Apostolmi 5
5
Ananias eno Sapphira
1Ike timi lakhi pa je Ananias ipikeu ngò pa nipu Sapphira pama ghí amheghi kokütha lakhi jeve. 2Pa nipu sasü küptsave no pa no pisa hami ikhithape qhiluve, ikemu achili thaqhü pesü ighino apostolmiqo pukhuphi lo qhitsüe.
3Ikelo Peter no pi, “Ananias, no ye kíshi püzü Satan pelo omulo lo ilove pe no Aghungú Kimthe pishiqhi ghi nono alu jelu keu lono pisa hami ikhithape osala qhiluve kea? 4Tiye je miphi lonomu ow ke kumo keshea? Eno jeve kethiumu pisa ye o-u lo ake kumo keshea? Kiu no opelo alhoküsa hikithipu shini keu kümsüve pe kea? No ye timi pishiqhike kumoe ikemu Alhou pishiqhivae.”
5Kughou Ananias no hi chilu keno pa ye ikiqi no thive. Eno kiu shive keno asütsa chilu kemi kümtsü akümsa no chhitoive. 6Ike lhothemi apumiqo khami no ighino pa sükumo küzüve püzü pesü wu no shiqhove tsü.
7Ayì kihedo küthüa thiu pa nipu iloghi, li ye kiu shive keno mütha no ae. 8Peter no li vilo iniju, “Ananias nokujo alu jelu keu me ye hilikhi keshea?”
Li no khochile, “Iyei, tijehi jelu ke.”
9Peter no li vilo pi, “No ye kíshi no Ampeu Ghungú peju nike kümqüve kea? Hi inílo! Okimi sükumo shiqho kemiqo ahukikha lo chea eno no ghí kuho pesü wuve nanie.”
10Tipa mütsa li ye pa pukhuphi lo ikiqive no thive. Tisheno apumiqo no iloghi eno li ye thive aghí keu ithulu no panongu no li sükumo kuho pesü wu no li kimi sükumo phivilo shiqhove tsü. 11Hipau sütsa chilu kemi eno akukuhomiqo kümtsü akümsa no panongu lolo chhitoive.
Apostolmiqo no Küsükinimi Kutomo Shipivi
12Apostolmiqo no timiqo gholo amichipu eno akümzapu kümlàqo kutomo shie. Eno küpülümi kümtsü Solomon ki sheqho lono kumqo no kusholu ache. 13Timiqo kümtsü no akiqheu lono panongu qhoqhü ikhilu che, ikemu timiqo ye panongu gholo kuposhu nikeu müsà ighü che. 14Tishimu, kipitimi eno totimi alau shi Ampeu pülüluve no panongu kihiküsü gholo küphaluve. 15Tishikehu, Peter no kathasü wuche kelo pa phimpi yekükhü likhimu küsükinimi khami shou ikughilu peniye timiqo no küsükinimiqo sasü ighino alaghila mükü lo alipa eno ayephuqo lo püzü pe qhi ae. 16Jerusalem sükümxa lo mishiphu akeqo lono küsükinimi eno mithekumo ghungú no ghimeqhi akemiqo sasü ighino aqokitikhi kumqo, eno panongu kümtsü shikipivi ithulue.
Apostolmiqo Pishi-puju keu
17Ikehu achinetou eno pa gholo kutubo kichemi ngò Sadduceemi muqo gholo kihiküsümi kümtsü anhekushu no chhitoive. 18Panongu no apostolmiqo küghaluve no mìshí kughuki lo khathave. 19Ikemu putho lono Ampeuʼw kungumi no ighino akughuki hukikhaqo khaqhive püzü panoqo sasü khalacheu ipeghive. 20Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”
21Panongu vilo pikeu toi, atsala vüipeghi kethiu panongu no achineki lo ilo no timiqo kütsü thuve.
Kughou achinetou eno pa gholo kutubo kichemi no ighi keno panongu no Jewmi Hoho kukütsü kumqo püzü Israel lo sakiphemi eno layemiqo kümtsü hekütsü no akughuki lo apostolmiqo sasü ighi penike puwu. 22Ikemu hiyampemiqo no akughuki lo ighi kelo ye apostolmiqo ye tile aghimove püzü phuju pühave. Ikehu panongu no idechile wo no asütsa hitoi pìthive, 23“Ningu no ighi kelo akughuki ye tsatsái khape püaghi, eno ghükhemiqo no ahukikhaqo lo puthugho ngokhe aghí; ikemu ningu no ahukikha khaqhi iloghi kelo ye milakhimu aghimoe.” 24Hipau sütsa chilu kelo achineki ghükheu captain eno achinetomiqo ye avehuizüve, eno hiye kiu shive tsü niye auvea kea ipi kümsüve.
25Tishi ake lono timi khami ighino pi, “Julo! Nongu no akughuki lo khathave kemiqo ye achineki khala lo puthugho no timiqo kütsü ani.” 26Tilehi, captain no paw hiyampemiqo gholo wu no apostolmiqo sasü ighi. Panongu ye anguka shimoe, kughengu timiqo no atu pesü panongu veqhi nikeu müsà ake.
27Apostolmiqo sasü ighino achinetomiqo shou atóu pelo kideküdai iniju peniye Jewmi Hoho zülo puthugho pe. 28Achinetou no pi, “Ningu ye nongu vilo pa je lono kütsü kevilo ipi tsatsái azah tsü kemu nongu no akükütsü hipau pesü Jerusalem nhachhiva eno timi hipau kithí pesü ningu kipimí shive tsü niye anie.”
29Peter ngò apostolmiqo no khochile: “Ningu ye timi nguno alau Alhou gholu moayesae! 30Ningu pù-asü Lhou no Jisü khuu nongu no kros lono tshüqhi pìthíve keno akìthí lono xüputhuvae. 31Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo pelo xaidelu no panoqo xiné qhikütsü ithulu pe niye ke. 32Hipaqo vehu lo ningu no thopimiqo ke, eno titoi Aghungú Kimthe ghí thopi ke—Aghungú Kimthe ye Alhou no pa ghokulumiqo tsükeu ke.”
33Kughou panongu no hi chilu keno, panongu ye muqhumüzaive eno apostolmi pìthíveni shive. 34Ikemu Phariseemi lakhi ayeza kükütsüu, pa je Gamaliel ipikeu, khiu timi kümtsü no gihu che keno, pa no Jewmi Hoho zülo puthugho no ado kitila ghenguno apostolmiqo khalacheu sasü ipeve penike azah tsüve. 35Tisheno pa no Jewmi Hoho vilo pi: “Israel timiqo, nongu no timi hipaqo lau kiu shi niye ani keno tsaqüi kümsüjulo. 36Ado hami züu Theudas no pa ye khuu keno lakhi ipi no ipeghi, eno pa papemi aqhe bidí kutólo kumqo pe ache. Tisheno pa pìthíve, eno pa papemi kümtsü apanaghave, eno ti kümtsü kiumu kumove ke. 37Pa thiu, timi kikihi lu ake ghuloki lo Galileemi Judas ipikeu no pa muqo sasü mujochile ipeghi. Pa ghí pìthíve, eno pa papemi kümtsü apanaghave. 38Tighenguno, hipau tsà lo ino akükümsü nongu tsü akeu ye: Timi hipaqo lakha kevilo! Panongu phe puwuvelo! Tsalá panongu kimiji eno kümlà küghütha no timi lau no ighi keu shi aghí aye pa kutoshi no hauve nani. 39Ikemu tsalá hino Alhou lau no shi aghí aye nongu ye timi hipaqo lakha müla nani; eno nongu ye Alhou mujochile akeu nongu likhi nongu no phulu nani.”
40Pa tsà no timi kümtsü mulo pütsaqhiluve. Panongu no apostolmiqo kusüchile eno akighí no panoqo heqhi pe. Tisheno panongu vilo Jisü je lono pikevilo pi azah tsü no phe puwuve.
41Apostolmiqo no Jewmi Hoho zülo no cheve, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve. 42Tsalakipetsü, panongu ye khilemu tavemo no Jisü ye Messiah ke ipi asütsa kivi pesü achineki khala lo ngò aki-aki lo kütsü no asheshu ache.
ప్రస్తుతం ఎంపిక చేయబడింది:
Apostolmi 5: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 5
5
Ananias eno Sapphira
1Ike timi lakhi pa je Ananias ipikeu ngò pa nipu Sapphira pama ghí amheghi kokütha lakhi jeve. 2Pa nipu sasü küptsave no pa no pisa hami ikhithape qhiluve, ikemu achili thaqhü pesü ighino apostolmiqo pukhuphi lo qhitsüe.
3Ikelo Peter no pi, “Ananias, no ye kíshi püzü Satan pelo omulo lo ilove pe no Aghungú Kimthe pishiqhi ghi nono alu jelu keu lono pisa hami ikhithape osala qhiluve kea? 4Tiye je miphi lonomu ow ke kumo keshea? Eno jeve kethiumu pisa ye o-u lo ake kumo keshea? Kiu no opelo alhoküsa hikithipu shini keu kümsüve pe kea? No ye timi pishiqhike kumoe ikemu Alhou pishiqhivae.”
5Kughou Ananias no hi chilu keno pa ye ikiqi no thive. Eno kiu shive keno asütsa chilu kemi kümtsü akümsa no chhitoive. 6Ike lhothemi apumiqo khami no ighino pa sükumo küzüve püzü pesü wu no shiqhove tsü.
7Ayì kihedo küthüa thiu pa nipu iloghi, li ye kiu shive keno mütha no ae. 8Peter no li vilo iniju, “Ananias nokujo alu jelu keu me ye hilikhi keshea?”
Li no khochile, “Iyei, tijehi jelu ke.”
9Peter no li vilo pi, “No ye kíshi no Ampeu Ghungú peju nike kümqüve kea? Hi inílo! Okimi sükumo shiqho kemiqo ahukikha lo chea eno no ghí kuho pesü wuve nanie.”
10Tipa mütsa li ye pa pukhuphi lo ikiqive no thive. Tisheno apumiqo no iloghi eno li ye thive aghí keu ithulu no panongu no li sükumo kuho pesü wu no li kimi sükumo phivilo shiqhove tsü. 11Hipau sütsa chilu kemi eno akukuhomiqo kümtsü akümsa no panongu lolo chhitoive.
Apostolmiqo no Küsükinimi Kutomo Shipivi
12Apostolmiqo no timiqo gholo amichipu eno akümzapu kümlàqo kutomo shie. Eno küpülümi kümtsü Solomon ki sheqho lono kumqo no kusholu ache. 13Timiqo kümtsü no akiqheu lono panongu qhoqhü ikhilu che, ikemu timiqo ye panongu gholo kuposhu nikeu müsà ighü che. 14Tishimu, kipitimi eno totimi alau shi Ampeu pülüluve no panongu kihiküsü gholo küphaluve. 15Tishikehu, Peter no kathasü wuche kelo pa phimpi yekükhü likhimu küsükinimi khami shou ikughilu peniye timiqo no küsükinimiqo sasü ighino alaghila mükü lo alipa eno ayephuqo lo püzü pe qhi ae. 16Jerusalem sükümxa lo mishiphu akeqo lono küsükinimi eno mithekumo ghungú no ghimeqhi akemiqo sasü ighino aqokitikhi kumqo, eno panongu kümtsü shikipivi ithulue.
Apostolmiqo Pishi-puju keu
17Ikehu achinetou eno pa gholo kutubo kichemi ngò Sadduceemi muqo gholo kihiküsümi kümtsü anhekushu no chhitoive. 18Panongu no apostolmiqo küghaluve no mìshí kughuki lo khathave. 19Ikemu putho lono Ampeuʼw kungumi no ighino akughuki hukikhaqo khaqhive püzü panoqo sasü khalacheu ipeghive. 20Kungumi no panongu vilo pi, “Wulo, achineki lo puthugho no timiqo vilo aküxü kithé hipau ghili pesü pilo.”
21Panongu vilo pikeu toi, atsala vüipeghi kethiu panongu no achineki lo ilo no timiqo kütsü thuve.
Kughou achinetou eno pa gholo kutubo kichemi no ighi keno panongu no Jewmi Hoho kukütsü kumqo püzü Israel lo sakiphemi eno layemiqo kümtsü hekütsü no akughuki lo apostolmiqo sasü ighi penike puwu. 22Ikemu hiyampemiqo no akughuki lo ighi kelo ye apostolmiqo ye tile aghimove püzü phuju pühave. Ikehu panongu no idechile wo no asütsa hitoi pìthive, 23“Ningu no ighi kelo akughuki ye tsatsái khape püaghi, eno ghükhemiqo no ahukikhaqo lo puthugho ngokhe aghí; ikemu ningu no ahukikha khaqhi iloghi kelo ye milakhimu aghimoe.” 24Hipau sütsa chilu kelo achineki ghükheu captain eno achinetomiqo ye avehuizüve, eno hiye kiu shive tsü niye auvea kea ipi kümsüve.
25Tishi ake lono timi khami ighino pi, “Julo! Nongu no akughuki lo khathave kemiqo ye achineki khala lo puthugho no timiqo kütsü ani.” 26Tilehi, captain no paw hiyampemiqo gholo wu no apostolmiqo sasü ighi. Panongu ye anguka shimoe, kughengu timiqo no atu pesü panongu veqhi nikeu müsà ake.
27Apostolmiqo sasü ighino achinetomiqo shou atóu pelo kideküdai iniju peniye Jewmi Hoho zülo puthugho pe. 28Achinetou no pi, “Ningu ye nongu vilo pa je lono kütsü kevilo ipi tsatsái azah tsü kemu nongu no akükütsü hipau pesü Jerusalem nhachhiva eno timi hipau kithí pesü ningu kipimí shive tsü niye anie.”
29Peter ngò apostolmiqo no khochile: “Ningu ye timi nguno alau Alhou gholu moayesae! 30Ningu pù-asü Lhou no Jisü khuu nongu no kros lono tshüqhi pìthíve keno akìthí lono xüputhuvae. 31Alhou no pa süqhe pesü pa u ajeu qhi no Akükau nu eno Xakuluu shipe, tishianguno Israelmiqo pelo xaidelu no panoqo xiné qhikütsü ithulu pe niye ke. 32Hipaqo vehu lo ningu no thopimiqo ke, eno titoi Aghungú Kimthe ghí thopi ke—Aghungú Kimthe ye Alhou no pa ghokulumiqo tsükeu ke.”
33Kughou panongu no hi chilu keno, panongu ye muqhumüzaive eno apostolmi pìthíveni shive. 34Ikemu Phariseemi lakhi ayeza kükütsüu, pa je Gamaliel ipikeu, khiu timi kümtsü no gihu che keno, pa no Jewmi Hoho zülo puthugho no ado kitila ghenguno apostolmiqo khalacheu sasü ipeve penike azah tsüve. 35Tisheno pa no Jewmi Hoho vilo pi: “Israel timiqo, nongu no timi hipaqo lau kiu shi niye ani keno tsaqüi kümsüjulo. 36Ado hami züu Theudas no pa ye khuu keno lakhi ipi no ipeghi, eno pa papemi aqhe bidí kutólo kumqo pe ache. Tisheno pa pìthíve, eno pa papemi kümtsü apanaghave, eno ti kümtsü kiumu kumove ke. 37Pa thiu, timi kikihi lu ake ghuloki lo Galileemi Judas ipikeu no pa muqo sasü mujochile ipeghi. Pa ghí pìthíve, eno pa papemi kümtsü apanaghave. 38Tighenguno, hipau tsà lo ino akükümsü nongu tsü akeu ye: Timi hipaqo lakha kevilo! Panongu phe puwuvelo! Tsalá panongu kimiji eno kümlà küghütha no timi lau no ighi keu shi aghí aye pa kutoshi no hauve nani. 39Ikemu tsalá hino Alhou lau no shi aghí aye nongu ye timi hipaqo lakha müla nani; eno nongu ye Alhou mujochile akeu nongu likhi nongu no phulu nani.”
40Pa tsà no timi kümtsü mulo pütsaqhiluve. Panongu no apostolmiqo kusüchile eno akighí no panoqo heqhi pe. Tisheno panongu vilo Jisü je lono pikevilo pi azah tsü no phe puwuve.
41Apostolmiqo no Jewmi Hoho zülo no cheve, eno panongu ghí Jisü je ghenguno kujomza keu ghime shini keu aküzüpushi aghí kepi alokivishi wuve. 42Tsalakipetsü, panongu ye khilemu tavemo no Jisü ye Messiah ke ipi asütsa kivi pesü achineki khala lo ngò aki-aki lo kütsü no asheshu ache.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.