Kututika 19
19
Baishalela ku lipili lya Shinayi
1Ha mutena wakutatika wa ngonda wawuhatu oho Baishalela bafumakale mu Engepita, ha mutena uyabene bakakuminine mu libelelengwa lya Shinayi. 2Pe oho bafumine ku Lefwindima, bezile na kutendela munkungwa wabo ku nceto ya lipili lya Shinayi. 3Niho Moshesha akandamine ku lipili mu kuliwana na Nyambi.
Pe Nyambi ya Ngula wamwihaninine ku lipili, wamutongwezele kwamba ku Baishalela bazukulya Yakobo ngayi, 4“Mwamonene eshe natendele ku Baengepita naneshe namishimbile ngonehe ngonga ashimbanga bana bendi ha mbando zendi na kumileta kukwami. 5#Nday 4:20; 7:6; 14:2; 26:18; Tai 2:14. #1Pita 2:9.Haya ndi mu kunyombatala na kulama kulimama kwami, pe mukenga bantu bami. Hanci nimwaho henga hami, ngoboni enu mukenga bantu bami ba kuhatiwa. 6Pe mukenga mukoka wa bakankombela na bantu ba kuhatiwa kukwami tuhu ninkayami. Awa niwo mazu ukapana ku bantu ba Ishalela.” 7Nohobene Moshesha wakunkulukile ku nceto ya lipili, pe wehanine bakulwane hamo. Wabatongwezele byuma nimwabyo biya amutongwezele Nyambi ya Ngula. 8Niho bantu nimwabo bakumbwile hamo ngayi, “Tukatenda byuma nimwabyo biya anamba Nyambi ya Ngula.” Moshesha kami wabweshele mazu a bantu kuli Nyambi ya Ngula.
9Nyambi ya Ngula wambile kuli Moshesha ngayi, “Nikeza kukwobe mu likumbi lyaliliti, ngayi mwanga bantu bakayuvwe eshe nikwamba na nobe, mwanga bakakulupile kukwobe kubalika lelo na kumbili.”
Niho Moshesha atongwezele Nyambi ya Ngula ebye bakumbwile bantu, 10Nyambi ya Ngula wambile kukwendi ngayi, “Yanga ku bantu ukabatongweze ngayi bonze tuhu lelo na nzona baliyeleshe nibo bamwine ha kulemesha. Baku fwanina kuyowesha bivwalo byabo, 11pe baliwahishile bya nzuzi. Ha mutena uyo, nikashulukila ha lipili lya Shinayi, oku bantu nimwabo bakatwesha ku mona. 12#Bah 12:18-20.Obe kami ukafundile bantu shifunda sha kuzingwilisha lipili ngayi bantu hinga bakakiluka shifunda. Pe ukabatongweze ngayi hinga bakandama ha lipili, hinge kukuntula kunkumo yalyo, Nimwendi ukakuntulako liwulu ukazihiwa, 13ukafwanina kupuhiwa mamanya hinge kuyahiwa na mivwi, ngoboni muntu hinga amukwata na maboko. Eshe shikakundama ku bantu hinge ku bimuna, ba ku fwanina kupuhiwa mamanya ngayi bafwe. Ngoboni oho mpandula yashibiwakale, nihoboni bantu bakakandame ku lipili.” 14Niho Moshesha akunkulukile ku nceto ya lipili na kutongweza bantu ngayi baliwahishile shilumweza ha kulemesha. Nohobene bayoweshele bivwalo byabo, 15kami Moshesha wabatongwezele ngayi, “Liwahishilenu ku mutena wa nzuzi mwinge ntapa malili na bambuyama ku matena a shikati eshe.”
16 #
Kuh 4:5. #
Nday 4:11-12. Ha mutena wawuhatu ku lumenemene kwekalile mishika na kumwesha ha lipili na likumbi lyaliliti lyaholokele hayilu ya lipili, pe mungunina wakutendoka shikuma wa mpandula wayuvwanikile. Bantu nimwabo bekalile mu munkungwa bakankile shikuma. 17Niho Moshesha atutwishile bantu ha munkanda wa munkungwa ngayi mwanga bakashimbawile Nyambi, pe bemanine ku nceto ya lipili. 18Lipili nimwalyo lya Shinayi lyafwikiwile na wishe, ndaba Nyambi ya Ngula washulukile hayilu yalyo mu mundilo. Kami wishe walyo wakandaminenga ngo wishe waku ngaanze, pe lipili nimwalyo lyakankile shikuma. 19Kami mungunina wa mpandula watendokele shikuma kupitakana. Niho Moshesha ambile, pe Nyambi wamukumbwile na mushika. 20Nyambi ya Ngula washulukile hayilu ya lipili lya Shinayi, niho ehanine Moshesha hayilu ya lipili. Pe Moshesha wakandamine. 21Niho Nyambi ya Ngula ambile kukwendi ngayi, “Kunkulukila hanci pe ushiwulule bantu ngayi hinga bakiluka shifunda kwiza na kumpenza, ndi ba kutenda noho pe wingi wabo ba kufwa. 22Hinge bakankombela, aba bezanga kwakwipi na nami, ba ku fwanina kuliyelesha nibo bamwine, ndelewa nikabashushula.”
23Niho Moshesha ambile kuli Nyambi ya Ngula ngayi, “Bantu kutwesha kukandamako ku lipili lya Shinayi bafwako, ndaba watutongwezele ngayi, fundilenu lipili na kulizilika ngayi linge lya shizila.”
24Nyambi ya Ngula wakumbwile ngayi, “Kunkuluka ukalete Aloni. Ngoboni bakankombela na bantu kaliha ba ku fwanina kukiluka shifunda kwiza kukwami, ndelewa nikubashushula.” 25Nohobene Moshesha wakunkulukilile ku bantu na kubatongweza eshe ambile Nyambi ya Ngula.
ప్రస్తుతం ఎంపిక చేయబడింది:
Kututika 19: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 19
19
Baishalela ku lipili lya Shinayi
1Ha mutena wakutatika wa ngonda wawuhatu oho Baishalela bafumakale mu Engepita, ha mutena uyabene bakakuminine mu libelelengwa lya Shinayi. 2Pe oho bafumine ku Lefwindima, bezile na kutendela munkungwa wabo ku nceto ya lipili lya Shinayi. 3Niho Moshesha akandamine ku lipili mu kuliwana na Nyambi.
Pe Nyambi ya Ngula wamwihaninine ku lipili, wamutongwezele kwamba ku Baishalela bazukulya Yakobo ngayi, 4“Mwamonene eshe natendele ku Baengepita naneshe namishimbile ngonehe ngonga ashimbanga bana bendi ha mbando zendi na kumileta kukwami. 5#Nday 4:20; 7:6; 14:2; 26:18; Tai 2:14. #1Pita 2:9.Haya ndi mu kunyombatala na kulama kulimama kwami, pe mukenga bantu bami. Hanci nimwaho henga hami, ngoboni enu mukenga bantu bami ba kuhatiwa. 6Pe mukenga mukoka wa bakankombela na bantu ba kuhatiwa kukwami tuhu ninkayami. Awa niwo mazu ukapana ku bantu ba Ishalela.” 7Nohobene Moshesha wakunkulukile ku nceto ya lipili, pe wehanine bakulwane hamo. Wabatongwezele byuma nimwabyo biya amutongwezele Nyambi ya Ngula. 8Niho bantu nimwabo bakumbwile hamo ngayi, “Tukatenda byuma nimwabyo biya anamba Nyambi ya Ngula.” Moshesha kami wabweshele mazu a bantu kuli Nyambi ya Ngula.
9Nyambi ya Ngula wambile kuli Moshesha ngayi, “Nikeza kukwobe mu likumbi lyaliliti, ngayi mwanga bantu bakayuvwe eshe nikwamba na nobe, mwanga bakakulupile kukwobe kubalika lelo na kumbili.”
Niho Moshesha atongwezele Nyambi ya Ngula ebye bakumbwile bantu, 10Nyambi ya Ngula wambile kukwendi ngayi, “Yanga ku bantu ukabatongweze ngayi bonze tuhu lelo na nzona baliyeleshe nibo bamwine ha kulemesha. Baku fwanina kuyowesha bivwalo byabo, 11pe baliwahishile bya nzuzi. Ha mutena uyo, nikashulukila ha lipili lya Shinayi, oku bantu nimwabo bakatwesha ku mona. 12#Bah 12:18-20.Obe kami ukafundile bantu shifunda sha kuzingwilisha lipili ngayi bantu hinga bakakiluka shifunda. Pe ukabatongweze ngayi hinga bakandama ha lipili, hinge kukuntula kunkumo yalyo, Nimwendi ukakuntulako liwulu ukazihiwa, 13ukafwanina kupuhiwa mamanya hinge kuyahiwa na mivwi, ngoboni muntu hinga amukwata na maboko. Eshe shikakundama ku bantu hinge ku bimuna, ba ku fwanina kupuhiwa mamanya ngayi bafwe. Ngoboni oho mpandula yashibiwakale, nihoboni bantu bakakandame ku lipili.” 14Niho Moshesha akunkulukile ku nceto ya lipili na kutongweza bantu ngayi baliwahishile shilumweza ha kulemesha. Nohobene bayoweshele bivwalo byabo, 15kami Moshesha wabatongwezele ngayi, “Liwahishilenu ku mutena wa nzuzi mwinge ntapa malili na bambuyama ku matena a shikati eshe.”
16 #
Kuh 4:5. #
Nday 4:11-12. Ha mutena wawuhatu ku lumenemene kwekalile mishika na kumwesha ha lipili na likumbi lyaliliti lyaholokele hayilu ya lipili, pe mungunina wakutendoka shikuma wa mpandula wayuvwanikile. Bantu nimwabo bekalile mu munkungwa bakankile shikuma. 17Niho Moshesha atutwishile bantu ha munkanda wa munkungwa ngayi mwanga bakashimbawile Nyambi, pe bemanine ku nceto ya lipili. 18Lipili nimwalyo lya Shinayi lyafwikiwile na wishe, ndaba Nyambi ya Ngula washulukile hayilu yalyo mu mundilo. Kami wishe walyo wakandaminenga ngo wishe waku ngaanze, pe lipili nimwalyo lyakankile shikuma. 19Kami mungunina wa mpandula watendokele shikuma kupitakana. Niho Moshesha ambile, pe Nyambi wamukumbwile na mushika. 20Nyambi ya Ngula washulukile hayilu ya lipili lya Shinayi, niho ehanine Moshesha hayilu ya lipili. Pe Moshesha wakandamine. 21Niho Nyambi ya Ngula ambile kukwendi ngayi, “Kunkulukila hanci pe ushiwulule bantu ngayi hinga bakiluka shifunda kwiza na kumpenza, ndi ba kutenda noho pe wingi wabo ba kufwa. 22Hinge bakankombela, aba bezanga kwakwipi na nami, ba ku fwanina kuliyelesha nibo bamwine, ndelewa nikabashushula.”
23Niho Moshesha ambile kuli Nyambi ya Ngula ngayi, “Bantu kutwesha kukandamako ku lipili lya Shinayi bafwako, ndaba watutongwezele ngayi, fundilenu lipili na kulizilika ngayi linge lya shizila.”
24Nyambi ya Ngula wakumbwile ngayi, “Kunkuluka ukalete Aloni. Ngoboni bakankombela na bantu kaliha ba ku fwanina kukiluka shifunda kwiza kukwami, ndelewa nikubashushula.” 25Nohobene Moshesha wakunkulukilile ku bantu na kubatongweza eshe ambile Nyambi ya Ngula.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.