Qneepah 17
17
Mrrudu ka Tesaloniki
1Poro ma Siras we mnoda alang Ampitolis, Apollonia ma dehuk Tesaloniki. Ga alang hiya ka sapah pssliyan seediq Yudaya. 2Poro ge, ida so ooda na klaali, mremux sapah pssliyan ma msgeegul 3 sngayan moda Patis Mrtaso msteerung kari mpprengo dheya. 3Ptuura rmengo bale quri Kiristo we ida asi ka mooda mqraqil ma muudus peeyah hnqilan. Kiya de rmengo dungal: “Sgarang mu yamu ka Yesu nii we kika Kiristo.” 4Duma ckceka daha we wada mbahang, kiya de smnegul Poro ma Silas. So kiya uri ka hbaro bale seediq Hellenis kmtama Utux Baro. Hbaro ka dmqedil niqan ngayan uri. 5Kiya de seediq Yudaya we snhuur bale ka lnglungan daha de pssliun daha ka duma naqah bale seediq mbserux ma smalu rahul. Prrudu bale kana seediq alang ka dheya ma mremux sapah Yasun, satang daha adis berah hbaro seediq hiya ka Poro ma Siras. 6Ini daha slai de tlusun daha berah dqbsuran alang ka Yasun ma duma mtswai duma mlawa rmengo: “Prrudu lualang bobo dxeral we gisu hini uri da. 7Dseediq nii we wada pstmaun Yasun. Dheya we tbrinah nkari Kaisar. Kiya de rmnengo niqan 1 dungal qbsuran paru Yesu.” 8Mbahang so kari nii ka hbaro seediq ma dqbsuran alang de asi mbrebur. 9Bobo wada daha ngalun peeyah Yasun ma duma na hiya ka pila pnatis na de wada daha plahun da.
Gmarang Kari Meeniq Beroia
10Kiya de mtswai we asi daha psai Beroia keeman ka Poro ma Silas. Dehuk hiya de mosa sapah pssliyan seediq Yudaya. 11Seediq hini we mgkala seediq Tesaloniki rmabang malu. Kiya de mdrumuc bale maangal kari Utux Baro. Klaali slluhe Patis Mrtaso ma lmngelung kari nii we yaa bale ma uxe bale. 12Maanu so kiya de ckceka daha we niqan snhii ka hbaro daha hiya. Kiya we snhii ka mqedil Hellenis ga daha spruun mita ma hbaro ka rseno uri. 13Pneeyah Tesaloniki ka seediq Yudaya we klaun daha ga gmarang kari Utux Baro meniq Beroia ka Poro de meyah hiya uri pkdudul ma prrudu hbaro seediq. 14Ciida ka mtswai we skguli daha mosa betaq rcilung ka Poro. Ida meeniq Beroia hiya ka Silas ma Timoteos. 15Seediq hmnaduc Poro we desun na Atenay ka heya. Kiya de bobo mnangal nkari Poro de splawa daha nhari ka Silas ma Timoteos meyah Poro hiya. Kiya de mosa sapah da.
Meniq Atenay Ka Poro
16Meniq Atenay tmara Silas ma Timoteos ciida ka Poro we taan na stenge tikung ka alang hiya de mttbeyax ka lhebun na. 17Maanu so kiya de Poro ge, meniq sapah pssliyan hiya we msterung kari mpprengo daha seediq Yudaya ma seediq kmtama Utux Baro, dungal we msterung kari sntrengan na pssliyan seediq hiya. 18Duma daha we pnspuwan Ipikurus ma pnspuwan Stoikos we msterung kari mpprengo daha Poro. Duma daha we rmengo: “Maanu satang mprengo ka uka dungus nii ho?” Duma daha rmengo: “Kiya ba so mpgarang utux qnlhangan icil ka heya.” Ado gnarang Yesu ma kari quri muudus peeyah hnqilan han. 19Kiya de desun daha prngagan Areiospagos ka Poro, rmengo: “Bgurah kari tnugesa su nii we tduwa nami klaun uri ho? 20Ado niqan ka so sklwiun noda su wada nami bhangun. Kmklaun nami maanu ka elu kari nii.” 21Kana seediq Atenay ma seediq mtnooda hiya we ini lngelung ani maanu ooda ka dheya. Wano qmbahang ma rmengo bgurah kari.
22Mheyu ckceka prngagan Areiospagos ka Poro ma rmengo: “Seediq Atenay! Qtaan mu ka yamu we thmuku namu duutux. 23Mkleelu ma sdmhawan mu ka thmkuwan namu ciida we taan mu ka 1 spuhan. Ga spatis hiya we ‘Utux ini klai’. Maanu so ini namu klai ma ga namu thmkuwan nii we ggarang mu yamu saya: 24Utux Baro snmalu karac ma kana ani maanu ckceka bobo dxeral we Bukung karac ma dxeral ka heya. Kiya de ini eniq Sapah Thmkuwan snmalu baga seediq. 25Uxe uri we ini na biqi baga seediq qmeepah ma so hari ini baka ani maanu. Nuuqu heya ka hmeruy knuudus, hengak ma ani maanu sbege na kana seediq. 26Speeyah na 1 seediq smlean ma smalu kana klegan seediq eeniq daha ani inu bobo dxeral. Khenu qmbsyaqan ka ali daha ma betaq inu ka ayus dxeral nniqan daha we pnuglaan na smeung. 27So kiya de igin daha Utux Baro, uxe uri we so klaun daha lmngelung, bale ba we ini ktheya riyung kng1 seediq ka Utux Baro. 28So ka kndesan ta, mlgelu ma eeniq ta bobo dxeral we ida heya ka pusu na bale. Mntena so duma namu mpatis uyas na, rmnengo: ‘Ita we pneyah ta heya meyah uri.’ 29Kiya de pneyah ta heya meyah ka ita de ini ta ngali so qmrequr smnalu king, ging ma btunux mnoda knkela baga ma lnglungan seediq ka hnyegan Utux Baro. 30Utux Baro ge, mngataq ma uka knkela ka seediq ciida we hrnasan na mita. Kiya de saya de smkagul priyux lnglungan seediq peeyah ani inu. 31Ado Utux Baro we sneengan na ka ali spooda seediq pnheyu na ma muyu knsderux lnglungan na psgeegan bobo dxeral. Kiya uri we pkdusun na peeyah hnqilan ma pdehuk na pnukela mege kana seediq.”
32Mnbahang kari quri muudus peeyah hnqilan ka hbaro seediq de phlisan daha ka heya. Rmengo ka seediq dungal: “Bhangi nami dungal ka rrengo su so nii!” 33Maanu so kiya de mlatac peeyah dheya ka Poro. 34Kiya de sqapah heya ma snhii ka duma seediq. Ckceka daha hiya we niqan Damaris kesun ka 1 mqedil ma Dionusios 1 seediq prngagan Areiospagos. Kiya de duma na hiya dungal we niqan ka msuupu dheya snhii uri.
ప్రస్తుతం ఎంపిక చేయబడింది:
Qneepah 17: Stgdaya
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society in Taiwan, 2020
© 台灣聖經公會版權所有，2020
Qneepah 17
17
Mrrudu ka Tesaloniki
1Poro ma Siras we mnoda alang Ampitolis, Apollonia ma dehuk Tesaloniki. Ga alang hiya ka sapah pssliyan seediq Yudaya. 2Poro ge, ida so ooda na klaali, mremux sapah pssliyan ma msgeegul 3 sngayan moda Patis Mrtaso msteerung kari mpprengo dheya. 3Ptuura rmengo bale quri Kiristo we ida asi ka mooda mqraqil ma muudus peeyah hnqilan. Kiya de rmengo dungal: “Sgarang mu yamu ka Yesu nii we kika Kiristo.” 4Duma ckceka daha we wada mbahang, kiya de smnegul Poro ma Silas. So kiya uri ka hbaro bale seediq Hellenis kmtama Utux Baro. Hbaro ka dmqedil niqan ngayan uri. 5Kiya de seediq Yudaya we snhuur bale ka lnglungan daha de pssliun daha ka duma naqah bale seediq mbserux ma smalu rahul. Prrudu bale kana seediq alang ka dheya ma mremux sapah Yasun, satang daha adis berah hbaro seediq hiya ka Poro ma Siras. 6Ini daha slai de tlusun daha berah dqbsuran alang ka Yasun ma duma mtswai duma mlawa rmengo: “Prrudu lualang bobo dxeral we gisu hini uri da. 7Dseediq nii we wada pstmaun Yasun. Dheya we tbrinah nkari Kaisar. Kiya de rmnengo niqan 1 dungal qbsuran paru Yesu.” 8Mbahang so kari nii ka hbaro seediq ma dqbsuran alang de asi mbrebur. 9Bobo wada daha ngalun peeyah Yasun ma duma na hiya ka pila pnatis na de wada daha plahun da.
Gmarang Kari Meeniq Beroia
10Kiya de mtswai we asi daha psai Beroia keeman ka Poro ma Silas. Dehuk hiya de mosa sapah pssliyan seediq Yudaya. 11Seediq hini we mgkala seediq Tesaloniki rmabang malu. Kiya de mdrumuc bale maangal kari Utux Baro. Klaali slluhe Patis Mrtaso ma lmngelung kari nii we yaa bale ma uxe bale. 12Maanu so kiya de ckceka daha we niqan snhii ka hbaro daha hiya. Kiya we snhii ka mqedil Hellenis ga daha spruun mita ma hbaro ka rseno uri. 13Pneeyah Tesaloniki ka seediq Yudaya we klaun daha ga gmarang kari Utux Baro meniq Beroia ka Poro de meyah hiya uri pkdudul ma prrudu hbaro seediq. 14Ciida ka mtswai we skguli daha mosa betaq rcilung ka Poro. Ida meeniq Beroia hiya ka Silas ma Timoteos. 15Seediq hmnaduc Poro we desun na Atenay ka heya. Kiya de bobo mnangal nkari Poro de splawa daha nhari ka Silas ma Timoteos meyah Poro hiya. Kiya de mosa sapah da.
Meniq Atenay Ka Poro
16Meniq Atenay tmara Silas ma Timoteos ciida ka Poro we taan na stenge tikung ka alang hiya de mttbeyax ka lhebun na. 17Maanu so kiya de Poro ge, meniq sapah pssliyan hiya we msterung kari mpprengo daha seediq Yudaya ma seediq kmtama Utux Baro, dungal we msterung kari sntrengan na pssliyan seediq hiya. 18Duma daha we pnspuwan Ipikurus ma pnspuwan Stoikos we msterung kari mpprengo daha Poro. Duma daha we rmengo: “Maanu satang mprengo ka uka dungus nii ho?” Duma daha rmengo: “Kiya ba so mpgarang utux qnlhangan icil ka heya.” Ado gnarang Yesu ma kari quri muudus peeyah hnqilan han. 19Kiya de desun daha prngagan Areiospagos ka Poro, rmengo: “Bgurah kari tnugesa su nii we tduwa nami klaun uri ho? 20Ado niqan ka so sklwiun noda su wada nami bhangun. Kmklaun nami maanu ka elu kari nii.” 21Kana seediq Atenay ma seediq mtnooda hiya we ini lngelung ani maanu ooda ka dheya. Wano qmbahang ma rmengo bgurah kari.
22Mheyu ckceka prngagan Areiospagos ka Poro ma rmengo: “Seediq Atenay! Qtaan mu ka yamu we thmuku namu duutux. 23Mkleelu ma sdmhawan mu ka thmkuwan namu ciida we taan mu ka 1 spuhan. Ga spatis hiya we ‘Utux ini klai’. Maanu so ini namu klai ma ga namu thmkuwan nii we ggarang mu yamu saya: 24Utux Baro snmalu karac ma kana ani maanu ckceka bobo dxeral we Bukung karac ma dxeral ka heya. Kiya de ini eniq Sapah Thmkuwan snmalu baga seediq. 25Uxe uri we ini na biqi baga seediq qmeepah ma so hari ini baka ani maanu. Nuuqu heya ka hmeruy knuudus, hengak ma ani maanu sbege na kana seediq. 26Speeyah na 1 seediq smlean ma smalu kana klegan seediq eeniq daha ani inu bobo dxeral. Khenu qmbsyaqan ka ali daha ma betaq inu ka ayus dxeral nniqan daha we pnuglaan na smeung. 27So kiya de igin daha Utux Baro, uxe uri we so klaun daha lmngelung, bale ba we ini ktheya riyung kng1 seediq ka Utux Baro. 28So ka kndesan ta, mlgelu ma eeniq ta bobo dxeral we ida heya ka pusu na bale. Mntena so duma namu mpatis uyas na, rmnengo: ‘Ita we pneyah ta heya meyah uri.’ 29Kiya de pneyah ta heya meyah ka ita de ini ta ngali so qmrequr smnalu king, ging ma btunux mnoda knkela baga ma lnglungan seediq ka hnyegan Utux Baro. 30Utux Baro ge, mngataq ma uka knkela ka seediq ciida we hrnasan na mita. Kiya de saya de smkagul priyux lnglungan seediq peeyah ani inu. 31Ado Utux Baro we sneengan na ka ali spooda seediq pnheyu na ma muyu knsderux lnglungan na psgeegan bobo dxeral. Kiya uri we pkdusun na peeyah hnqilan ma pdehuk na pnukela mege kana seediq.”
32Mnbahang kari quri muudus peeyah hnqilan ka hbaro seediq de phlisan daha ka heya. Rmengo ka seediq dungal: “Bhangi nami dungal ka rrengo su so nii!” 33Maanu so kiya de mlatac peeyah dheya ka Poro. 34Kiya de sqapah heya ma snhii ka duma seediq. Ckceka daha hiya we niqan Damaris kesun ka 1 mqedil ma Dionusios 1 seediq prngagan Areiospagos. Kiya de duma na hiya dungal we niqan ka msuupu dheya snhii uri.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society in Taiwan, 2020
© 台灣聖經公會版權所有，2020