Kututika 7
7
1Nyambi ya Ngula wambile kuli Moshesha ngayi, “Mona, nili na kukwingisha ngo Nyambi kuli Fwalo, kami yayiyobe Aloni ukamba kukwendi kwinga ngo muluwe wobe. 2Tongweza Aloni nimwabyo biya nakutongweze, pe akatongweze Fwalo kwitabilisha bantu ba Ishalela ngayi bafume mu litunga lyendi. 3Ngoboni nikakaluhisha mutima wa Fwalo. Hinge ndi nikatenda byuma byabingi bya kutinisha mu Engepita, Fwalo kukamiyuvwilila wufwako. 4Niho nikaleta kashushwilo kakanene ha litunga lya Engepita na kututwisha matanga a bantu bami, bana ba Ishalela, mu litunga lya Engepita. 5Baengepita mwanga bakalimuke ngayi, Ami Nyambi ya Ngula, oho nikatandubula liboko lyami na kubalwisha, pe nikafumisha bantu ba Ishalela mu litunga lyabo.” 6Niho ba Moshesha na Aloni batendele ngonehe abatongwezele Nyambi ya Ngula. 7Moshesha wekalile na myaka 80, Aloni kami wekalile na myaka 83 oho bambilenga kuli Fwalo.
Muwana wa Aloni
8Nyambi ya Ngula wambile kuli Moshesha na Aloni ngayi, 9“Oho Fwalo ukwamba kukwenu ngayi, ‘lilubululenu enu bamwine na kutenda bikomokesho.’ Tongweza Aloni ngayi, ‘Tola muwana wobe wuwuyumbile hanci ku meho a Fwalo ngayi ufutuke liyoka.’” 10Nohobene Moshesha na Aloni bayile kuli Fwalo pe batendele nehe abatongwezele Nyambi ya Ngula. Aloni wayumbilile muwana wendi hanci kumbili ya Fwalo hamo na babilolo bendi, pe wafutukile liyoka. 11Niho Fwalo ehanine balume bangana bakamalele, pe kami bakamalele ba Baengepita batendele shuma shimo na malele wabo. 12Bayumbile mishako yabo hanci, pe yafutukile mayoka. Ngoboni muwana wa Aloni waminine mishako yabo. 13Hinge noho Fwalo wakaluhishile mutima ngonehe ambile Nyambi ya Ngula, wabulile kuyuvwilila Moshesha na Aloni.
Malwa akwizilila Engepita
Mukeza
14Niho Nyambi ya Ngula ambile kuli Moshesha ngayi, “Mutima wa Fwalo unakaluhu shikuma, unakana kwitabilisha bantu ngayi baye.” 15Nohobene ukaye lumenemene mu kuliwana na Fwalo oho akaya ku mushinzi wa Nayilo, pe ukamutatilile ku shibumbo sha mushinzi. Ukashimbe muwana uya wafutukile liyoka mu liboko lyobe. 16Pe ukambe kuli mwene ngayi, Nyambi ya Ngula, Nyambi ya Bahebelu nantumu kukwobe mu kukutongweza ngayi witabilishe bantu bendi ngayi baye, bakamulemeshele mu libelelengwa. Ngoboni obe nihano kwombatala ufwako. 17#Kuh 16:4.Haya Nyambi ya Ngula ukwamba ngayi, “Naneshe ukalimuka ngayi Ami Nyambi ya Ngula. Oho nikakama muwana ha mema amu Nayilo, pe mema akafutuka mukeza. 18Na zinci zamu mushinzi zikafwa, pe mema akanuka shikuma ngayi Baengepita bakabule kutwesha kukanwawo.”
19Nyambi ya Ngula wambile kuli Moshesha ngayi, “Tongweza Aloni ngayi, Tola muwana wobe wolole liboko lyobe ha mishinzi nimwayo naha malomba naha maziba amu Engepita, mema afutuke mukeza. Pe litunga nimwalyo lya Engepita mukekala mukeza, hinge mu zintesho za bitondo namu zintesho za mamanya.”
20Niho Moshesha na Aloni batendele ngonehe abatongwezele Nyambi ya Ngula. Aloni wolwele liboko lyendi na muwana, wawukamine ha mushinzi wa Nayilo kumbili ya Fwalo na babilolo bendi, pe mema nimwawo afutukile mukeza. 21Nohobene zinci zamu mushinzi wa Nayilo zafwile na mema anukile shibi, pe Baengepita kaliha batweshele kunwa mema amu mushinzi. Mwekalile mukeza mu Engepita nimwamo. 22Ngoboni bakamalele bamu Engepita nanibo kami, batendele noho na malele wabo, hinge noho Fwalo wakaluhishile mutima shikuma. Wakanine kuyuvwilila Moshesha na Aloni, ngonehe eshe ambile Nyambi ya Ngula. 23Ngoboni Fwalo wabokele ku musheke wendi na kubula kutwalako mutima. 24Baengepita nimwabo bakabile mashima a mema akunwa kunkumo ya shibumbo sha mushinzi wa Nayilo ndaba kaliha batweshele kunwa mema amu mushinzi.
25Kwapitile matena mutanu na abili kubalika hayo Nyambi ya Ngula akamine mushinzi wa Nayilo.
ప్రస్తుతం ఎంపిక చేయబడింది:
Kututika 7: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 7
7
1Nyambi ya Ngula wambile kuli Moshesha ngayi, “Mona, nili na kukwingisha ngo Nyambi kuli Fwalo, kami yayiyobe Aloni ukamba kukwendi kwinga ngo muluwe wobe. 2Tongweza Aloni nimwabyo biya nakutongweze, pe akatongweze Fwalo kwitabilisha bantu ba Ishalela ngayi bafume mu litunga lyendi. 3Ngoboni nikakaluhisha mutima wa Fwalo. Hinge ndi nikatenda byuma byabingi bya kutinisha mu Engepita, Fwalo kukamiyuvwilila wufwako. 4Niho nikaleta kashushwilo kakanene ha litunga lya Engepita na kututwisha matanga a bantu bami, bana ba Ishalela, mu litunga lya Engepita. 5Baengepita mwanga bakalimuke ngayi, Ami Nyambi ya Ngula, oho nikatandubula liboko lyami na kubalwisha, pe nikafumisha bantu ba Ishalela mu litunga lyabo.” 6Niho ba Moshesha na Aloni batendele ngonehe abatongwezele Nyambi ya Ngula. 7Moshesha wekalile na myaka 80, Aloni kami wekalile na myaka 83 oho bambilenga kuli Fwalo.
Muwana wa Aloni
8Nyambi ya Ngula wambile kuli Moshesha na Aloni ngayi, 9“Oho Fwalo ukwamba kukwenu ngayi, ‘lilubululenu enu bamwine na kutenda bikomokesho.’ Tongweza Aloni ngayi, ‘Tola muwana wobe wuwuyumbile hanci ku meho a Fwalo ngayi ufutuke liyoka.’” 10Nohobene Moshesha na Aloni bayile kuli Fwalo pe batendele nehe abatongwezele Nyambi ya Ngula. Aloni wayumbilile muwana wendi hanci kumbili ya Fwalo hamo na babilolo bendi, pe wafutukile liyoka. 11Niho Fwalo ehanine balume bangana bakamalele, pe kami bakamalele ba Baengepita batendele shuma shimo na malele wabo. 12Bayumbile mishako yabo hanci, pe yafutukile mayoka. Ngoboni muwana wa Aloni waminine mishako yabo. 13Hinge noho Fwalo wakaluhishile mutima ngonehe ambile Nyambi ya Ngula, wabulile kuyuvwilila Moshesha na Aloni.
Malwa akwizilila Engepita
Mukeza
14Niho Nyambi ya Ngula ambile kuli Moshesha ngayi, “Mutima wa Fwalo unakaluhu shikuma, unakana kwitabilisha bantu ngayi baye.” 15Nohobene ukaye lumenemene mu kuliwana na Fwalo oho akaya ku mushinzi wa Nayilo, pe ukamutatilile ku shibumbo sha mushinzi. Ukashimbe muwana uya wafutukile liyoka mu liboko lyobe. 16Pe ukambe kuli mwene ngayi, Nyambi ya Ngula, Nyambi ya Bahebelu nantumu kukwobe mu kukutongweza ngayi witabilishe bantu bendi ngayi baye, bakamulemeshele mu libelelengwa. Ngoboni obe nihano kwombatala ufwako. 17#Kuh 16:4.Haya Nyambi ya Ngula ukwamba ngayi, “Naneshe ukalimuka ngayi Ami Nyambi ya Ngula. Oho nikakama muwana ha mema amu Nayilo, pe mema akafutuka mukeza. 18Na zinci zamu mushinzi zikafwa, pe mema akanuka shikuma ngayi Baengepita bakabule kutwesha kukanwawo.”
19Nyambi ya Ngula wambile kuli Moshesha ngayi, “Tongweza Aloni ngayi, Tola muwana wobe wolole liboko lyobe ha mishinzi nimwayo naha malomba naha maziba amu Engepita, mema afutuke mukeza. Pe litunga nimwalyo lya Engepita mukekala mukeza, hinge mu zintesho za bitondo namu zintesho za mamanya.”
20Niho Moshesha na Aloni batendele ngonehe abatongwezele Nyambi ya Ngula. Aloni wolwele liboko lyendi na muwana, wawukamine ha mushinzi wa Nayilo kumbili ya Fwalo na babilolo bendi, pe mema nimwawo afutukile mukeza. 21Nohobene zinci zamu mushinzi wa Nayilo zafwile na mema anukile shibi, pe Baengepita kaliha batweshele kunwa mema amu mushinzi. Mwekalile mukeza mu Engepita nimwamo. 22Ngoboni bakamalele bamu Engepita nanibo kami, batendele noho na malele wabo, hinge noho Fwalo wakaluhishile mutima shikuma. Wakanine kuyuvwilila Moshesha na Aloni, ngonehe eshe ambile Nyambi ya Ngula. 23Ngoboni Fwalo wabokele ku musheke wendi na kubula kutwalako mutima. 24Baengepita nimwabo bakabile mashima a mema akunwa kunkumo ya shibumbo sha mushinzi wa Nayilo ndaba kaliha batweshele kunwa mema amu mushinzi.
25Kwapitile matena mutanu na abili kubalika hayo Nyambi ya Ngula akamine mushinzi wa Nayilo.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.