Rommi 9
9
Paul no Israel Ghenguno Amloghuju Shikeu
1Ni ye Khristo lono kuchou tsà piani. Ni ye mikí amoe. Ino kuchou tsà piakeu ye Aghungú Kimthe vechewo ilolo lomije no ithitoilu ani. 2Ilolo shishe amloküsa eno ashekha küha keu muloghuju ani. 3Shikulupu shi aghí ke aye ilikhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni. 4Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike. 5Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo#9:5 Khristo momu Messiah. ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.
Akughushu Lhou no Kishè keu
6Alhou tsà shikupumove akeu ye kumoe. Kughengu Israel polokughukomi kümtsü Alhou no kìsheluve kemi ke kumoe. 7Momu panongu no Abraham tikughukomi ke ghenguno kümtsü no pa nuliqo ke kumoe. Ikemu Kuchoyesü lo ishi yèpüani, “Isaac vechewo onuli-kughukoqo kihikülai tsü nani.”#9:7 Bothu 21:12 8Tipau kiqi ye Abraham nuliqo ye pa jì lono ighike ghenguno Alhou nuli shilu ke kumoe, ikemu Alhou no piqhipüa keu nuliqo no Abraham nuli ipi kihi cheni. 9Kughengu hitoi piqhipüa ke: “Kughupüa keu dolo no ino ideighi nani, eno Sarah ye anu lakhi ithulu nani.”#9:9 Bothu 18:10,14
10Apú tipau ye ningu pasü Isaac ke. Kughou pa no Rebekah gholo akibo shi keno li no anukishe punú. 11Ikemu, anukishe punú miphi züu no momu akivi eno alhoküsa kiumu shimphi züu no, Alhou no kìshe püakeu kiqi lono apenike ghenguno li vilo ishi pike: 12“Akichiú no ayitiu qe nani.”#9:12 Bothu 25:23 Ikehu Alhou no kìshelu keu ye timi lakhi kümlà vechewo kumoe ikemu Alhou no kulù keu vechewo ke. 13Tiye Kuchoyesü lo ishi yèpüa keu toi ke: “Jacob ye ino kimiye, ikemu Esau ye ino mithi ke.”#9:13 Mala 1:2,3
14Tishiaye, ningu ye kiu pìní kea? Alhou ye achipikumo keshea? Khilemu tishimoe! 15Kughengu pa no Moses vilo ishi pi,
“Ino kimiye chekemi shou iw kimiyeqhiyi keu anani,
eno ino imulo ighiqhiyi chekemi shou imulo ighiqhiyi keu anani.”#9:15 Ipe 33:19
16Tighenguno hiye timi no shinishi keu momu pükapütsa keu shou kumoe, ikemu Alhouʼw kimiyekini shou ke. 17Kughengu, Kuchoyesü lo Alhou no Pharaoh vilo ishi pike, “Ino hipau kimiji ghenguno osüqhe ke, tishianguno ovechewo iküká pephe piye niye ke eno ije pesü ayeghiqha kümtsü lo asheshu peniye ke.”#9:17 Ipe 9:16 18Tighenguno, Alhou no kimiyeqhiyi nishi chekemi shou kimiyeqhiyi keu acheni, eno pa no amlo shikümkave nishi chekemi mulo shikümkave tsü cheni.
19Nongu gholo khami ye ivilo ishi piluvi: “Tishiaye, Alhou ye kushiye ningu nguku acheni kea? Kughengu khuu no Alhou pulou lachile kulupu kea?” 20Ikemu no ye khuu keno, timi lakhi keno kuu, Alhou ghechile nani kea? “Lhoqhipüa keu ye lhokipheu vilo, ‘No ye kushiye ishi ni lhophe kea?’ ipilu nani keshea?”#9:20 Isa 29:16; 45:9 21Ayeghi lì kümlàu ye ayeghi muqo lakhi lono alì khami no akimchi vehu ghenguno eno khami no inapügha peitha nikeu kimiji ghenguno mülàphelu kepu chipiu küha keshea?
22Tihutoi, Alhou ye pa loghu eno pa küká pephe piye kulupu chipiu aghí pinamu, pa ye pa loghu ikughi niye shi akemiqo shou shishe kutuuve cheni. Timi tipaqo ye kütsaleve nikeu shi kughupe qhive kemiqo ke. 23Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke. 24Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke. 25Alhou no Hosea kaku lo ishi pipüani:
“Iw timi kumo kemiqo vilo ino ‘iw timi’ ipi ku nani;
eno ino kimiye chemo kemiqo vilo, ‘Ino kimiye chekemi,’ ipi ku nani,”#9:25 Hosea 2:23
26eno,
“A-a khilehi no panoqo vilo,
‘Nongu ye iw timi kumoe,’ ipipüa keno
a-a tipau lono panongu vilo ‘xü akeu Lhou nuliqo,’ ipi ku nani.”#9:26 Hosea 1:10
27Isaiah no Israelmi vehu lo ishi asheshue:
“Israelmi kikihi no azüghi phivilo asàye toi aghí namu,
ghüluve kemi likhi xaluve nani.
28Kughengu Ampeu no paikhavi eno ghuthukhavi
lono ayeghi shou paw ashekhau xakütha be nani.”#9:28 Isa 10:22,23
29Tiye Isaiah no püzüu pipüa keu tho ke:
“Akughushu Mipeu no
ningu ghenguno atikughukomiqo qhitsümo ke aye
ningu ye Sodom toiveni cheke
eno ningu ye Gomorrah toiveni cheke.”#9:29 Isa 1:9
Israel no Pülü Müla Keu
30Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae; 31ikemu Israelmi khunoqo ayeza no achipiumikucho laghi ipi phu cheni keno panongu ye pano kimiji tolumphie ipini keshea? 32Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke. 33Ishi yèpüani:
“Julo! Timiqo pelo püsüpukulu peniye ino Zion lo atu lakhi qhike
eno panoqo pelo veqhive peniye atuqu lakhi qhike.
Ikemu timi khuu no pa shou pülüni keno pa ye khilemu kujove pemo nani.”#9:33 Isa 8:14; 28:16
ప్రస్తుతం ఎంపిక చేయబడింది:
Rommi 9: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Rommi 9
9
Paul no Israel Ghenguno Amloghuju Shikeu
1Ni ye Khristo lono kuchou tsà piani. Ni ye mikí amoe. Ino kuchou tsà piakeu ye Aghungú Kimthe vechewo ilolo lomije no ithitoilu ani. 2Ilolo shishe amloküsa eno ashekha küha keu muloghuju ani. 3Shikulupu shi aghí ke aye ilikhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni. 4Israelmiqo ye Alhou no saputhu pesü anukishimi shilu pe ke; panongu pelo pa kimthe juküvü küsaje pe ke, pa no panongu sasü puloshoqhiqo shi eno ayeza pesü tsüke. Pa no panoqo pelo kuchou shi pa chineki lo mülá lupe eno panoqo sasü pikiqhi shike. 5Abraham, Isaac, eno Jacob noqo ye panongu pù-asüqo ke, eno timi lhoaye kiqi lo phuwoju kelo Khristo#9:5 Khristo momu Messiah. ghí panongu lau no ighi kemi ke. Eno Khristo ye kümtsü shou Alhou eno pülhapuju lo sheqhe küzü ke! Amen.
Akughushu Lhou no Kishè keu
6Alhou tsà shikupumove akeu ye kumoe. Kughengu Israel polokughukomi kümtsü Alhou no kìsheluve kemi ke kumoe. 7Momu panongu no Abraham tikughukomi ke ghenguno kümtsü no pa nuliqo ke kumoe. Ikemu Kuchoyesü lo ishi yèpüani, “Isaac vechewo onuli-kughukoqo kihikülai tsü nani.”#9:7 Bothu 21:12 8Tipau kiqi ye Abraham nuliqo ye pa jì lono ighike ghenguno Alhou nuli shilu ke kumoe, ikemu Alhou no piqhipüa keu nuliqo no Abraham nuli ipi kihi cheni. 9Kughengu hitoi piqhipüa ke: “Kughupüa keu dolo no ino ideighi nani, eno Sarah ye anu lakhi ithulu nani.”#9:9 Bothu 18:10,14
10Apú tipau ye ningu pasü Isaac ke. Kughou pa no Rebekah gholo akibo shi keno li no anukishe punú. 11Ikemu, anukishe punú miphi züu no momu akivi eno alhoküsa kiumu shimphi züu no, Alhou no kìshe püakeu kiqi lono apenike ghenguno li vilo ishi pike: 12“Akichiú no ayitiu qe nani.”#9:12 Bothu 25:23 Ikehu Alhou no kìshelu keu ye timi lakhi kümlà vechewo kumoe ikemu Alhou no kulù keu vechewo ke. 13Tiye Kuchoyesü lo ishi yèpüa keu toi ke: “Jacob ye ino kimiye, ikemu Esau ye ino mithi ke.”#9:13 Mala 1:2,3
14Tishiaye, ningu ye kiu pìní kea? Alhou ye achipikumo keshea? Khilemu tishimoe! 15Kughengu pa no Moses vilo ishi pi,
“Ino kimiye chekemi shou iw kimiyeqhiyi keu anani,
eno ino imulo ighiqhiyi chekemi shou imulo ighiqhiyi keu anani.”#9:15 Ipe 33:19
16Tighenguno hiye timi no shinishi keu momu pükapütsa keu shou kumoe, ikemu Alhouʼw kimiyekini shou ke. 17Kughengu, Kuchoyesü lo Alhou no Pharaoh vilo ishi pike, “Ino hipau kimiji ghenguno osüqhe ke, tishianguno ovechewo iküká pephe piye niye ke eno ije pesü ayeghiqha kümtsü lo asheshu peniye ke.”#9:17 Ipe 9:16 18Tighenguno, Alhou no kimiyeqhiyi nishi chekemi shou kimiyeqhiyi keu acheni, eno pa no amlo shikümkave nishi chekemi mulo shikümkave tsü cheni.
19Nongu gholo khami ye ivilo ishi piluvi: “Tishiaye, Alhou ye kushiye ningu nguku acheni kea? Kughengu khuu no Alhou pulou lachile kulupu kea?” 20Ikemu no ye khuu keno, timi lakhi keno kuu, Alhou ghechile nani kea? “Lhoqhipüa keu ye lhokipheu vilo, ‘No ye kushiye ishi ni lhophe kea?’ ipilu nani keshea?”#9:20 Isa 29:16; 45:9 21Ayeghi lì kümlàu ye ayeghi muqo lakhi lono alì khami no akimchi vehu ghenguno eno khami no inapügha peitha nikeu kimiji ghenguno mülàphelu kepu chipiu küha keshea?
22Tihutoi, Alhou ye pa loghu eno pa küká pephe piye kulupu chipiu aghí pinamu, pa ye pa loghu ikughi niye shi akemiqo shou shishe kutuuve cheni. Timi tipaqo ye kütsaleve nikeu shi kughupe qhive kemiqo ke. 23Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke. 24Eno ningu ye Alhou no kulùve kemiqo ke. Ningu kümtsü Jewmi kumo ke ikemu ningu kutomo no Jewkumomi ke. 25Alhou no Hosea kaku lo ishi pipüani:
“Iw timi kumo kemiqo vilo ino ‘iw timi’ ipi ku nani;
eno ino kimiye chemo kemiqo vilo, ‘Ino kimiye chekemi,’ ipi ku nani,”#9:25 Hosea 2:23
26eno,
“A-a khilehi no panoqo vilo,
‘Nongu ye iw timi kumoe,’ ipipüa keno
a-a tipau lono panongu vilo ‘xü akeu Lhou nuliqo,’ ipi ku nani.”#9:26 Hosea 1:10
27Isaiah no Israelmi vehu lo ishi asheshue:
“Israelmi kikihi no azüghi phivilo asàye toi aghí namu,
ghüluve kemi likhi xaluve nani.
28Kughengu Ampeu no paikhavi eno ghuthukhavi
lono ayeghi shou paw ashekhau xakütha be nani.”#9:28 Isa 10:22,23
29Tiye Isaiah no püzüu pipüa keu tho ke:
“Akughushu Mipeu no
ningu ghenguno atikughukomiqo qhitsümo ke aye
ningu ye Sodom toiveni cheke
eno ningu ye Gomorrah toiveni cheke.”#9:29 Isa 1:9
Israel no Pülü Müla Keu
30Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae; 31ikemu Israelmi khunoqo ayeza no achipiumikucho laghi ipi phu cheni keno panongu ye pano kimiji tolumphie ipini keshea? 32Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke. 33Ishi yèpüani:
“Julo! Timiqo pelo püsüpukulu peniye ino Zion lo atu lakhi qhike
eno panoqo pelo veqhive peniye atuqu lakhi qhike.
Ikemu timi khuu no pa shou pülüni keno pa ye khilemu kujove pemo nani.”#9:33 Isa 8:14; 28:16
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.