Kututika 1
1
Baishalela bakwikalishiwa na nguma mu Engepita
1 #
Shit 46:8-27. Awa niwo mazina a bana ba Yakobo babalume aba bayile nendi ku Engepita, muntu na muntu na ba lupashi lwendi. 2Bengile ba Lubena na Shimiyoni na Levi na Yunda, 3na Ishaka na Zembuloni na Mbenjamani, 4na Ndani na Nafwitali na Ngandi na Asha. 5#Mil 7:14-18. Bantu nimwabo aba batutikile kuli Yakobo bengile makumi mutanu na abili, oho mwanendi Yoshefwa ukali mu Engepita. 6Oho kwapitile shikati Yoshefwa wafwile na bayayizendi nimwabo kami bafwile na baya ba shihemwinino shiyo bafwile. 7#Mil 7:17. Ngoboni bazukulya Baishalela bahemunwine pe bavulile mu Engepita na kwikala na ngovu shikuma.
8 #
Mil 7:18. Oho mwene wamupya, ou wabulile kulimuka Yoshefwa ekalile ha litanda mu Engepita. 9Wambile ku bantu bendi ngayi, “Monenu aba bantu ba Ishalela, batuvulilakale shikuma na kwikala na ngovu, pe ngovu zabo zinatupitakana. 10#Mil 7:19. Haya yuvwenu, tuku fwanina kutenda nabo na kukeya kubakanisha kuvula. Hamina kukekala nzita bakatwesha kulifungila na bamalamo betu ngayi mwanga batulwishe na ku shila mu litunga. Pe haya tunafwanini kuwana nzila ya kubakanisha kuhanya.” 11Nohobene Baengepita bemikile bakakubayandisha na kukolesha myoyo yabo na milimo yayikalu. Baishalela batendele minzi yayinene ya Pitomi na Lamashishi kwinga minzi ya Fwalo ya kukongela byuma. 12Ngoboni hinge ndi Baishalela bayandishiwilenga nibo kami bapitakanine na kuhanyina mu litunga nimwalyo. Pe Baengepita batatikile kwikala na bowa ku Baishalela. 13Nohobene Baengepita bekalishile Baishalela na shilala na nguma, 14na kubakandamika kutenda milimo ya wulungo. Babatendeshele milimo ya mashintina na ya kuzika matala na ya mafuba, kami babulile kubayuvwila nceshe.
15Niho mwene wa mu Engepita ambile ku bamboshwa babili, ba Shifwila na Puwa, aba bayavwilenga bambuyama ba Bahebelu ha kubeleka ngayi, 16“Oho mu kuyavwa bambuyama ba Bahebelu ha kubeleka, ndi mbututu nengi wa mulume pe muzihenu, ngoboni ndi nengi wa mbuyama pe mulehenu ayoye.” 17Ngoboni bamboshwa bengile bakakutina Nyambi pe kaliha bombatalile mwene waku Engepita, balehele bana babalume ngayi bayoye. 18Nohobene mwene wa Engepita wehanine bamboshwa, pe wabepwile ngayi, “Kati shumangani mu kutendela nehe? Kati shumangani mu kulehela bana babalume ngayi bayoye?”
19Bamboshwa bakumbwile Fwalo ngayi, “Ndaba bambuyama ba Bahebelu kaliha ngonehe bambuyama ba Baengepita, ndaba nibo babelekanga shawangu. Oho tuhu tukukumako kuwana bambututu babo bahemuwakale.” 20Nohobene Nyambi watendele shiwahe kukwabo. Pe Baishalela bahanyine na kwikala na ngovu. 21Ndaba bamboshwa batinine Nyambi, pe Nyambi watendele shiwahe kukwabo, niho abapanine luhemo. 22#Mil 7:19. Niho Fwalo atongwezele bantu bendi nimwabo ngayi, “Nimwendi mwana wa mulume ou ukuhemuwa ku Bahebelu mukatulenu, mukamuyumbile mu mushinzi wa Nayilo, ngoboni bana nimwabo ba bambuyama muka balehe ngayi bayoye.”
ప్రస్తుతం ఎంపిక చేయబడింది:
Kututika 1: LLK
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.
Kututika 1
1
Baishalela bakwikalishiwa na nguma mu Engepita
1 #
Shit 46:8-27. Awa niwo mazina a bana ba Yakobo babalume aba bayile nendi ku Engepita, muntu na muntu na ba lupashi lwendi. 2Bengile ba Lubena na Shimiyoni na Levi na Yunda, 3na Ishaka na Zembuloni na Mbenjamani, 4na Ndani na Nafwitali na Ngandi na Asha. 5#Mil 7:14-18. Bantu nimwabo aba batutikile kuli Yakobo bengile makumi mutanu na abili, oho mwanendi Yoshefwa ukali mu Engepita. 6Oho kwapitile shikati Yoshefwa wafwile na bayayizendi nimwabo kami bafwile na baya ba shihemwinino shiyo bafwile. 7#Mil 7:17. Ngoboni bazukulya Baishalela bahemunwine pe bavulile mu Engepita na kwikala na ngovu shikuma.
8 #
Mil 7:18. Oho mwene wamupya, ou wabulile kulimuka Yoshefwa ekalile ha litanda mu Engepita. 9Wambile ku bantu bendi ngayi, “Monenu aba bantu ba Ishalela, batuvulilakale shikuma na kwikala na ngovu, pe ngovu zabo zinatupitakana. 10#Mil 7:19. Haya yuvwenu, tuku fwanina kutenda nabo na kukeya kubakanisha kuvula. Hamina kukekala nzita bakatwesha kulifungila na bamalamo betu ngayi mwanga batulwishe na ku shila mu litunga. Pe haya tunafwanini kuwana nzila ya kubakanisha kuhanya.” 11Nohobene Baengepita bemikile bakakubayandisha na kukolesha myoyo yabo na milimo yayikalu. Baishalela batendele minzi yayinene ya Pitomi na Lamashishi kwinga minzi ya Fwalo ya kukongela byuma. 12Ngoboni hinge ndi Baishalela bayandishiwilenga nibo kami bapitakanine na kuhanyina mu litunga nimwalyo. Pe Baengepita batatikile kwikala na bowa ku Baishalela. 13Nohobene Baengepita bekalishile Baishalela na shilala na nguma, 14na kubakandamika kutenda milimo ya wulungo. Babatendeshele milimo ya mashintina na ya kuzika matala na ya mafuba, kami babulile kubayuvwila nceshe.
15Niho mwene wa mu Engepita ambile ku bamboshwa babili, ba Shifwila na Puwa, aba bayavwilenga bambuyama ba Bahebelu ha kubeleka ngayi, 16“Oho mu kuyavwa bambuyama ba Bahebelu ha kubeleka, ndi mbututu nengi wa mulume pe muzihenu, ngoboni ndi nengi wa mbuyama pe mulehenu ayoye.” 17Ngoboni bamboshwa bengile bakakutina Nyambi pe kaliha bombatalile mwene waku Engepita, balehele bana babalume ngayi bayoye. 18Nohobene mwene wa Engepita wehanine bamboshwa, pe wabepwile ngayi, “Kati shumangani mu kutendela nehe? Kati shumangani mu kulehela bana babalume ngayi bayoye?”
19Bamboshwa bakumbwile Fwalo ngayi, “Ndaba bambuyama ba Bahebelu kaliha ngonehe bambuyama ba Baengepita, ndaba nibo babelekanga shawangu. Oho tuhu tukukumako kuwana bambututu babo bahemuwakale.” 20Nohobene Nyambi watendele shiwahe kukwabo. Pe Baishalela bahanyine na kwikala na ngovu. 21Ndaba bamboshwa batinine Nyambi, pe Nyambi watendele shiwahe kukwabo, niho abapanine luhemo. 22#Mil 7:19. Niho Fwalo atongwezele bantu bendi nimwabo ngayi, “Nimwendi mwana wa mulume ou ukuhemuwa ku Bahebelu mukatulenu, mukamuyumbile mu mushinzi wa Nayilo, ngoboni bana nimwabo ba bambuyama muka balehe ngayi bayoye.”
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Libuka Lya Kuyela © Bible Society of Zambia, 2020.