Kututika 40
40
Kwimika na kufungwila Ntanda ya Shikungulukilo
1Nyambi ya Ngula wambile kuli Moshesha ngayi, 2“Ha mutena wakutatika ku ngonda wakutatika, ukemike Ntanda ya Shikungulukilo. 3Pe ukayakemo Likwati lya Kulimama omu muli matapa a wupaki na kuyaka shibaamba kumbili yalyo. 4Ukengize kami tebulu mukati na kuyakaho byuma byayo. Ukalete kami lyeyeko lya mimuni na kuyakaho mimuni. 5Ukayake kaala ka ngolinde kakuhokeshela incence kumbili ya Likwati lya Kulimama Likwati lya Kulimama lya wupaki na kuyaka mu wumbo ku menginino a ntanda. 6Ukayake kami kaala kakuhokeshela zinkombela kumbili ya ntanda. 7Ukayake kami lizawo mukati ka ntanda na kaala na kwinzalishamo mema. 8Ukazingwilisheko shipango na kukoleka mu wumbo ku menginino a shipango.
9“Niho ukawabishe ntanda na mazi ashizila na byuma nimwabyo bilimo mu kuyizilika, niyo yikenga ya kuyela. 10Niho kami ukawabishe kaala kakuhokeshela zinkombela na byuma byako nimwabyo, mu kukazilika, niko kakenga ka kuyela. 11Ukazilike na kuwabisha lizawo na kapona kalyo mu nzila yimo.
12“Niho ukahenyeshele Aloni na bana bendi ku menginino a ntanda na kubayowesha na mema. 13Ukavwalike Aloni bivwalo bya mukankombela na kumuwabisha mazi ashizila akumuzilika ngayi mwanga akatweshe kuntendelanga kwinga mukankombela. 14Niho ukahenyesheleko kami bana bendi, pe ukabavwalike bikobelo. 15Ukabawabishe ngonehe shiya wawabisha tatiyabo ngayi mwanga batweshe kukantendelanga kwinga Bakankombela. Kuwabishiwa okwe kukabengisha Bakankombela ku bihemunwino byabo nimwabyo.”
16Moshesha watendele byuma nimwabyo ngonehe eshe Nyambi ya Ngula amutongwezele. 17Nohobene ha mutena wakutatika wa ngonda wakutatika wa mwaka wawubili oho bafumakale mu Engepita, Ntanda ya Shikungulukilo yemikiwile. 18Moshesha wayakile tupona twayo hanci, wemikile maleenge wayo mu tupona. Wakwatishile mikambo yayo, pe wemikile zimpangwa zayo. 19Niho atandubwile bya kufwika hayilu ya ntanda, pe wayakileho bya kufwika ha munkanda hayilu yayo ngonehe eshe Nyambi ya Ngula amutongwezele. 20Niho Moshesha ashimbile matapa abili a limanya a wupaki wawayakile mu Likwati lya Kulimama. Wahomekele mibanda mu mahuzi a Likwati, pe wafwikileho muhuko wa nceshe. 21Niho ayakile Likwati mu ntanda, wakolekele shibaamba sha kulama Likwati. Eshe nisho akowezele Likwati lya Kulimama lya wupaki ngonehe eshe amutongwezele Nyambi ya Ngula.
22Pe Moshesha wayakile tebulu mu ntanda, ku mbalila yaku ncelele ha munkanda wa shibaamba, 23wayakileho mankende akutupula, ngonehe eshe amutongwezele Nyambi ya Ngula. 24Niho ayakile lyeyeko lya mimuni mu ntanda kuliyahikiza na tebulu, kumbalila yaku mabukubuku a ntanda. 25Pe kuyo wabangizile mimuni ngonehe eshe amutongwezele Nyambi ya Ngula. 26Wayakile kaala ka ngolinde mu ntanda kumbili ya shibaamba, 27wahokeshele incence ya livumba lyaliwahe ngonehe eshe amutongwezele Nyambi ya Ngula. 28Niho akolekele mu wumbo waku menginino a ntanda, 29Pe wayakileko kaala kakuhokeshela zinkombela kumbili ya mu wumbo waku menginino a ntanda. Niho akombelelele nkombela ya kuhokesha hahasho na ntupu ya mpeka, ngonehe eshe amutongwezele Nyambi ya Ngula. 30Pe wayakile kami lizawo mukati ka ntanda na kaala, kami wenzalishilemo mema. 31Moshesha na Aloni na bana bendi bayowelelenga ku maboko wabo naku mawulu, 32shikati nimwasho oho bengininenga mu ntanda, hinge kuhenyena ku kaala, bayowelelengamo ngonehe Nyambi ya Ngula atongwezele Moshesha. 33Pe Moshesha wemikile shipango sha kuzingwilisha ntanda na kaala na kukoleka shibaamba ku menginino a shipango. Nohobene wamanishile mulimo nimwawo.
Likumbi lya hayilu ya Ntanda ya Shikungulukilo
(Kulaba 9:15-23)
34 #
1Bamy 8:10-11; Isha 6:4; Ezek 43:4, 5; Kuh 15:8. Likumbi lyafwikile Ntanda ya Shikungulukilo, pe wuwahe wa Nyambi ya Ngula wenzalishile Ntanda. 35Moshesha kaliha watweshele kwingina mu ntanda ya shikungulukilo, ndaba ya likumbi lyekalile hayilu ya ntanda na maleema aku meho a Nyambi ya Ngula enzalishile ntanda. 36Baishalela batuntwilenga munkungwa wabo na kuya kumbalila yamina ndi banamono ngayi likumbi linafumu ha ntanda. 37Ngoboni ndi likumbi kufumaho lifwako, kaliha batweshele kutuntuka na kuya kumbili, batatililenga hantu likumbi linafumuho. 38Hakwenda kwa ku yambangila kwabo nimwako, batweshele ku mona likumbi lya Nyambi ya Ngula hayilu ya ntanda kubikati bya mwaana, pe mundilo wabangilenga hayilu yayo kubikati bya wushiku.
ప్రస్తుతం ఎంపిక చేయబడింది:
Kututika 40: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 40
40
Kwimika na kufungwila Ntanda ya Shikungulukilo
1Nyambi ya Ngula wambile kuli Moshesha ngayi, 2“Ha mutena wakutatika ku ngonda wakutatika, ukemike Ntanda ya Shikungulukilo. 3Pe ukayakemo Likwati lya Kulimama omu muli matapa a wupaki na kuyaka shibaamba kumbili yalyo. 4Ukengize kami tebulu mukati na kuyakaho byuma byayo. Ukalete kami lyeyeko lya mimuni na kuyakaho mimuni. 5Ukayake kaala ka ngolinde kakuhokeshela incence kumbili ya Likwati lya Kulimama Likwati lya Kulimama lya wupaki na kuyaka mu wumbo ku menginino a ntanda. 6Ukayake kami kaala kakuhokeshela zinkombela kumbili ya ntanda. 7Ukayake kami lizawo mukati ka ntanda na kaala na kwinzalishamo mema. 8Ukazingwilisheko shipango na kukoleka mu wumbo ku menginino a shipango.
9“Niho ukawabishe ntanda na mazi ashizila na byuma nimwabyo bilimo mu kuyizilika, niyo yikenga ya kuyela. 10Niho kami ukawabishe kaala kakuhokeshela zinkombela na byuma byako nimwabyo, mu kukazilika, niko kakenga ka kuyela. 11Ukazilike na kuwabisha lizawo na kapona kalyo mu nzila yimo.
12“Niho ukahenyeshele Aloni na bana bendi ku menginino a ntanda na kubayowesha na mema. 13Ukavwalike Aloni bivwalo bya mukankombela na kumuwabisha mazi ashizila akumuzilika ngayi mwanga akatweshe kuntendelanga kwinga mukankombela. 14Niho ukahenyesheleko kami bana bendi, pe ukabavwalike bikobelo. 15Ukabawabishe ngonehe shiya wawabisha tatiyabo ngayi mwanga batweshe kukantendelanga kwinga Bakankombela. Kuwabishiwa okwe kukabengisha Bakankombela ku bihemunwino byabo nimwabyo.”
16Moshesha watendele byuma nimwabyo ngonehe eshe Nyambi ya Ngula amutongwezele. 17Nohobene ha mutena wakutatika wa ngonda wakutatika wa mwaka wawubili oho bafumakale mu Engepita, Ntanda ya Shikungulukilo yemikiwile. 18Moshesha wayakile tupona twayo hanci, wemikile maleenge wayo mu tupona. Wakwatishile mikambo yayo, pe wemikile zimpangwa zayo. 19Niho atandubwile bya kufwika hayilu ya ntanda, pe wayakileho bya kufwika ha munkanda hayilu yayo ngonehe eshe Nyambi ya Ngula amutongwezele. 20Niho Moshesha ashimbile matapa abili a limanya a wupaki wawayakile mu Likwati lya Kulimama. Wahomekele mibanda mu mahuzi a Likwati, pe wafwikileho muhuko wa nceshe. 21Niho ayakile Likwati mu ntanda, wakolekele shibaamba sha kulama Likwati. Eshe nisho akowezele Likwati lya Kulimama lya wupaki ngonehe eshe amutongwezele Nyambi ya Ngula.
22Pe Moshesha wayakile tebulu mu ntanda, ku mbalila yaku ncelele ha munkanda wa shibaamba, 23wayakileho mankende akutupula, ngonehe eshe amutongwezele Nyambi ya Ngula. 24Niho ayakile lyeyeko lya mimuni mu ntanda kuliyahikiza na tebulu, kumbalila yaku mabukubuku a ntanda. 25Pe kuyo wabangizile mimuni ngonehe eshe amutongwezele Nyambi ya Ngula. 26Wayakile kaala ka ngolinde mu ntanda kumbili ya shibaamba, 27wahokeshele incence ya livumba lyaliwahe ngonehe eshe amutongwezele Nyambi ya Ngula. 28Niho akolekele mu wumbo waku menginino a ntanda, 29Pe wayakileko kaala kakuhokeshela zinkombela kumbili ya mu wumbo waku menginino a ntanda. Niho akombelelele nkombela ya kuhokesha hahasho na ntupu ya mpeka, ngonehe eshe amutongwezele Nyambi ya Ngula. 30Pe wayakile kami lizawo mukati ka ntanda na kaala, kami wenzalishilemo mema. 31Moshesha na Aloni na bana bendi bayowelelenga ku maboko wabo naku mawulu, 32shikati nimwasho oho bengininenga mu ntanda, hinge kuhenyena ku kaala, bayowelelengamo ngonehe Nyambi ya Ngula atongwezele Moshesha. 33Pe Moshesha wemikile shipango sha kuzingwilisha ntanda na kaala na kukoleka shibaamba ku menginino a shipango. Nohobene wamanishile mulimo nimwawo.
Likumbi lya hayilu ya Ntanda ya Shikungulukilo
(Kulaba 9:15-23)
34 #
1Bamy 8:10-11; Isha 6:4; Ezek 43:4, 5; Kuh 15:8. Likumbi lyafwikile Ntanda ya Shikungulukilo, pe wuwahe wa Nyambi ya Ngula wenzalishile Ntanda. 35Moshesha kaliha watweshele kwingina mu ntanda ya shikungulukilo, ndaba ya likumbi lyekalile hayilu ya ntanda na maleema aku meho a Nyambi ya Ngula enzalishile ntanda. 36Baishalela batuntwilenga munkungwa wabo na kuya kumbalila yamina ndi banamono ngayi likumbi linafumu ha ntanda. 37Ngoboni ndi likumbi kufumaho lifwako, kaliha batweshele kutuntuka na kuya kumbili, batatililenga hantu likumbi linafumuho. 38Hakwenda kwa ku yambangila kwabo nimwako, batweshele ku mona likumbi lya Nyambi ya Ngula hayilu ya ntanda kubikati bya mwaana, pe mundilo wabangilenga hayilu yayo kubikati bya wushiku.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.