Rommi 16
16
Lüthü lau Petha
1Ino nongu lau ningu chepu Phoebe kilethi tsü ani. Li ye Cenchreae kukuho lo deacon#16:1 Php 1:1; 1Ti 3:8,12 lakhi shi ani. 2Nongu pelo Alhouʼw timi sasü chekeu toi Ampeu je lono li sasü tsü penike ino nongu lau qhüiniju ani. Eno li no nongu lau no kiu akukuphu avehupu shini keno kuphutsü penike qhüiniju ani, kughengu li ye ilikhi kumo no timi kutomo kuphu püani ke.
3Khristo Jisü lono igholo mülà küqha chekeu Priscilla ngò Aquila pama vilo iw petha tsülo. 4Pama ye ighenguno pama küxü pesü akithipu-a lo qhike. Ilikhi kumo no Jewkumomi kukuhouqo kümtsü no pama shikimthi ani.
5Pama ki lo kuho chekemiqo vilo ghí petha tsülo.
Ino kimiye chekeu iküsàu Epenetus petha tsülo. Asia bocho lo pa paghi no Khristo pülüluve ke.
6Petha Mary tsülo. Li ye nongu ghenguno ichhe-ime mülà cheke.
7Andronicus ngò Junia pama lau petha tsülo. Pama ye iküsàmi Jewmi eno igholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye izüu no Khristo pülüluve ke.
8Ampeu lono ino kimiye chekeu aküsàu Ampliatus petha tsülo.
9Khristo lono mülà küqha akeu Urbanus eno ino kimiye chekeu aküsàu Stachys petha tsülo.
10Apelles, khuu Khristo pülü akeu lo theqhikulu shi puthugholu keno, petha tsülo.
Aristobulus kibolomiqo lau petha tsülo.
11Iküsàmi Jewmi Herodion lau petha tsülo.
Narcissus kibolomi khunoqo Ampeuʼw timi keno petha tsülo.
12Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo.
Ino kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.
13Rufus, Ampeu no kìshelu keu, eno pazá, khuu izá toi keno, pama petha tsülo.
14Asyncritus, Phlegon, Hermes, Patrobas, Hermas, ngò athiküzümi eno achelimi panongu gholo akemiqo petha tsülo.
15Philologus, Julia, Nereus eno pa chepu, ngò Olympas eno panongu gholo Ampeuʼw timi akeqo kümtsü lau petha tsülo.
16Khristo vechewo lakhi no lakhi petha tsülo.
Khristo kukuhou kümtsü no nongu lau petha tsüpuwu ani.
17Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike ino nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo. 18Kughengu timi hitoi keqo ye ningu Mipeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsükeu vechewo kumu mütha kemiqo kükümsü pishiqhive acheni. 19Nongu no Alhou ghokulu shiluve keu ghili timi kümtsü no chiluvae eno hi ghenguno ni ye alovishe ani; ikemu ni ye nongu pelo kiu no akivi keno tipau lo alokütsü shi eno kiu no küsakügha keno tipau lo kumu mütha kemi shipe nishi ani.
20Alokughuno tsü chekeu Lhou no nongu pukhuphi lono kighithe Satan munuqhive nani.
Ampeu Jisüʼw küpükini nongu gholo apeniu.
21Igholo mülà küqha chekeu Timothy no paw petha nongu tsüpuwu ani eno titoi iküsàmi Jewmi Lucius, Jason eno Sosipater ghí panonguw petha tsüpuwu ani.
22Ni Tertius, khuu Paul ghenguno yèsü hipau yè keno, Ampeu lono petha nongu tsü ani.
23Hilau, ni eno akukuhomi kümtsü lopiqitsü ghi sasǘ tsü akeu Gaius no paw petha nongu tsüpuwu ani.
Erastus, khuu aphughi lo mìshí kümlamìqow mijekütsüu keno, eno ningu thiküzüu Quartus pama no petha nongu tsü ani.
24 Nongu kümtsü gholo Ampeu Jisü Khristoʼw küpükini apeniu. Amen. # 16:24 Ajò hipau ye atüghiu kakuqo lo ye küha eno ashekha lau no süküqha püani.
25Itehi ye ino pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü tsà hipau no nongu Jewkumomiqo ghenguno Alhouʼw tuqhou küsüpüa chekeu pephe piye anike, hiye tiqheli kushuwa kutólo küsüpepüa chekeu lakhi ke. 26Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü tsà hipau ye Jewkumomi aqha kümtsü lo akemiqo lau pephe piyevae, tishi keu vechewo panongu ghí pülülu eno aghokulu shilu peniye ke. 27Jisü Khristo vechewo Alhou khuu likhi no alokütsüu keno pülhapuju lo ajuküvü pesü pa tsülo! Amen.
ప్రస్తుతం ఎంపిక చేయబడింది:
Rommi 16: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Rommi 16
16
Lüthü lau Petha
1Ino nongu lau ningu chepu Phoebe kilethi tsü ani. Li ye Cenchreae kukuho lo deacon#16:1 Php 1:1; 1Ti 3:8,12 lakhi shi ani. 2Nongu pelo Alhouʼw timi sasü chekeu toi Ampeu je lono li sasü tsü penike ino nongu lau qhüiniju ani. Eno li no nongu lau no kiu akukuphu avehupu shini keno kuphutsü penike qhüiniju ani, kughengu li ye ilikhi kumo no timi kutomo kuphu püani ke.
3Khristo Jisü lono igholo mülà küqha chekeu Priscilla ngò Aquila pama vilo iw petha tsülo. 4Pama ye ighenguno pama küxü pesü akithipu-a lo qhike. Ilikhi kumo no Jewkumomi kukuhouqo kümtsü no pama shikimthi ani.
5Pama ki lo kuho chekemiqo vilo ghí petha tsülo.
Ino kimiye chekeu iküsàu Epenetus petha tsülo. Asia bocho lo pa paghi no Khristo pülüluve ke.
6Petha Mary tsülo. Li ye nongu ghenguno ichhe-ime mülà cheke.
7Andronicus ngò Junia pama lau petha tsülo. Pama ye iküsàmi Jewmi eno igholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye izüu no Khristo pülüluve ke.
8Ampeu lono ino kimiye chekeu aküsàu Ampliatus petha tsülo.
9Khristo lono mülà küqha akeu Urbanus eno ino kimiye chekeu aküsàu Stachys petha tsülo.
10Apelles, khuu Khristo pülü akeu lo theqhikulu shi puthugholu keno, petha tsülo.
Aristobulus kibolomiqo lau petha tsülo.
11Iküsàmi Jewmi Herodion lau petha tsülo.
Narcissus kibolomi khunoqo Ampeuʼw timi keno petha tsülo.
12Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo.
Ino kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.
13Rufus, Ampeu no kìshelu keu, eno pazá, khuu izá toi keno, pama petha tsülo.
14Asyncritus, Phlegon, Hermes, Patrobas, Hermas, ngò athiküzümi eno achelimi panongu gholo akemiqo petha tsülo.
15Philologus, Julia, Nereus eno pa chepu, ngò Olympas eno panongu gholo Ampeuʼw timi akeqo kümtsü lau petha tsülo.
16Khristo vechewo lakhi no lakhi petha tsülo.
Khristo kukuhou kümtsü no nongu lau petha tsüpuwu ani.
17Athiküzümi eno achelimiqo, timi khunoqo no kijetha keu süghi cheni eno nongu pelo axiné lo ilove peniye shi cheni keno tipaqo jukuto penike ino nongu qhüiniju ani. Panongu ye nongu no akükütsü ithiluve keu lono bidelau kütsü cheni ke. Panoqo lau no putosü alo. 18Kughengu timi hitoi keqo ye ningu Mipeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsükeu vechewo kumu mütha kemiqo kükümsü pishiqhive acheni. 19Nongu no Alhou ghokulu shiluve keu ghili timi kümtsü no chiluvae eno hi ghenguno ni ye alovishe ani; ikemu ni ye nongu pelo kiu no akivi keno tipau lo alokütsü shi eno kiu no küsakügha keno tipau lo kumu mütha kemi shipe nishi ani.
20Alokughuno tsü chekeu Lhou no nongu pukhuphi lono kighithe Satan munuqhive nani.
Ampeu Jisüʼw küpükini nongu gholo apeniu.
21Igholo mülà küqha chekeu Timothy no paw petha nongu tsüpuwu ani eno titoi iküsàmi Jewmi Lucius, Jason eno Sosipater ghí panonguw petha tsüpuwu ani.
22Ni Tertius, khuu Paul ghenguno yèsü hipau yè keno, Ampeu lono petha nongu tsü ani.
23Hilau, ni eno akukuhomi kümtsü lopiqitsü ghi sasǘ tsü akeu Gaius no paw petha nongu tsüpuwu ani.
Erastus, khuu aphughi lo mìshí kümlamìqow mijekütsüu keno, eno ningu thiküzüu Quartus pama no petha nongu tsü ani.
24 Nongu kümtsü gholo Ampeu Jisü Khristoʼw küpükini apeniu. Amen. # 16:24 Ajò hipau ye atüghiu kakuqo lo ye küha eno ashekha lau no süküqha püani.
25Itehi ye ino pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü tsà hipau no nongu Jewkumomiqo ghenguno Alhouʼw tuqhou küsüpüa chekeu pephe piye anike, hiye tiqheli kushuwa kutólo küsüpepüa chekeu lakhi ke. 26Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü tsà hipau ye Jewkumomi aqha kümtsü lo akemiqo lau pephe piyevae, tishi keu vechewo panongu ghí pülülu eno aghokulu shilu peniye ke. 27Jisü Khristo vechewo Alhou khuu likhi no alokütsüu keno pülhapuju lo ajuküvü pesü pa tsülo! Amen.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.