24ಅಕುಲು ಕೇಂಡ್ದ್ ಒಂಜೇ ಮನಸಾದ್ ಮಲ್ಲ ಸ್ವರೊಟ್ಟು ದೇವೆರೆಡ ಇಂಚ ನಟ್ಟೊಂಡೆರ್, “ಸರ್ವತ್ರಾಣಿ ಕರ್ತವಾ, ಬಾನೊನು, ಭೂಮಿನ್ ಕಡಲ್‌ನ್ ಐಟ್ಟುಪ್ಪು ಮಾತೆನ್ಲಾ ಉಂಡು ಮಲ್ತಿನಾಯೆನೇ, 25ನಮ ಪಿತೃ ಆದಿತ್ತಿನ ದಾವೀದೆ ನಿನ ಸೇವಕೆ ಪರಿಶುದ್ಧಾತ್ಮೊಡ್ದು ಈ ಪಾತೆರೊಲೆನ್ ಬರೆತೆ. ‘ಪಿದಯಿದ ಜನೊಕುಲು ದಾಯೆಗ್ ಬೊಬ್ಬೆ ಪಾಡುನು? ಈ ದೇಶದ ಜನೊಕುಲು ದಾಯೆಗ್ ವ್ಯರ್ಥಕಾರ್ಯೊಲೆನ್ ಆಲೋಚನೆ ಮಲ್ಪುವೆರ್? 26ಕರ್ತವಗ್ಲಾ ಆಯ ಅಭಿಷೇಕ ಮಲ್ತಿನ ಕ್ರಿಸ್ತಗ್ಲಾ ವಿರೋಧಾದ್ ಭೂಮಿದ ಅರಸುಲು ಲಕ್ಕ್‌ದ್ ಉಂತಿಯೆರ್ ಅಧಿಕಾರಿಲು ಒಟ್ಟುಗು ಕೂಡೊಂಡೆರ್.’ 27ಆ ಪಾತೆರೊಗು ಸರಿಯಾದ್ ಹೆರೋದ ರಾಜೆಲಾ ಪೊಂತ್ಯ ಪಿಲಾತೆಲಾ ಪಿದಯಿದ ಜನೊಕುಲುಲಾ ಇಸ್ರಾಯೇಲ್ ಜನೊಕುಲುಲಾ ಒಟ್ಟಾದ್ ಸೇರ್ದ್ ಈ ಅಭಿಷೇಕ ಮಲ್ತ್‌ದಿನ ನಿನ ಪರಿಶುದ್ಧ ಸೇವಕೆ ಆಯಿ ಯೇಸುನು ವಿರೋಧ ಮಲ್ತಿನಪಗ ಈ ಸಂಗತಿಲು ನಿಜವಾದ್‌ಲಾ ಆದಿತ್ತ್ಂಡ್. 28ನಿನ ಕೈಲಾ ನಿನ ಆಲೋಚನೆಲಾ ದುಂಬು ನೇಮಕ ಮಲ್ತ್‌ದಿನೆನೇ ನಡಪುಡಿಯೆರ್. 29-30ಕರ್ತವಾ ಇತ್ತೆ ಈ ಅಕ್ಲೆನ ಪೋಡಿಯಾಟಿಕೆನ್ ತೂದು ನಿನ ಪರಿಶುದ್ಧ ಸೇವಕೆ ಆದುಪ್ಪು ಯೇಸುನ ಪುದರ್‌ಡ್ ಸೀಕ್‌ಲೆ ಪರಿಹಾರೊನ್ಲಾ ಗುರ್ತೊನ್ಲಾ ಕಾರ್ನಿಕೊಲೆನ್ಲಾ ಉಂಡಾಪಿಲೆಕ್ಕ ನಿನ ಕೈ ನೀಡಿನಲ್ಪ ನಿನ ದಾಸೆರ್ ನಿನ ಪಾತೆರೊಲೆನ್ ಧೈರ್ಯೊಡು ಪನ್ಪಿಲೆಕ್ಕ ಮಲ್ಪುಲ,” ಅಂದ್‌ದ್ ಪಂಡೆರ್.
31ಇಂಚ ಪ್ರಾರ್ಥನೆ ಮಲ್ತಿ ಬೊಕ್ಕ ಅಕುಲು ಸೇರ್ದಿತ್ತಿನ ಜಾಗ್ ಅದ್‌ರ್ಂಡ್, ಅಕುಲು ಮಾತೆರ್ಲಾ ಪರಿಶುದ್ಧಾತ್ಮೊಡು ದಿಂಜಿದ್ ದೇವೆರೆ ಪಾತೆರೊನು ಧೈರ್ಯೊಡು ಪನ್ಪಿನಾಕುಲಾಯೆರ್.
ನಂಬುನಾಕುಲೆಡ್ ಆಸ್ತಿನ್ ಪಟ್ಟುನವು
32ನಂಬುನಾಕುಲೆ ಮಾತೆರೆ ಉಡಲ್‌ಲಾ ಪ್ರಾಣಲಾ ಒಂಜೇ ಆದಿತ್ತ್ಂಡ್. ಒರಿ ಆಂಡಲಾ ಅಕ್ಲೆಡಿತ್ತಿನ ಆಸ್ತಿಡ್ ಒಂಜೆನಾಂಡಲಾ ತನ್ಕುಲೆನ ಅಂದ್‌ದ್ ಪನಂದೆ ಮಾತೆರ್ಲಾ ಅವೆನ್ ಪಟ್ಟೊಂದಿತ್ತೆರ್. 33ಬೊಕ್ಕ ಕರ್ತವೆ ಆದುಪ್ಪು ಯೇಸು ಸೈತ್‌ದ್ ಜೀವಾದ್ ಲಕ್ಕ್‌ದ್ ಬೈದೆ ಅಂದ್‌ದ್ ಅಪೊಸ್ತಲೆರ್ ಬಲವಾದ್ ಸಾಕ್ಷಿ ಪನೊಂದಿತ್ತೆರ್. ದೇವೆರೆ ದಯ ಅಕ್ಲೆ ಮಾತರೆ ಮಿತ್ತ್ ಇತ್ತ್ಂಡ್. 34ಅಕ್ಲೆ ಒಟ್ಟುಗು ಕೊರತೆ ಇತ್ತಿನಾಯೆ ಒರಿಲಾ ಇಜ್ಜಾಂಡ್. ದಾಯೆಗಂದ್ಂಡ ಕಂಡೊಲು ಬೊಕ್ಕ ಇಲ್ಲುಲು ಇತ್ತಿನಾಕುಲು ಮಾತೆರ್ ಅವೆನ್ ಮಾರ್ದ್ 35ಬತ್ತಿ ಕಾಸ್‌ನ್ ಕನತ್‌ದ್ ಅಪೊಸ್ತಲೆರೆನ ಕಾರ್‌ದ ಮುದೆಲ್‌ಡ್ ದೀವೊಂದಿತ್ತೆರ್. ಅವೆನ್ ಪ್ರತಿ ಒರಿಯಗ್ ಆಯಾಯನ ಅಗತ್ಯೊಗು ತಕ್ಕ ಪಟ್ಟ್‌ದ್ ಕೊರೊಂದಿತ್ತೆರ್.
36ಇಂಚೆನೇ ನಂಬುನಾಕುಲೆಡ್ ಕುಪ್ರದ್ವೀಪೊಡು ಪುಟ್ಟಿ ಯೋಸೇಫು ಇನ್ಪಿ ಒರಿ ಲೇವಿ ಇತ್ತೆ, ಅಪೊಸ್ತಲೆರ್ ಆಯನ್ ಬಾರ್ನಬೆ ಅಂದ್ಂಡ ಸಂತೈಸಿಕೆದ ಮಗೆ ಇನ್ಪಿ ಮೇಲ್‌ಪುದರ್ ಪಾಡಿಯೆರ್. 37ಆಯೆ ತನ್ಕ್ ಇತ್ತಿ ಜಾಗ್‌ನ್ ಮಾರ್ದ್ ಬತ್ತಿನ ಕಾಸ್‌ನ್ ದುಕನತ್‌ದ್ ಅಪೊಸ್ತಲೆರೆನ ಕಾರ್‌ದಲ್ಪ ದೀಯೆ.
ప్రస్తుతం ఎంపిక చేయబడింది:
ಅಪೊ.ಕ್ರಿ 4: ತುಳು
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
New Life Literature
ಅಪೊ.ಕ್ರಿ 4
4
ಹಿರಿಸಭೆತ ಎದುರು ಪೇತ್ರೆಲಾ ಯೋಹಾನೆಲಾ
1ಅಪೊಸ್ತಲೆರ್ ಜನೊಕುಲೆ ಒಟ್ಟುಗು ಪಾತೆರೊಂದುಪ್ಪುನಗ ಯಾಜಕೆರ್‌ಲಾ ಸದ್ದುಕಾಯೆರ್‌ಲಾ ದೇವಾಲಯ ಕಾಪುನ ಸಿಪಾಯಿಲೆನ ಮುಖ್ಯಸ್ಥೆಲಾ ಅವುಲು ಬತ್ತೆರ್. 2ಸೈತಿನಾಕುಲು ಜೀವೊಡು ಲಕ್ಕುವೆರ್ ಇನ್ಪಿನೆನ್ ಯೇಸುನ ದೃಷ್ಟಾಂತೊಡ್ದು ಇರ್ವೆರ್ ಅಪೊಸ್ತಲೆರ್ ಜನೊಕುಲೆ ನಡುಟು ಸಾರಿಯೊಂದುಪ್ಪುನೆನ್ ತೂದು ಅಕ್ಲೆಗ್ ಗರ್ವ ಬತ್ತ್ಂಡ್. 3ಅಪಗ ಬೈಯ ಆದುಪ್ಪುನೆಡ್ದಾವರ ಅಕುಲು ಅಕ್ಲೆನ್ ಪತ್ತ್‌ದ್ ಮನದಾನಿ ಮುಟ್ಟ ಪಾರೊಡು ದೀಯೆರ್. 4ಆಂಡ ಪೇತ್ರೆ ಬೊಕ್ಕ ಯೋಹಾನನ ಬೋಧನೆನ್ ಕೇಂಡ್ದ್ ಮಸ್ತ್ ಜನ ನಂಬಿಯೆರ್. ಅಂಜೊವುಲೆ ಸುಮಾರ್ ಐನ್ ಸಾರ ಮುಟ್ಟ ಇತ್ತೆರ್.
5ಮನದಾನಿ ಯೆಹೂದ್ಯೆರೆನ ಅಧಿಕಾರಿಲು, ಹಿರಿಯೆರ್‌ಲು, ಶಾಸ್ತ್ರಿಲು ಯೆರೂಸಲೇಮುಡು ಸೇರ್ದ್ ಬತ್ತೆರ್. 6ಅಕ್ಲೆ ಒಟ್ಟುಗು ಪ್ರಧಾನಯಾಜಕೆ ಆಯಿ ಅನ್ನ, ಕಾಯಫೆ, ಯೋಹಾನೆ, ಅಲೆಕ್ಸಾಂದ್ರೆ, ಪ್ರಧಾನಯಾಜಕ ಸಂತಾನದಾಕುಲು ಮಾತೆರ್ಲಾ ಇತ್ತೆರ್. 7ಅಕುಲು ಪೇತ್ರೆ ಬೊಕ್ಕ ಯೋಹಾನನ್ ನಡುಟು ಉಂತಾದ್, “ನಿಕುಲು ಆ ಕುಂಟನ್ ವಾ ಬಲೊಟು ಇಜ್ಜಾಂಡ ವಾ ಪುದರ್‌ಡ್ ಉಂದೆನ್ ಮಲ್ತರ್,” ಅಂದ್‌ದ್ ಕೇಂಡೆರ್.
8ಅಪಗ ಪೇತ್ರೆ ಪರಿಶುದ್ಧಾತ್ಮೊಡ್ದು ದಿಂಜಿದ್ ಅಕ್ಲೆಗ್, “ಜನೊಕುಲೆ ಅಧಿಕಾರಿಲೇ, ಹಿರಿಯಾಕುಲೇ, 9ಒರಿ ಕುಂಟಗ್ ಆಯಿ ಉಪಕಾರೊಗಾದ್ ಆಯಗ್ ಒಯಿಡ್ದ್ ಗುಣ ಆಂಡ್ ಅಂದ್‌ದ್ ನಿಕುಲು ಎಂಕ್ಲೆಡ ಇನಿ ಕೇನುನಾಂಡ, 10ನಿಕ್ಲೆಗ್ ಮಾತೆರೆಗ್ಲಾ ಇಸ್ರಾಯೇಲ್ ಜನೊಕುಲೆಗ್ಲಾ ತೆರಿಯೊಡು ಅಂದ್‌ದ್ ಎನ ಆಸೆ. ನಿಕುಲು ಕ್ರುಸ್ಸುಗ್ ಪತ್ತಾಯಿ ಬೊಕ್ಕ ದೇವೆರ್ ಸೈತಿನಾಕುಲೆಡ್ದ್ ಲಕ್ಕಾಯಿನ ನಜರೇತ್‌ದ ಯೇಸು ಕ್ರಿಸ್ತ ಪುದರ್‌ಡೇ ಈ ನರಮಾನಿ ಗುಣ ಆದ್ ನಿಕ್ಲೆ ಎದುರುಡು ಉಂತುದೆ. 11‘ಇಲ್ಲ್ ಕಟ್ಟ್‌ನಾಕುಲಾದುಪ್ಪು ನಿಕುಲು ಬೊಡ್ಚಿಂದ್‌ದ್ ಬುಡ್ತಿನ ಕಲ್ಲ್ ಆಯೆನೇ, ಆಯೆನೇ ಮೂಲೆದ ತರೆಕಲ್ಲಾಯೆ.’ 12ಬರೊಡಾಯಿ ರಕ್ಷಣೆ ಏರೆಡ್ದ್‌ಲಾ ತಿಕ್ಕುಜಿ; ಆ ಪುದರ್‌ಡೇ ಅತ್ತಂದೆ ಬಾನದ ತಿರ್ತ್ ಕೊರ್ತಿನ ಬೇತೆ ವಾ ಪುದರ್‌ಡ್ಲಾ ನಂಕ್ ರಕ್ಷಣೆ ಆಪುಜಿ ಅಂದ್‌ದ್ ಪಂಡೆ.”
13ಪೇತ್ರೆ ಬೊಕ್ಕ ಯೋಹಾನೆ ಧೈರ್ಯೊಡು ಪಾತೆರುನೆನ್ ತೂದು ಅಕುಲು ವಿದ್ಯೆ ಇಜ್ಜಂದಿನ ಸದಾರಣದಾಕುಲು ಅಂದ್‌ದ್ ತೆರಿದ್ ಅಚ್ಚಿರ ಆಯೆರ್. ಮೊಕುಲು ಯೇಸುನ ಒಟ್ಟುಗು ಇತ್ತಿನಾಕುಲು ಅಂದ್‌ದ್ ಗುರ್ತ ಪತ್ತಿಯೆರ್. 14ಬೊಕ್ಕ ಗುಣ ಆತಿನಾಯೆ ಅಕ್ಲೆ ಒಟ್ಟುಗು ಉಂತುದುಪ್ಪುನೆನ್ ತೂದು ಎದುರು ಪಾತೆರಂದೆ ಇತ್ತೆರ್. 15ಐಡ್ದ್ ಬೊಕ್ಕ ಸಭೆಡ್ದ್ ಒಂತೆ ಪಿದಯಿ ಪೋಲೆ ಅಂದ್‌ದ್ ಅಕ್ಲೆಗ್ ಅಪ್ಪಣೆ ಕೊರ್ದು, 16“ಮೊಕ್ಲೆನ್ ನಮ ದಾನೆ ಮಲ್ಪುಗ? ಮೊಕುಲು ಈತ್ ಮಲ್ಲ ಕಾರ್ನಿಕೊನು ಮಲ್ತಿನೆಡ್ದ್ ಯೆರೂಸಲೇಮುಡು ಮಾತೆರೆಗ್ಲಾ ಗೊತ್ತಾತ್ತ್ಂಡ್, ಅವು ಆತಿಜಿ ಅಂದ್‌ದ್ ಪನಿಯೆರೆ ಆಪುಜಿ. 17ಆಂಡ ಈ ಪುದರ್ ಜನೊಕುಲೆ ಉಲಯಿ ನನಲಾ ಪರಡಂದಿಲೆಕ್ಕ ದುಂಬಗ್ ಆ ಯೇಸುನ ಪುದರ್‌ನ್ ದೆರ್ತ್ತ್‌ದ್ ನನ ಮಿತ್ತ್ ಏರೆ ಒಟ್ಟುಗುಲಾ ಪಾತೆರಿಯೆರೆ ಬಲ್ಲಿ ಅಂದ್‌ದ್ ಅಕ್ಲೆನ್ ಪೋಡಿಯಾಗ,” ಪಂಡ್ದ್ ಪಂಡೆರ್.
18ಅಕ್ಲೆನ್ ಕುಡ ಉಲಯಿ ಲೆತ್ತ್‌ದ್, ಯೇಸುನ ಪುದರ್‌ಡ್ ದಾಲಾ ಪನಿಯೆರೆ ಬಲ್ಲಿ, ಬೋಧನೆಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ಅಪ್ಪಣೆ ಕೊರಿಯೆರ್. 19ಐಕ್ ಪೇತ್ರೆ ಬೊಕ್ಕ ಯೋಹಾನೆ ಅಕ್ಲೆಗ್, “ಎಂಕುಲು ನಿಕ್ಲೆನ ಪಾತೆರೊನು ಕೇನೊಡಾ ಇಜ್ಜಿಂಡ ದೇವೆರೆ ಪಾತೆರೊನು ಕೇನೊಡಾ? ನೆಟ್ಟ್ ಒವು ದೇವೆರೆಗ್ ಸರಿ ಆದುಂಡು ಅಂದ್‌ದ್ ನಿಕುಲೇ ತೀರ್ಪು ಮಲ್ತೊನ್ಲೆ. 20ಎಂಕುಲು ಎಂಚಲಾ ಮನಿಪಂದೆ ಕುಲ್ಲಯ. ಎಂಕುಲು ತೂಯಿನ ಬೊಕ್ಕ ಕೇಂಡಿನ ಸಂಗತಿಲೆನ್ ಪನೊಡೇ ಆಪುಂಡು,” ಅಂದ್‌ದ್ ಉತ್ತರ ಕೊರಿಯೆರ್. 21ನಡತಿನ ಕಾರ್ಯೊಗಾದ್ ಜನೊಕುಲು ದೇವೆರೆನ್ ಪುಗರೊಂದು ಇತ್ತಿನೆಡ್ದ್ ಅಪೊಸ್ತಲೆರೆಗ್ ನಿಂದನೆ ಮಲ್ಪೆರೆ ಆವಂದೆ ಅಕ್ಲೆನ್ ಪೋಡಿಗಟ್ಟಾದ್ ಬುಡ್ದು ಬುಡಿಯೆರ್. 22ಈ ಮಲ್ಲ ಕಾರ್ನಿಕೊಡ್ದು ಗುಣ ಆಯಿನ ನರಮಾನಿಗ್ ನಲ್ಪ ವರ್ಸೊಡ್ದು ಹೆಚ್ಚ್ ಪ್ರಾಯ ಆದಿತ್ತ್ಂಡ್.
23ಅಕ್ಲೆನ್ ಬುಡಿ ಬೊಕ್ಕ ಅಕುಲು ತನ್ಕುಲೆ ಜನೊಕುಲೆ ಕೈತಲ್‌ಗ್ ಬತ್ತ್‌ದ್ ಪ್ರಧಾನಯಾಜಕೆರ್‌ಲಾ ಹಿರಿಯೆರ್‌ಲಾ ಪನ್ತಿನ ಪ್ರತಿ ಒಂಜಿ ಪಾತೆರೊಲೆನ್ ತೆರಿಪಾಯೆರ್. 24ಅಕುಲು ಕೇಂಡ್ದ್ ಒಂಜೇ ಮನಸಾದ್ ಮಲ್ಲ ಸ್ವರೊಟ್ಟು ದೇವೆರೆಡ ಇಂಚ ನಟ್ಟೊಂಡೆರ್, “ಸರ್ವತ್ರಾಣಿ ಕರ್ತವಾ, ಬಾನೊನು, ಭೂಮಿನ್ ಕಡಲ್‌ನ್ ಐಟ್ಟುಪ್ಪು ಮಾತೆನ್ಲಾ ಉಂಡು ಮಲ್ತಿನಾಯೆನೇ, 25ನಮ ಪಿತೃ ಆದಿತ್ತಿನ ದಾವೀದೆ ನಿನ ಸೇವಕೆ ಪರಿಶುದ್ಧಾತ್ಮೊಡ್ದು ಈ ಪಾತೆರೊಲೆನ್ ಬರೆತೆ. ‘ಪಿದಯಿದ ಜನೊಕುಲು ದಾಯೆಗ್ ಬೊಬ್ಬೆ ಪಾಡುನು? ಈ ದೇಶದ ಜನೊಕುಲು ದಾಯೆಗ್ ವ್ಯರ್ಥಕಾರ್ಯೊಲೆನ್ ಆಲೋಚನೆ ಮಲ್ಪುವೆರ್? 26ಕರ್ತವಗ್ಲಾ ಆಯ ಅಭಿಷೇಕ ಮಲ್ತಿನ ಕ್ರಿಸ್ತಗ್ಲಾ ವಿರೋಧಾದ್ ಭೂಮಿದ ಅರಸುಲು ಲಕ್ಕ್‌ದ್ ಉಂತಿಯೆರ್ ಅಧಿಕಾರಿಲು ಒಟ್ಟುಗು ಕೂಡೊಂಡೆರ್.’ 27ಆ ಪಾತೆರೊಗು ಸರಿಯಾದ್ ಹೆರೋದ ರಾಜೆಲಾ ಪೊಂತ್ಯ ಪಿಲಾತೆಲಾ ಪಿದಯಿದ ಜನೊಕುಲುಲಾ ಇಸ್ರಾಯೇಲ್ ಜನೊಕುಲುಲಾ ಒಟ್ಟಾದ್ ಸೇರ್ದ್ ಈ ಅಭಿಷೇಕ ಮಲ್ತ್‌ದಿನ ನಿನ ಪರಿಶುದ್ಧ ಸೇವಕೆ ಆಯಿ ಯೇಸುನು ವಿರೋಧ ಮಲ್ತಿನಪಗ ಈ ಸಂಗತಿಲು ನಿಜವಾದ್‌ಲಾ ಆದಿತ್ತ್ಂಡ್. 28ನಿನ ಕೈಲಾ ನಿನ ಆಲೋಚನೆಲಾ ದುಂಬು ನೇಮಕ ಮಲ್ತ್‌ದಿನೆನೇ ನಡಪುಡಿಯೆರ್. 29-30ಕರ್ತವಾ ಇತ್ತೆ ಈ ಅಕ್ಲೆನ ಪೋಡಿಯಾಟಿಕೆನ್ ತೂದು ನಿನ ಪರಿಶುದ್ಧ ಸೇವಕೆ ಆದುಪ್ಪು ಯೇಸುನ ಪುದರ್‌ಡ್ ಸೀಕ್‌ಲೆ ಪರಿಹಾರೊನ್ಲಾ ಗುರ್ತೊನ್ಲಾ ಕಾರ್ನಿಕೊಲೆನ್ಲಾ ಉಂಡಾಪಿಲೆಕ್ಕ ನಿನ ಕೈ ನೀಡಿನಲ್ಪ ನಿನ ದಾಸೆರ್ ನಿನ ಪಾತೆರೊಲೆನ್ ಧೈರ್ಯೊಡು ಪನ್ಪಿಲೆಕ್ಕ ಮಲ್ಪುಲ,” ಅಂದ್‌ದ್ ಪಂಡೆರ್.
31ಇಂಚ ಪ್ರಾರ್ಥನೆ ಮಲ್ತಿ ಬೊಕ್ಕ ಅಕುಲು ಸೇರ್ದಿತ್ತಿನ ಜಾಗ್ ಅದ್‌ರ್ಂಡ್, ಅಕುಲು ಮಾತೆರ್ಲಾ ಪರಿಶುದ್ಧಾತ್ಮೊಡು ದಿಂಜಿದ್ ದೇವೆರೆ ಪಾತೆರೊನು ಧೈರ್ಯೊಡು ಪನ್ಪಿನಾಕುಲಾಯೆರ್.
ನಂಬುನಾಕುಲೆಡ್ ಆಸ್ತಿನ್ ಪಟ್ಟುನವು
32ನಂಬುನಾಕುಲೆ ಮಾತೆರೆ ಉಡಲ್‌ಲಾ ಪ್ರಾಣಲಾ ಒಂಜೇ ಆದಿತ್ತ್ಂಡ್. ಒರಿ ಆಂಡಲಾ ಅಕ್ಲೆಡಿತ್ತಿನ ಆಸ್ತಿಡ್ ಒಂಜೆನಾಂಡಲಾ ತನ್ಕುಲೆನ ಅಂದ್‌ದ್ ಪನಂದೆ ಮಾತೆರ್ಲಾ ಅವೆನ್ ಪಟ್ಟೊಂದಿತ್ತೆರ್. 33ಬೊಕ್ಕ ಕರ್ತವೆ ಆದುಪ್ಪು ಯೇಸು ಸೈತ್‌ದ್ ಜೀವಾದ್ ಲಕ್ಕ್‌ದ್ ಬೈದೆ ಅಂದ್‌ದ್ ಅಪೊಸ್ತಲೆರ್ ಬಲವಾದ್ ಸಾಕ್ಷಿ ಪನೊಂದಿತ್ತೆರ್. ದೇವೆರೆ ದಯ ಅಕ್ಲೆ ಮಾತರೆ ಮಿತ್ತ್ ಇತ್ತ್ಂಡ್. 34ಅಕ್ಲೆ ಒಟ್ಟುಗು ಕೊರತೆ ಇತ್ತಿನಾಯೆ ಒರಿಲಾ ಇಜ್ಜಾಂಡ್. ದಾಯೆಗಂದ್ಂಡ ಕಂಡೊಲು ಬೊಕ್ಕ ಇಲ್ಲುಲು ಇತ್ತಿನಾಕುಲು ಮಾತೆರ್ ಅವೆನ್ ಮಾರ್ದ್ 35ಬತ್ತಿ ಕಾಸ್‌ನ್ ಕನತ್‌ದ್ ಅಪೊಸ್ತಲೆರೆನ ಕಾರ್‌ದ ಮುದೆಲ್‌ಡ್ ದೀವೊಂದಿತ್ತೆರ್. ಅವೆನ್ ಪ್ರತಿ ಒರಿಯಗ್ ಆಯಾಯನ ಅಗತ್ಯೊಗು ತಕ್ಕ ಪಟ್ಟ್‌ದ್ ಕೊರೊಂದಿತ್ತೆರ್.
36ಇಂಚೆನೇ ನಂಬುನಾಕುಲೆಡ್ ಕುಪ್ರದ್ವೀಪೊಡು ಪುಟ್ಟಿ ಯೋಸೇಫು ಇನ್ಪಿ ಒರಿ ಲೇವಿ ಇತ್ತೆ, ಅಪೊಸ್ತಲೆರ್ ಆಯನ್ ಬಾರ್ನಬೆ ಅಂದ್ಂಡ ಸಂತೈಸಿಕೆದ ಮಗೆ ಇನ್ಪಿ ಮೇಲ್‌ಪುದರ್ ಪಾಡಿಯೆರ್. 37ಆಯೆ ತನ್ಕ್ ಇತ್ತಿ ಜಾಗ್‌ನ್ ಮಾರ್ದ್ ಬತ್ತಿನ ಕಾಸ್‌ನ್ ದುಕನತ್‌ದ್ ಅಪೊಸ್ತಲೆರೆನ ಕಾರ್‌ದಲ್ಪ ದೀಯೆ.
ప్రస్తుతం ఎంపిక చేయబడింది:
:
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
New Life Literature