Apostolmi 8
8
1Eno Saul ye timiqo no Stephen pìthíve keu ye achipi kepi puloküqha tsüe.
Akukuhou Pishi-puju no Apanaghave
Tipau ghuloki lo Jerusalem lo akukuho shou shishe kijipüsa keu kijè ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave. 2Alhouʼw timiqo no Stephen sükumo qhovetsü eno pa ghenguno shishe muloqae. 3Ikemu Saul no akukuhoki kütsa thuve. Pa no aki-aki kümtsü lo ilo no küpülümi kipitimi ngò totimi kinikujo sünhekiti sawo akughuki lo süve.
Philip no Samaria lo Wu
4Khunoqo apanagha wukhave keno panongu no khile wu keno tilehi Alhou tsà pesü kütsü. 5Philip no Samaria lo aphughi lakhi lo iqi eno tile Messiah ghili pesü asheshue. 6Kughou timi aqokitikhi no Philip no pikeu tsà chilu eno pa no amichipu kümlà shikeu ithulu keno panongu kümtsü pa no kiu tsà pi akeno tipau lo amlotsüqhiyi shi iní ae. 7Kughengu mithekumo ghungú no ighamuku ghi timi kutomo phi lono ipeghi, eno aphimpi ithamlave kemi ngò apukhu kinitave kemi kutomo shipivi ke. 8Ikehu aphughi tipau lo alokivi kijè ae.
Tuumi Simon
9Tipau phughi lo timi lakhi Simon ipikeu ache eno pa ye ado hami züu tumu che püzü Samaria lo timiqo kümtsü kichiqhi ache. Pa ye ajekipimi lakhi ke ipi aqheküza shi ache, 10ike akuu-amighiu lono akiqheu kutólo timi kümtsü no Simon lau panongu mulo tsüqhiyi shi no hitoi asheshue, “Timi hipau pesü Alhouʼw Aküka Akijeu ipi ku chekeu ye achipi lono ku chenei.” 11Panongu ye Simon no ado kushuwa lono tuumi kümlà shi no panongu shithüghüi chekeu ghenguno pa pape cheke. 12Ikemu kughou Philip no Alhou kükaqha eno Jisü Khristo je lono atsakiviu pe kütsü keu panongu no pülüluve keno, kipitimi ngò totimi kümtsü baptiz shiluve. 13Simon ampi ghí pülüluve no baptiz shiluve. Eno Simon ye Philip no amichipu eno akümzapu kümlà shikeu ithulu no pa kichiqhive püzü aqha kümtsü lo Philip papesü wuve.
14Kughou Jerusalem lo apostolmiqo no Samariamiqo ye Alhou tsà ikhiluvea ipi chiluve keno, panongu no Peter ngò John pama Samaria lo puwu. 15Kughou pama no wo toluve keno, anileshi pülüluve kemiqo pelo Aghungú Kimthe ithulu penike ghenguno akighini shitsü, 16kughengu Aghungú Kimthe ye panongu khiu shoumu ikughimo no ae; panongu ye Ampeu Jisü je lo likhi no baptiz shive no ake. 17Tisheno Peter ngò John pama no pama u pesü panongu shou be, eno panongu no Aghungú Kimthe ithulue.
18Kughou apostolmi no a-u bekeu vechewo Aghungú Kimthe tsükeu Simon no ithulu keno, pa no pisa pesü apostolmi pama tsü 19no ishi pi, “Hipau shilu kepu küká ni ghí itsülo, tishianguno ino i-u be kemiqo pelo Aghungú Kimthe ithulu penike.”
20Peter no khochile: “Ow pisa ghí ogholo no pühave peniu, kughengu nono pisa pesü Alhou lau no ighi keu ghò qhülu nani küghashike. 21No ye hipau kümlàpu lo ovehupu momu osaje kühae, kughengu omulo ye Alhou zülo achipishi amoke. 22Küsakügha hipau lono xaideghivelo eno nono hitoi keu kükümsü ololo akeu kipimí pevetsü penike ghenguno Ampeu lau lajupu qhi no inikhulo. 23Kughengu no ye khumtsai keu no ololo chhitoi akeu eno axiné no otshüpe akeu ino ithulu anie.”
24Simon no khochile, “Nono pive keqo lakhimu ishou shikupu pemo nike ghenguno Ampeu lau inikhu tsülo.”
25Ampeu tsà pesü asheshu eno Jisü shepe shive kethiu, Peter ngò John pama ye Jerusalem lo idewove, eno woche kelo Samariami phu kutomo lo atsakiviu pesü kütsüe.
Philip eno Ethiopiami
26Ampeuʼw kungumi no Philip vilo pi, “Apéu küdau asàye laghi lo ti Jerusalem lono Gaza lo iqi chekeu laghi lo wulo.” 27Ike Philip no alà cheve, eno alà lo che kelo pa no Ethiopiami shoko lakhi sholu, pa ye Ethiopiamiqo shou Akükaliu Kandakeʼw akinikhuki jukütsü chekemi kijemi akhotomi lakhi ke. Timi hipau ye Jerusalem lo Alhou mülá niye wue, 28eno pa ye paw khurkulu lo iqa no tungkupu Isaiah Kaku phi ghi aki lo ide woche. 29Aghungú Kimthe no Philip vilo pi, “Khurkulu lo wulo eno tipau phivilo ngolo.”
30Tisheno Philip no khurkulu küdau posüsü wu eno pa no timi hu no Isaiah tungkupu Kaku phi aghí keu chilue. Philip no pa vilo iniju, “No ye nono phi akeu vethalu anima?”
31Ethiopiami hu no khochile, “Timi khami no ivilo hepho-piyemo aye ni ye kíshi no vethaluni kea?” Ike pa no Philip vilo ikughi püzü pa gholo iqalo ipi.
32Shokou#8:32 Shokou ye Ethiopiami hu ke. hu no Kuchoyesü phi akeu ye hike:
“Pa ye ambe lakhi ghiqhi niye sawuve ketoi,
eno ambeti lakhi no amhi gholu nike zülo iqüighai ngo chekeu toi,
pa ye pa kichí xukhomoe.
33Pa thogha kelo achipiu xakütha ghí pa tsümoe.
Khuu no pa tikughuko ghili pilu nani kea?
Kughengu ayeghi lono pa küxü luve tsüke.”#8:33 Isa 53:7,8
34Shokou hu no Philip vilo iniju, “Oshikimthi, ivilo pitsülo, tungkupu hu ye khuu ghili piani kea, pa likhi pa ghili piani keo kütami khuala ghili piani kea?” 35Tisheno Philip no Kuchoyesü tipau kiyedo lono huthu püzü Jisü ghili tsakiviu pesü shokou vilo pi.
36Pama no alà lo wuche kelo, azü akeu-a lo ighi eno shokou no ishi pi, “Julo, hile azü anie. Ino baptiz shini ke kiuala ilakha kepu ani keshea?”
37 Philip no pi, “Tsalá nono omulo kümtsü pesü pülü aye tishilo.”
Shokou no khochile, “Jisü Khristo ye Alhou Nu kepi ino pülü ani.” # 8:37 Kaku khami lo ye ajò hipau küha eno atsa hitoi akeu peitha acheni. 38Shokou no khurkulu küsáu vilo ngo lo pi azah tsü. Tisheno Philip ngò shokou pama kinikujo azü ake küdau iqi püzü Philip no shokou baptiz shive tsü. 39Kughou pama no azü lono ashou ipeghi keno, Ampeu Ghungú no paikhavi lono Philip sasü wuve, eno shokou ye Philip ithulu kithemove, ikemu pa ye alokivishi pa no wuche keu là lo wuve. 40Ikemu Philip ye Azotus lo ipeghi, eno pa ye kicheghüzü shisü Caesarea tomo ke kutólo atsakiviu pe mishiphuqo kümtsü lo kütsüe.
ప్రస్తుతం ఎంపిక చేయబడింది:
Apostolmi 8: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 8
8
1Eno Saul ye timiqo no Stephen pìthíve keu ye achipi kepi puloküqha tsüe.
Akukuhou Pishi-puju no Apanaghave
Tipau ghuloki lo Jerusalem lo akukuho shou shishe kijipüsa keu kijè ipeghive, eno tile apostolmiqo thono küpülümi kütamiqo ye Judea ngò Samaria qha kümtsü lo apanagha khave. 2Alhouʼw timiqo no Stephen sükumo qhovetsü eno pa ghenguno shishe muloqae. 3Ikemu Saul no akukuhoki kütsa thuve. Pa no aki-aki kümtsü lo ilo no küpülümi kipitimi ngò totimi kinikujo sünhekiti sawo akughuki lo süve.
Philip no Samaria lo Wu
4Khunoqo apanagha wukhave keno panongu no khile wu keno tilehi Alhou tsà pesü kütsü. 5Philip no Samaria lo aphughi lakhi lo iqi eno tile Messiah ghili pesü asheshue. 6Kughou timi aqokitikhi no Philip no pikeu tsà chilu eno pa no amichipu kümlà shikeu ithulu keno panongu kümtsü pa no kiu tsà pi akeno tipau lo amlotsüqhiyi shi iní ae. 7Kughengu mithekumo ghungú no ighamuku ghi timi kutomo phi lono ipeghi, eno aphimpi ithamlave kemi ngò apukhu kinitave kemi kutomo shipivi ke. 8Ikehu aphughi tipau lo alokivi kijè ae.
Tuumi Simon
9Tipau phughi lo timi lakhi Simon ipikeu ache eno pa ye ado hami züu tumu che püzü Samaria lo timiqo kümtsü kichiqhi ache. Pa ye ajekipimi lakhi ke ipi aqheküza shi ache, 10ike akuu-amighiu lono akiqheu kutólo timi kümtsü no Simon lau panongu mulo tsüqhiyi shi no hitoi asheshue, “Timi hipau pesü Alhouʼw Aküka Akijeu ipi ku chekeu ye achipi lono ku chenei.” 11Panongu ye Simon no ado kushuwa lono tuumi kümlà shi no panongu shithüghüi chekeu ghenguno pa pape cheke. 12Ikemu kughou Philip no Alhou kükaqha eno Jisü Khristo je lono atsakiviu pe kütsü keu panongu no pülüluve keno, kipitimi ngò totimi kümtsü baptiz shiluve. 13Simon ampi ghí pülüluve no baptiz shiluve. Eno Simon ye Philip no amichipu eno akümzapu kümlà shikeu ithulu no pa kichiqhive püzü aqha kümtsü lo Philip papesü wuve.
14Kughou Jerusalem lo apostolmiqo no Samariamiqo ye Alhou tsà ikhiluvea ipi chiluve keno, panongu no Peter ngò John pama Samaria lo puwu. 15Kughou pama no wo toluve keno, anileshi pülüluve kemiqo pelo Aghungú Kimthe ithulu penike ghenguno akighini shitsü, 16kughengu Aghungú Kimthe ye panongu khiu shoumu ikughimo no ae; panongu ye Ampeu Jisü je lo likhi no baptiz shive no ake. 17Tisheno Peter ngò John pama no pama u pesü panongu shou be, eno panongu no Aghungú Kimthe ithulue.
18Kughou apostolmi no a-u bekeu vechewo Aghungú Kimthe tsükeu Simon no ithulu keno, pa no pisa pesü apostolmi pama tsü 19no ishi pi, “Hipau shilu kepu küká ni ghí itsülo, tishianguno ino i-u be kemiqo pelo Aghungú Kimthe ithulu penike.”
20Peter no khochile: “Ow pisa ghí ogholo no pühave peniu, kughengu nono pisa pesü Alhou lau no ighi keu ghò qhülu nani küghashike. 21No ye hipau kümlàpu lo ovehupu momu osaje kühae, kughengu omulo ye Alhou zülo achipishi amoke. 22Küsakügha hipau lono xaideghivelo eno nono hitoi keu kükümsü ololo akeu kipimí pevetsü penike ghenguno Ampeu lau lajupu qhi no inikhulo. 23Kughengu no ye khumtsai keu no ololo chhitoi akeu eno axiné no otshüpe akeu ino ithulu anie.”
24Simon no khochile, “Nono pive keqo lakhimu ishou shikupu pemo nike ghenguno Ampeu lau inikhu tsülo.”
25Ampeu tsà pesü asheshu eno Jisü shepe shive kethiu, Peter ngò John pama ye Jerusalem lo idewove, eno woche kelo Samariami phu kutomo lo atsakiviu pesü kütsüe.
Philip eno Ethiopiami
26Ampeuʼw kungumi no Philip vilo pi, “Apéu küdau asàye laghi lo ti Jerusalem lono Gaza lo iqi chekeu laghi lo wulo.” 27Ike Philip no alà cheve, eno alà lo che kelo pa no Ethiopiami shoko lakhi sholu, pa ye Ethiopiamiqo shou Akükaliu Kandakeʼw akinikhuki jukütsü chekemi kijemi akhotomi lakhi ke. Timi hipau ye Jerusalem lo Alhou mülá niye wue, 28eno pa ye paw khurkulu lo iqa no tungkupu Isaiah Kaku phi ghi aki lo ide woche. 29Aghungú Kimthe no Philip vilo pi, “Khurkulu lo wulo eno tipau phivilo ngolo.”
30Tisheno Philip no khurkulu küdau posüsü wu eno pa no timi hu no Isaiah tungkupu Kaku phi aghí keu chilue. Philip no pa vilo iniju, “No ye nono phi akeu vethalu anima?”
31Ethiopiami hu no khochile, “Timi khami no ivilo hepho-piyemo aye ni ye kíshi no vethaluni kea?” Ike pa no Philip vilo ikughi püzü pa gholo iqalo ipi.
32Shokou#8:32 Shokou ye Ethiopiami hu ke. hu no Kuchoyesü phi akeu ye hike:
“Pa ye ambe lakhi ghiqhi niye sawuve ketoi,
eno ambeti lakhi no amhi gholu nike zülo iqüighai ngo chekeu toi,
pa ye pa kichí xukhomoe.
33Pa thogha kelo achipiu xakütha ghí pa tsümoe.
Khuu no pa tikughuko ghili pilu nani kea?
Kughengu ayeghi lono pa küxü luve tsüke.”#8:33 Isa 53:7,8
34Shokou hu no Philip vilo iniju, “Oshikimthi, ivilo pitsülo, tungkupu hu ye khuu ghili piani kea, pa likhi pa ghili piani keo kütami khuala ghili piani kea?” 35Tisheno Philip no Kuchoyesü tipau kiyedo lono huthu püzü Jisü ghili tsakiviu pesü shokou vilo pi.
36Pama no alà lo wuche kelo, azü akeu-a lo ighi eno shokou no ishi pi, “Julo, hile azü anie. Ino baptiz shini ke kiuala ilakha kepu ani keshea?”
37 Philip no pi, “Tsalá nono omulo kümtsü pesü pülü aye tishilo.”
Shokou no khochile, “Jisü Khristo ye Alhou Nu kepi ino pülü ani.” # 8:37 Kaku khami lo ye ajò hipau küha eno atsa hitoi akeu peitha acheni. 38Shokou no khurkulu küsáu vilo ngo lo pi azah tsü. Tisheno Philip ngò shokou pama kinikujo azü ake küdau iqi püzü Philip no shokou baptiz shive tsü. 39Kughou pama no azü lono ashou ipeghi keno, Ampeu Ghungú no paikhavi lono Philip sasü wuve, eno shokou ye Philip ithulu kithemove, ikemu pa ye alokivishi pa no wuche keu là lo wuve. 40Ikemu Philip ye Azotus lo ipeghi, eno pa ye kicheghüzü shisü Caesarea tomo ke kutólo atsakiviu pe mishiphuqo kümtsü lo kütsüe.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.