1 Korinto 4
4
Qnpahan Snkgulan Kiristo
1Ngali nami mpqeepah nKiristo ma mpqlahang lneing Utux Baro na kesa mita ka seediq. 2Pgsaun qbsuran quri mpqlahang sapah we tduwa na stmaan. 3Ani namu smnetur kenan ma ani smetur kenan ka taxa seediq we biciq mu lmngelung ka so nii. Ani yaku we ini ku dehuk smetur yaku nanak uri. 4Ani ku mesa uka ka qnnaqah mu ka yaku nanak we ini ku tduwa mesa uka ka qnquwan noda. Ado mpsgao kenan we Bukung. 5Maanu so kiya de ini dehuk ka ali eeyah Bukung we iya plaale psnetur ani maanu. Bukung we pyahun na ptruura ledax ka mnugleing ga ckceka mnkuung ma pusu lnglungan lhebun daha. Ciida de, tndhuun Utux Baro ka txtaxa heyi.
6Mtswai, ririh yamu ka spaangal mu kenan ma Apollos rmengo ka kana so nii. Kiya de so namu maha smluhe peeyah menan: “Ini tduwa mgkala ga spatis Patis Mrtaso.” Kiya de uxe namu ppsparu, smparu mita nii ma smbiciq mita kiya. 7Ima ka ini pntena sunan? Ga su dooyan we maanu ka uxe su nangal ho? Nasi su wada mnangal de hmuwa su tmdahu isu nanak ma so hari uxe su mnangal ho?
8Tena namu wada mtengi duma tana namu wada mttuku bale da! Ani miyan uka hiya ka yami we wada namu mqbsuran paru nanak da. Nasi namu bale ba wada mqbsuran paru we kika malu. So kiya de ppsuupu miyan yamu mqbsuran paru uri. 9So nii ka lnglungan mu. Utux Baro ge, yami snkgulan we ngalan miyan na truura ba meniq bukuy, mntena naqah seediq niqan qnquwan noda. Ado wada miyan msdmhawan bobo dxeral, snkgulan baro ma seediq ka yami. 10Ririh Kiristo ka mngataq nami. Kiya de meniq namu Kiristo ka yamu de niqan nami knkela. Yami we muuwic, yamu we mbeyax. Yamu we pspruun, yami we ini psprui. 11Ani betaq saya we muure miyan ma mhqeni nami. Kiya de mbberas miyan, sbetun miyan seediq ma uka ka pusu nniqan. 12Mgseme miyan qmeepah baga miyan nanak. Psqaun miyan daha we sbleqan nami. Pqrqilun miyan daha we knremun nami. 13Smngayan dyami ka dheya we biqan miyan malu kari. Betaq saya ka yami we ngalan nami daha qnrutiq seediq bobo dxeral ma sudu qnada peeyah kana ani maanu.
14Wada ku matis so nii we uxe ka pqsiqa yamu. Ngalan maku laqi mu gmaalu ma mseru dmudul yamu. 15Ani namu niqan hbaro mtgesa yamu meniq namu ckceka Kiristo Yesu we ini keegu ka tama namu. Ado meeniq ckceka Kiristo Yesu moda malu kari tmlaqi ku dyamu. 16Maanu so kiya de ddudul maku, puyu kenan. 17Maanu so kiya de wada mu skgulan yamu ka Timoteos. Heya we sgaalu mu ba laqi mu meeniq ckceka Bukung Thlangan ma mtduwa stmaan. Heya ka meyah pgkela yamu. Wada ku huwa mesa qmeepah berah seediq ckceka Kiristo Yesu ma tmgesa ku seediq kana pssliyan ani inu.
18Duma namu we lmngelung, uxe meeyah ita hini ka Poro mesa de psparu da. 19Kiya de nasi smruwa ka Bukung de uxe ku beyo meeyah yamu hiya. Kiya de kmklaun mu we uxe kari psparu seediq, beyax daha. 20Ado qnlhangan Utux Baro we uxe kari ka pusu, beyax ka pusu na. 21Mpkmaanu namu ho? Maadis ku ssebuc meyah yamu hiya ho? Uxe uri we maadis ku gnaalu ma mgseesu lhebun meyah yamu ho?
ప్రస్తుతం ఎంపిక చేయబడింది:
1 Korinto 4: Stgdaya
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Bible Society in Taiwan, 2020
© 台灣聖經公會版權所有，2020