Apostolmi 16
16
Timothy ye Paul ngò Silas Gholo Wuve
1Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke. 2Lystra eno Iconium lo küpülümiqo kümtsü no Timothy ghili pipivi che. 3Ike Paul ye Timothy sasü kicheghüzü lo wu niye shia, ikemu Jewmi tipau qhalo xü akemi kümtsü no Timothy papù ye Greekmi ipi ithi akeu ghenguno pa pelo aphighüyiko ghave pe. 4Pama no kicheghüzü shisü aphughi lakhi lono lakhi lo wu, tisheno apostolmi ngò kichimiqo no Jerusalem lo kiu xakütha shilu keno tipaqo pesü küpülümiqo pelo pelu penike pitsüe. 5Ikehu akukuho lo küpülümiqo ye panongu küpülü shikumtolu eno tsalakipetsü kihiküsümi kutomo iko wove.
Paulʼw Kungunhetsü
6Asia bocho lo atsakiviu kütsü pemo nike Aghungú Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue. 7Kughou Mysia ghuthú lo ighi keno panongu no Bithynia lo ilo niye shijue, ikemu Ampeu Jisü Ghungú no panongu pelo wupemove. 8Ikehu panongu no Mysia vechesü wuve eno apéu Troas lo iqive. 9Tipau jì kungunhetsü lakhi Paul lau ipeghi eno Macedonia lono timi lakhi puthugho no pa qhüiniju, “Macedonia lo ighino ningu kuphu tsülo.” 10Paul no kungunhetsü ithulu kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.
Philippi lo Lydia no Xükithelu
11Troas lono ningu azüghi lo wu eno ashuka lono vejoi Samothrace lo wuve, eno thoghiu ningu ye Neapolis lo wue. 12Tile no ningu ye kicheghüzü shisü Rommi no qhasüpe achekeu-a eno Macedonia tokukujo lo aphughi atüghiu Philippi ipikeu lo wue.
13Sabbath tsalà lo ningu no aphughi khagho vechesü akighini shi nikeu-a aghí nani kepi phusü aghoki lo wue. Ningu no tilehi iqa no totimi kumqo aghí kemiqo sasü küptsae. 14Ningu tsà iní akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira phughi lono ighi kemi ke. Li ye Alhou mülá chekemi. Ike Paul kükütsü tsà lo amlotsüqhiyilu penike Ampeu no li mulo khaqhi tsüe. 15Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi kepi ikhilutsü aghí aye iki lo ighino ngolo.” Eno li no puloniqhiyi ningu sasüe.
Paul ngò Silas Akughuki lo Süve
16Ghulo lakhi ningu no akighini shi chekeu-a lo wuche kelo aqüaxe shive kemi totimi lakhi aghawu no li phi lo ngo no ighi nikeu ghili pilu chekeu ningu no sasü kusholue. Li no angukuju shikeu vechewo li mipeunoqo ye pisa kutomo qelu che. 17Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.” 18Li no ghulo atsütsǜ hitoi piauve. Ikehu Paul ye azüzüve no kughowo aghawu vilo pi, “Jisü Khristo je lono opelo li qhive no ipeve penike ino azah otsü anie!” Tipa mütsa aghawu no li qhive no wuve.
19Kughou li no qelu chekeu lajupu kühave keu li mipeunoqo no ithive keno panongu no Paul ngò Silas pama tsüqüluve no pama sünhepe aqó lhikishi-a lo ayekipemiqo zülo sasü wue. 20Panongu no pama sasü yezapemiqo lau süghi no pi, “Timi hi pama ye Jewmi ke, eno ningu phughi lo aküpüna xukutho tsü ani, 21eno ningu Rommiqo no shimo kepu ngò ayeza lo shichemo keu kukhuaye kütau pesü asheshu anie.”
22Tile timi aqokitikhi akeqo ghí Paul ngò Silas shou nguku akeu lo küqhave tsü, eno yezapemiqo no pama phimini xave no akihepuyi pesü heqhi penike aqokitikhi azah tsüve. 23Panongu no aloqhi pama heqhive kethiu akughuki lo khathave eno akughuki jukükütsüu vilo kutokughoi pama khe penike azah tsüve. 24Ayeza hipau ithulu kelo akughuki jukükütsüu no pama pesü akughu chebo akuthou lo sǘve püzü asülu kimshi dolo pama pukhu tshüve tsü.
25Putho-müta ghuloki lo Paul ngò Silas pama ye akighini shi eno akishé le phe ghi Alhou sheqhea, eno akughumi kütamiqo no pama tsà iní ae. 26Zülile no ayeghi küghütha ighono paküta keu shi ighi püzü akughuki tsükucho kümtsü tuküghüthae. Ghuthukhavi no akughuki hukikhaqo khaqhi khave, eno akughumi tshüpe püakeu yikichhe kümtsü ikole iqi khave. 27Akughuki jukükütsüu no idaithughi, eno kughou akughumi hukikhaqo khaqhive aghí keu pa no ithulu keno pa ye akughumi kümtsü pokajovea küghashi kümsüve püzü paw kihizüta pesü pa likhi pa ghiqhive niye kutove. 28Ikemu Paul no ighamuku pi, “Olikhi oghüza kevilo! Ningu kümtsü hilau aphike!”
29Akughuki jukükütsüu no akulu süghi penike ku, eno akimighi shi posü Paul ngò Silas pama gizülo qhoqhünhe pe ikiqi ngove. 30Tisheno pa no pama khalau sasü ipeghino iniju, “Akijeu nokujo, ni ye xaluve nike ghenguno kiu shimoayesa kea?”
31Pama no khochile, “Ampeu Jisü shou pülübelo, tishiaye no eno okibolomi kümtsü xaluve nanie.” 32Tisheno pama no Ampeu tsà pesü pa eno pa ki lo akemi kütami kümtsü vilo pie. 33Putho tipau tüqhüdo lono akughuki jukükütsüu no pama zakuqo qhuvetsü; tisheno mütazü pa no pa kibolomiqo kümtsü sasü baptiz shiluve. 34Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.
35Kughou atsala vüqai ipeghive keno yezapemiqo no panonguw hiyampemiqo akughuki jukükütsüu lau puwu no ishi azah tsü: “Timi hupaqo khaqhiphevelo.” 36Akughuki jukükütsüu no Paul vilo pi, “Yezapemiqo no Silas nokujo khaqhipheve penike azah tsüvae. Itehi nokujo ye wulu nanie. Aloino wolo.”
37Ikemu Paul no hiyampemiqo vilo pi: “Ningu ye Rommi aghakütsamiqo keghi panongu ye ningu tsà küghajumo no timi zülo no ningu hepüani eno akughuki lo ningu khathave ke. Itehi panongu ye küsüu no ningu phe puwuve niye ani keshea? Tishimlae! Panongu ampi no ighino ningu khe sasü ikhiphe pelo.”
38Hiyampemiqo no hipa tsà pewo yezapemiqo vilo pive, eno kughou panongu no Paul eno Silas ye Rommi aghakütsami kepi chiluve keno, panongu ye shishe müsàve. 39Ikehu panongu no akipimí khuni ke ighi eno akughuki lono pama khe sasü ipeghive tisheno pama pelo aphughi qhive no wuve tsü penike qhüiniju. 40Paul ngò Silas pama no akughuki lono ipeghive kethiu pama ye Lydia ki lo wue, eno tilehi athiküzümi eno achelimiqo sasü kusholu no panongu shikumto tsülu. Tisheno pama ye wuve.
ప్రస్తుతం ఎంపిక చేయబడింది:
Apostolmi 16: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 16
16
Timothy ye Paul ngò Silas Gholo Wuve
1Paul no Derbe lo ighi, eno tisheno Lystra lo küpülümi lakhi Timothy ipikeu ki lo ighi, pazá ye Jewmi eno küpülümi lakhi, ikemu papù ye Greekmi ke. 2Lystra eno Iconium lo küpülümiqo kümtsü no Timothy ghili pipivi che. 3Ike Paul ye Timothy sasü kicheghüzü lo wu niye shia, ikemu Jewmi tipau qhalo xü akemi kümtsü no Timothy papù ye Greekmi ipi ithi akeu ghenguno pa pelo aphighüyiko ghave pe. 4Pama no kicheghüzü shisü aphughi lakhi lono lakhi lo wu, tisheno apostolmi ngò kichimiqo no Jerusalem lo kiu xakütha shilu keno tipaqo pesü küpülümiqo pelo pelu penike pitsüe. 5Ikehu akukuho lo küpülümiqo ye panongu küpülü shikumtolu eno tsalakipetsü kihiküsümi kutomo iko wove.
Paulʼw Kungunhetsü
6Asia bocho lo atsakiviu kütsü pemo nike Aghungú Kimthe vechewo lakhave kehu Paul ngò pa küsàmiqo ye kicheghüzü shisü Phrygia eno Galatia ko-aqha kümtsü lo wue. 7Kughou Mysia ghuthú lo ighi keno panongu no Bithynia lo ilo niye shijue, ikemu Ampeu Jisü Ghungú no panongu pelo wupemove. 8Ikehu panongu no Mysia vechesü wuve eno apéu Troas lo iqive. 9Tipau jì kungunhetsü lakhi Paul lau ipeghi eno Macedonia lono timi lakhi puthugho no pa qhüiniju, “Macedonia lo ighino ningu kuphu tsülo.” 10Paul no kungunhetsü ithulu kethiu Alhou no panongu lau atsakiviu pesü pipe nike ningu kulùvea kepi ithive no paikhavi Macedonia lo wuve nike aghili kutoluve.
Philippi lo Lydia no Xükithelu
11Troas lono ningu azüghi lo wu eno ashuka lono vejoi Samothrace lo wuve, eno thoghiu ningu ye Neapolis lo wue. 12Tile no ningu ye kicheghüzü shisü Rommi no qhasüpe achekeu-a eno Macedonia tokukujo lo aphughi atüghiu Philippi ipikeu lo wue.
13Sabbath tsalà lo ningu no aphughi khagho vechesü akighini shi nikeu-a aghí nani kepi phusü aghoki lo wue. Ningu no tilehi iqa no totimi kumqo aghí kemiqo sasü küptsae. 14Ningu tsà iní akemi gholo totimi lakhi je ye Lydia, li ye huzüi keu tiphimini lhidi shi chekemi eno Thyatira phughi lono ighi kemi ke. Li ye Alhou mülá chekemi. Ike Paul kükütsü tsà lo amlotsüqhiyilu penike Ampeu no li mulo khaqhi tsüe. 15Kughou li no akibolomiqo sasü baptiz shiluve keno, li ki lo ningu kusüe. Li no pi, “Nongu no ni ye Ampeu lono küpülümi lakhi kepi ikhilutsü aghí aye iki lo ighino ngolo.” Eno li no puloniqhiyi ningu sasüe.
Paul ngò Silas Akughuki lo Süve
16Ghulo lakhi ningu no akighini shi chekeu-a lo wuche kelo aqüaxe shive kemi totimi lakhi aghawu no li phi lo ngo no ighi nikeu ghili pilu chekeu ningu no sasü kusholue. Li no angukuju shikeu vechewo li mipeunoqo ye pisa kutomo qelu che. 17Totimi hipau no Paul ngò ninguqo pape no ighamuku ishi pi, “Timi hipaqo ye Akiqheu Alhou qemiqoe, panongu ye nongu vilo xakulupu laghi pitsü akemie.” 18Li no ghulo atsütsǜ hitoi piauve. Ikehu Paul ye azüzüve no kughowo aghawu vilo pi, “Jisü Khristo je lono opelo li qhive no ipeve penike ino azah otsü anie!” Tipa mütsa aghawu no li qhive no wuve.
19Kughou li no qelu chekeu lajupu kühave keu li mipeunoqo no ithive keno panongu no Paul ngò Silas pama tsüqüluve no pama sünhepe aqó lhikishi-a lo ayekipemiqo zülo sasü wue. 20Panongu no pama sasü yezapemiqo lau süghi no pi, “Timi hi pama ye Jewmi ke, eno ningu phughi lo aküpüna xukutho tsü ani, 21eno ningu Rommiqo no shimo kepu ngò ayeza lo shichemo keu kukhuaye kütau pesü asheshu anie.”
22Tile timi aqokitikhi akeqo ghí Paul ngò Silas shou nguku akeu lo küqhave tsü, eno yezapemiqo no pama phimini xave no akihepuyi pesü heqhi penike aqokitikhi azah tsüve. 23Panongu no aloqhi pama heqhive kethiu akughuki lo khathave eno akughuki jukükütsüu vilo kutokughoi pama khe penike azah tsüve. 24Ayeza hipau ithulu kelo akughuki jukükütsüu no pama pesü akughu chebo akuthou lo sǘve püzü asülu kimshi dolo pama pukhu tshüve tsü.
25Putho-müta ghuloki lo Paul ngò Silas pama ye akighini shi eno akishé le phe ghi Alhou sheqhea, eno akughumi kütamiqo no pama tsà iní ae. 26Zülile no ayeghi küghütha ighono paküta keu shi ighi püzü akughuki tsükucho kümtsü tuküghüthae. Ghuthukhavi no akughuki hukikhaqo khaqhi khave, eno akughumi tshüpe püakeu yikichhe kümtsü ikole iqi khave. 27Akughuki jukükütsüu no idaithughi, eno kughou akughumi hukikhaqo khaqhive aghí keu pa no ithulu keno pa ye akughumi kümtsü pokajovea küghashi kümsüve püzü paw kihizüta pesü pa likhi pa ghiqhive niye kutove. 28Ikemu Paul no ighamuku pi, “Olikhi oghüza kevilo! Ningu kümtsü hilau aphike!”
29Akughuki jukükütsüu no akulu süghi penike ku, eno akimighi shi posü Paul ngò Silas pama gizülo qhoqhünhe pe ikiqi ngove. 30Tisheno pa no pama khalau sasü ipeghino iniju, “Akijeu nokujo, ni ye xaluve nike ghenguno kiu shimoayesa kea?”
31Pama no khochile, “Ampeu Jisü shou pülübelo, tishiaye no eno okibolomi kümtsü xaluve nanie.” 32Tisheno pama no Ampeu tsà pesü pa eno pa ki lo akemi kütami kümtsü vilo pie. 33Putho tipau tüqhüdo lono akughuki jukükütsüu no pama zakuqo qhuvetsü; tisheno mütazü pa no pa kibolomiqo kümtsü sasü baptiz shiluve. 34Akughuki jukükütsüu no pama sasü pa ki lo ighi eno pama ghenguno alibe kutotsü; pa ye alokivi no chhitoive kughengu pa eno pa kibolomi kümtsü Alhou shou pülübeluve ke.
35Kughou atsala vüqai ipeghive keno yezapemiqo no panonguw hiyampemiqo akughuki jukükütsüu lau puwu no ishi azah tsü: “Timi hupaqo khaqhiphevelo.” 36Akughuki jukükütsüu no Paul vilo pi, “Yezapemiqo no Silas nokujo khaqhipheve penike azah tsüvae. Itehi nokujo ye wulu nanie. Aloino wolo.”
37Ikemu Paul no hiyampemiqo vilo pi: “Ningu ye Rommi aghakütsamiqo keghi panongu ye ningu tsà küghajumo no timi zülo no ningu hepüani eno akughuki lo ningu khathave ke. Itehi panongu ye küsüu no ningu phe puwuve niye ani keshea? Tishimlae! Panongu ampi no ighino ningu khe sasü ikhiphe pelo.”
38Hiyampemiqo no hipa tsà pewo yezapemiqo vilo pive, eno kughou panongu no Paul eno Silas ye Rommi aghakütsami kepi chiluve keno, panongu ye shishe müsàve. 39Ikehu panongu no akipimí khuni ke ighi eno akughuki lono pama khe sasü ipeghive tisheno pama pelo aphughi qhive no wuve tsü penike qhüiniju. 40Paul ngò Silas pama no akughuki lono ipeghive kethiu pama ye Lydia ki lo wue, eno tilehi athiküzümi eno achelimiqo sasü kusholu no panongu shikumto tsülu. Tisheno pama ye wuve.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.